ڈی آئی خان: کاشت کاروں کا مناسب ریٹ نہ ملنے تک شوگر ملوں کو گنا نہ دینے کا فیصلہ
اشاعت کی تاریخ: 29th, December 2025 GMT
ڈیرہ اسماعیل خان میں کاشت کاروں نے ضلع کی چاروں شوگر ملوں کو گنا فراہم نہ کرنے کا فیصلہ کرلیا۔
صدر کسان اتحاد کا کہنا ہے کہ جب تک شوگر ملیں گنے کے کاشتکاروں کو مناسب ریٹ نہیں دیں گے، گنا فراہم نہیں کیا جائے گا۔
کسان اتحاد اور کاشتکاروں کے اجلاس میں شوگر ملوں کو گنے کی فراہمی نہ کرنے کا فیصلہ کیا گیا۔
صدر کسان اتحاد اکبر خان قیصرانی کا کہنا تھا کہ گنا کسان کی ملکیت ہے، اسے جلا دیں گے مگر شوگر ملوں کے من مانے ریٹ پر نہیں دیں گے، جب تک کاشت کاروں کی محنت کے مطابق ریٹ طے نہیں کیا جاتا گنے کی ترسیل روکی جائے گی۔
.
ذریعہ
ذریعہ: Nawaiwaqt
کلیدی لفظ: شوگر ملوں
پڑھیں:
گلگت بلتستان کو بھی آئینی وبنیادی حقوق ملنے چاہئیں ، سعد رفیق
سکردو(اُردو پوائنٹ اخبارتازہ ترین - آن لائن۔ 02 جون2026ء) پاکستان مسلم لیگ (ن) کے سینئر رہنما اور سابق وفاقی وزیر خواجہ سعد رفیق نے کہا ہے کہ گلگت بلتستان کے عوام کی ترقی مسلم لیگ (ن) کی اولین ترجیح ہے اور انہیں ملک کے دیگر صوبوں کی طرح مکمل آئینی اور بنیادی حقوق ملنے چاہئیں۔(جاری ہے)
جی بی ای-8 سکردو-2 میں انتخابی مہم کے سلسلے میں مسلم لیگ (ن) کے نامزد امیدوار حاجی اکبر تابان کی رہائش گاہ پر پارٹی کارکنوں سے خطاب کرتے ہوئے خواجہ سعد رفیق کا کہنا تھا کہ مسلم لیگ (ن) اقتدار میں آ کر عوام کی محرومیاں ختم کرے گی اور گلگت بلتستان کے حقوق کیلئے پارلیمنٹ میں مؤثر آواز اٹھائے گی۔
انہوں نے کہا کہ پسماندہ علاقوں کی ترقی پر خصوصی توجہ دی جائے گی اور خطے میں بجلی کے نئے منصوبے متعارف کرائے جائیں گے۔ان کا کہنا تھا کہ گلگت بلتستان کی ترقی اور خوشحالی کیلئے سب کو مل کر کام کرنا ہوگا، پاکستان کے قیام کا جو مقصد تھا، اسے پورا کرنا ہماری مشترکہ ذمہ داری ہے، پاکستان مسلم دنیا کی واحد ایٹمی قوت ہے اور بھارت کے فالس فلیگ آپریشنز کو ہمیشہ ناکامی کا سامنا کرنا پڑا ہے۔خواجہ سعد رفیق نے مزید کہا کہ مسلم لیگ (ن) کی سیاست الزام تراشی نہیں بلکہ دلیل، خدمت اور عوامی ترقی کی سیاست ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ