وفاقی وزیر داخلہ اور گورنر خیبرپختونخوا کی ملاقات، سرحدی علاقوں میں آپریشنز پر تبادلہ خیال
اشاعت کی تاریخ: 30th, December 2025 GMT
وفاقی وزیر داخلہ محسن نقوی نے گورنر خیبرپختونخوا فیصل کریم کنڈی سے ملاقات کی، جس میں صوبے میں امن و امان کی صورتحال اور سکیورٹی کے چیلنجز پر تفصیلی بات چیت کی گئی۔
گورنر فیصل کریم کنڈی نے خیبرپختونخوا میں درپیش خطرات اور سرحدی علاقوں میں جاری سکیورٹی اقدامات سے وزیر داخلہ کو آگاہ کیا۔ اس دوران خوارج اور دہشتگرد عناصر کے خلاف جاری آپریشنز پر بھی تبادلہ خیال ہوا۔
وزیر داخلہ محسن نقوی نے صوبے میں امن قائم رکھنے کے لیے وفاقی حکومت کی مکمل حمایت کی یقین دہانی کرائی اور کہا کہ خیبرپختونخوا میں قیام امن وفاقی حکومت کی اولین ترجیح ہے۔ انہوں نے صوبے کے عوام کی دہشتگردی کے خلاف قربانیوں کو سراہا اور کہا کہ فتنہ الخوارج اور سہولت کاروں کے خلاف کوئی رعایت نہیں برتی جائے گی۔
گورنر فیصل کریم کنڈی نے اس موقع پر کہا کہ صوبے میں امن و امان قائم رکھنے کے لیے وفاقی تعاون ناگزیر ہے اور دہشتگردی کے خاتمے کے لیے مشترکہ اور مربوط اقدامات کی ضرورت ہے۔ ملاقات کے دوران دونوں رہنماؤں نے صوبے میں امن قائم رکھنے اور دہشتگرد عناصر کے خلاف کارروائیوں کو مزید مؤثر بنانے پر زور دیا۔
ذریعہ
ذریعہ: Daily Mumtaz
کلیدی لفظ: وزیر داخلہ کے خلاف
پڑھیں:
فیلڈ مارشل عاصم منیر کا بلوچستان میں پائیدار امن کے عزم کا اعادہ
فیلڈ مارشل سید عاصم منیر نے کہا ہے کہ سکیورٹی فورسز اور قانون نافذ کرنے والے ادارے عوام کی بھرپور حمایت سے بلوچستان میں دیرپا امن کے قیام کے لیے پرعزم ہیں۔ انہوں نے اس عزم کا اظہار کیا کہ دہشت گردی اور اس کے سہولت کاروں کے خلاف کارروائیاں اپنے منطقی انجام تک جاری رہیں گی۔
پاک فوج کے شعبہ تعلقات عامہ (آئی ایس پی آر) کے مطابق 20ویں نیشنل ورکشاپ بلوچستان کے شرکاء نے جنرل ہیڈکوارٹرز (جی ایچ کیو) کا دورہ کیا، جہاں فیلڈ مارشل سید عاصم منیر نے شرکاء سے خطاب کرتے ہوئے قومی اتحاد، استحکام اور ثابت قدمی کی اہمیت پر زور دیا۔
فیلڈ مارشل نے کہا کہ بلوچستان پاکستان کا فخر ہے اور یہ صوبہ قدرتی وسائل سے مالا مال ہے۔ ان کے مطابق بلوچستان کے محب وطن، باصلاحیت، باہمت اور ثابت قدم عوام ہی اس صوبے کا سب سے قیمتی سرمایہ ہیں۔
انہوں نے کہا کہ وفاقی اور صوبائی حکومتوں کی جانب سے بلوچستان میں جاری ترقیاتی منصوبوں کا مقصد صوبے کی سماجی اور معاشی ترقی کو یقینی بنانا، عوام کے معیارِ زندگی کو بہتر بنانا اور خوشحالی کے نئے مواقع پیدا کرنا ہے۔
آئی ایس پی آر کے مطابق فیلڈ مارشل نے کہا کہ سکیورٹی فورسز اور قانون نافذ کرنے والے ادارے عوام کے تعاون سے بلوچستان میں امن و امان کے قیام کے لیے بھرپور کوششیں جاری رکھے ہوئے ہیں اور ان کی یہی مشترکہ کاوشیں صوبے میں پائیدار امن کی بنیاد بنیں گی۔
انہوں نے اس موقع پر کہا کہ فتنہ الخوارج اور فتنہ الہندوستان کے خلاف ٹارگٹڈ آپریشنز پوری قوت کے ساتھ جاری رہیں گے اور یہ کارروائیاں دہشت گردی اور اس کے سہولت کاروں کے مکمل خاتمے تک بلا تعطل جاری رہیں گی۔
فیلڈ مارشل سید عاصم منیر نے اس عزم کا اعادہ کیا کہ پاکستان کی مسلح افواج عوام کے اتحاد، عزم اور ثابت قدمی کی بدولت ہر قسم کے مذموم عزائم کو ناکام بنائیں گی اور ملکی سلامتی، خودمختاری اور استحکام کے تحفظ کے لیے اپنی ذمہ داریاں پوری کرتی رہیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار