چلتی ٹرین پر پتھر لگنے سے ٹرین انچارج شدید زخمی
اشاعت کی تاریخ: 30th, December 2025 GMT
اسلام آباد کے مدینۃ الحجاج اسٹیشن کے قریب چلتی ٹرین پر پتھر لگنے سے ٹرین انچارج حامد محمود شدید زخمی ہوگئے۔
ریلوے حکام کے مطابق واقعہ اسلام آباد کے قریب چلتی ٹرین میں ہوا، عوام سے اپیل ہے اس مجرمانہ فعل سے باز رہیں۔
حامد محمود انچارج گارڈ ہزارہ ایکسپریس حویلیاں سے راولپنڈی بطور انچارج گارڈ ورکنگ کر رہے تھے۔
آوارہ عناصر ٹرینوں پر پتھراؤ کر کے مسافروں اور عملے کی جان خطرے میں ڈال رہے ہیں۔ چلتی ٹرین پر پتھر لگنا گولی جیسا اثر رکھتا ہے، انسانی جانوں کو شدید خطرات لاحق ہیں۔
عوام سے اپیل ہے کے ٹرینوں پر پتھر پھینکنے والوں کے خلاف تعاون کریں اور اطلاع دیں۔
ریلوے حکام کے مطابق ریلوے املاک کو نقصان پہنچانا قانوناً جرم ہے، ذمہ داروں کے خلاف کارروائی ضروری ہے۔
.
ذریعہ
ذریعہ: Express News
پڑھیں:
چیک ریپبلک میں فوجی ہیلی کاپٹر گر کر تباہ؛ ایک فوجی ہلاک اور 4 زخمی
چیک ریپبلک کے مشرقی حصے میں ایک فوجی ہیلی کاپٹر گر کر تباہ ہوگیا جس کے نتیجے میں ایک فوجی ہلاک جبکہ تین دیگر زخمی ہو گئے۔
عالمی خبر رساں ادارے کے مطابق چیک وزارتِ دفاع اور فوج کی جانب سے جاری بیان میں کہا گیا ہے کہ حادثہ بدھ کے روز نامیشت ناد اوسلاوو ایئر فورس بیس پر پیش آیا جو دارالحکومت پراگ سے تقریباً 180 کلومیٹر جنوب مشرق میں واقع ہے۔
حادثے کا شکار ہونے والا ہیلی کاپٹر UH-1Y Venom تھا، جس میں مجموعی طور پر 5 فوجی اہلکار سوار تھے۔ حادثے میں ایک اہلکار موقع پر ہی جان کی بازی ہار گیا جبکہ تین زخمیوں کو فوری طور پر قریبی اسپتال منتقل کیا گیا۔
مقامی میڈیا رپورٹس کے مطابق ہیلی کاپٹر معمول کی فوجی تربیتی سرگرمی کے سلسلے میں پرواز کر رہا تھا، تاہم حکام نے ابھی تک اس کی باضابطہ تصدیق نہیں کی۔ حادثے کی وجوہات جاننے کے لیے فوج نے خصوصی تحقیقاتی ٹیم تشکیل دیدی ہیں۔
چیک حکام کا کہنا ہے کہ اس بات کا جائزہ لے رہے ہیں، آیا حادثہ تکنیکی خرابی، موسمی حالات یا انسانی غلطی کے باعث پیش آیا۔ تحقیقات کے نتائج سے میڈیا کو آگاہ کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار