وزیراعلیٰ خیبرپختونخوا کی پنجاب اسمبلی آمد: اپوزیشن کی ناقص فہرست ہنگامے کی بڑی وجہ قرار
اشاعت کی تاریخ: 30th, December 2025 GMT
پنجاب اسمبلی میں وزیراعلیٰ خیبرپختونخوا سہیل آفریدی کی آمد کے موقع پر ہلڑ بازی کے واقعے سے متعلق اسپیکر پنجاب اسمبلی ملک محمد احمد خان کی جانب سے قائم کی گئی تحقیقاتی کمیٹی کی رپورٹ منظرِ عام پر آ گئی ہے۔
رپورٹ میں واقعے میں ملوث افراد کے خلاف قانونی کارروائی کی سفارش کی گئی ہے جبکہ معاملے کی مزید تفتیش کے لیے قانون نافذ کرنے والے اداروں کی مدد لینے کی بھی تجویز دی گئی ہے۔
تحقیقاتی رپورٹ کے مطابق وزیراعلیٰ خیبرپختونخوا کی آمد پر اپوزیشن کی جانب سے ساتھ آنے والے مہمانوں کی جو فہرست فراہم کی گئی وہ صرف ناموں پر مشتمل تھی، جس کے باعث افراد کی شناخت میں شدید مشکلات کا سامنا کرنا پڑا۔
یہ بھی پڑھیں:
رپورٹ میں کہا گیا ہے کہ اپوزیشن کی جانب سے دی گئی فہرست میں شناختی کارڈ نمبرز، تصاویر اور گاڑیوں کے نمبر شامل نہیں تھے۔
رپورٹ کے مطابق ایک شخص مطیع اللّٰہ برقی نے جھوٹ بول کر اسمبلی میں داخلے کی کوشش کی اور خود کو خیبرپختونخوا اسمبلی کے حلقہ پی کے 89 سے ایم پی اے اشفاق ظاہر کیا۔
تاہم صوبائی وزیر خیبرپختونخوا مینا خان نے اس بات کی تصدیق کی کہ مطیع اللّٰہ برقی ایم پی اے اشفاق نہیں ہیں۔
مزید پڑھیں:
تحقیقاتی رپورٹ میں مزید بتایا گیا ہے کہ جب مطیع اللّٰہ برقی کو اسمبلی سے باہر جانے کا کہا گیا تو انہوں نے اسمبلی سیکیورٹی کے ساتھ ہاتھا پائی کی اور گالم گلوچ بھی کی۔
رپورٹ کے مطابق اسمبلی سیکیورٹی نے تمام افراد سے تحمل کے ساتھ شناخت کروانے کی گزارش کی، تاہم قافلے میں شامل بعض افراد کی جانب سے دھکم پیل اور بدتمیزی کا مظاہرہ کیا گیا۔
رپورٹ میں یہ بھی انکشاف کیا گیا ہے کہ اپوزیشن کی جانب سے فراہم کی گئی فہرست میں سزا یافتہ حیدر مجید کا نام بھی شامل تھا۔
مزید پڑھیں:
علاوہ ازیں اپوزیشن نے فہرست حوالے کرتے وقت یقین دہانی کروائی تھی کہ شناخت کے عمل کے لیے 2 پی ٹی آئی ارکان مین گیٹ پر موجود رہیں گے، تاہم یہ یقین دہانی پوری نہ کی جا سکی۔
تحقیقاتی کمیٹی نے موقع پر موجود اسمبلی سیکیورٹی کے بیانات بھی قلم بند کیے اور سفارش کی کہ مستقبل میں ایسے واقعات سے بچنے کے لیے مہمانوں کی مکمل اور مستند تفصیلات پیشگی فراہم کی جائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیکر پی ٹی آئی پینجاب اسمبلی تحقیقاتی کمیٹی حیدر مجید خیبرپختونخوا سہیل آفریدی مطیع اللّٰہ برقی مینا خان.
ذریعہ
ذریعہ: WE News
کلیدی لفظ: اسپیکر پی ٹی ا ئی پینجاب اسمبلی تحقیقاتی کمیٹی خیبرپختونخوا سہیل ا فریدی مطیع الل ہ برقی اپوزیشن کی کی جانب سے رپورٹ میں مطیع الل کے لیے کی گئی
پڑھیں:
پہلی ہی گیند پر وکٹ: شاہین آفریدی پاکستان کے عظیم کپتانوں کی فہرست میں شامل
پاکستان کے کپتان شاہین شاہ آفریدی نے آسٹریلیا کے خلاف دوسرے ایک روزہ میچ میں ایک منفرد اعزاز اپنے نام کر لیا۔
یہ بھی پڑھیں: دوسرا ون ڈے: آسٹریلیا کے 232 رنز کے ہدف کے تعاقب میں پاکستان کی بیٹنگ جاری
قذافی اسٹیڈیم لاہور میں کھیلے گئے میچ کے آغاز پر شاہین نے پہلی ہی گیند پر آسٹریلوی اوپنر الیکس کیری کو بولڈ کر کے پاکستانی کرکٹ کی تاریخ میں اپنا نام درج کرا دیا۔
شاہین شاہ آفریدی اب پاکستان کے صرف تیسرے کپتان بن گئے ہیں جنہوں نے ون ڈے انٹرنیشنل میں حریف ٹیم کی اننگز کی پہلی ہی گیند پر وکٹ حاصل کی۔ اس سے قبل یہ کارنامہ پاکستان کے لیجنڈری فاسٹ بولرز وسیم اکرم اور وقار یونس انجام دے چکے ہیں۔
A unique feat for Pakistan captain @iShaheenAfridi today ????
➡️ Download #PCBLIVE app now ????
Google Play Store: https://t.co/5mBlUcoG8g
Apple App Store: https://t.co/RpeYQPshnh
Watch Live: https://t.co/M8wsOD8omx#PAKvAUS | #TakraarKaTime | #BackTheBoysInGreen pic.twitter.com/lh6zWbjS25
— Pakistan Cricket (@TheRealPCB) June 2, 2026
وسیم اکرم نے سنہ 1993 میں کراچی میں زمبابوے کے خلاف اینڈی فلاور کو پہلی گیند پر آؤٹ کیا تھا جبکہ وقار یونس نے 2001 میں لیڈز میں انگلینڈ کے مارکس ٹریسکوتھک کو ابتدائی گیند پر پویلین بھیجا تھا۔
پہلی گیند پر وکٹ لینے والے پاکستانی کپتان
وسیم اکرم: سنہ 1993 بمقابلہ زمبابوے (کراچی)
وقار یونس: سنہ 2001 بمقابلہ انگلینڈ (لیڈز)
شاہین شاہ آفریدی: سنہ 2026 بمقابلہ آسٹریلیا (لاہور)
شاہین آفریدی نے صرف ابتدائی وکٹ پر ہی اکتفا نہیں کیا بلکہ شاندار بولنگ کا سلسلہ جاری رکھتے ہوئے آسٹریلیا کے مزید 2 کھلاڑیوں کو بھی آؤٹ کیا۔ انہوں نے 47ویں اوور میں میتھیو کوہنیمن اور 49ویں اوور میں نیتھن ایلس کی وکٹ حاصل کی اور 8 اوورز میں 36 رنز دے کر 3 وکٹیں اپنے نام کیں۔
مزید پڑھیے: شاہین آفریدی نے تاریخ رقم کر دی، ورلڈ ٹیسٹ چیمپیئن شپ میں 100 وکٹیں لینے والے پہلے پاکستانی بولر بن گئے
شاہین کے علاوہ حارث رؤف، ابرار احمد اور عرفات منہاس نے بھی عمدہ بولنگ کا مظاہرہ کیا جس کے باعث آسٹریلوی ٹیم مقررہ 50 اوورز میں 9 وکٹوں کے نقصان پر 231 رنز تک محدود رہی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ