لاہور: 39 جھگیوں کے خاتمے کے بعد شہر کو زیرو ویسٹ بنانے کا عزم
اشاعت کی تاریخ: 30th, December 2025 GMT
وزیراعلیٰ پنجاب مریم نواز شریف کے ’ستھرا پنجاب‘ وژن کے تحت لاہور کو زیرو ویسٹ شہر بنانے کے اقدامات تیز کر دیے گئے ہیں۔ سال 2025 میں شہر کے 39 جھگی پوائنٹس کی نشاندہی کی گئی تھی، جو اب مکمل طور پر کلئیر کر دیے گئے ہیں۔
مزید پڑھیں: رواں برس لاہور میں کتنے ہزار لوگوں کی جیب کٹی؟
ڈپٹی کمشنر لاہور سید موسیٰ رضا کی زیر نگرانی ضلعی انتظامیہ، لاہور ویسٹ مینجمنٹ کمپنی اور انفورسمنٹ ونگ کی مشترکہ ٹیمیں تجاوزات اور جھگیوں کے خلاف گرینڈ آپریشنز جاری رکھے ہوئے ہیں۔ شہر کے داخلی و خارجی راستوں کو کوڑا کرکٹ سے پاک رکھنے اور شہریوں میں صفائی کے شعور کو بڑھانے کے لیے مہم کو مزید مؤثر بنایا جا رہا ہے۔
مزید پڑھیں: سہیل آفریدی لاہور کیا کرنے گئے تھے؟
ڈپٹی کمشنر لاہور کا کہنا ہے کہ شہر کو زیرو ویسٹ ماڈل پر لانے کے لیے تمام وسائل بروئے کار لائے جا رہے ہیں، جبکہ ویسٹ ٹو انرجی پراجیکٹ بھی شہر کی ترقی میں سنگ میل ثابت ہوگا۔ تجاوزات قائم کرنے والے عناصر کے خلاف بلاتفریق قانونی کارروائی عمل میں لائی جا رہی ہے تاکہ لاہور کا تاریخی حسن بحال رہ سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جھگیاں زیرو ویسٹ لاہور.
ذریعہ
ذریعہ: WE News
کلیدی لفظ: جھگیاں زیرو ویسٹ لاہور زیرو ویسٹ
پڑھیں:
عالمی مارکیٹ میں تیل کی قیمت 100 ڈالر سے تجاوز، مزید اضافے کا خدشہ
اسلام آباد: مشرق وسطیٰ میں بڑھتی ہوئی کشیدگی کے باعث عالمی مارکیٹ میں تیل کی قیمت میں نمایاں اضافہ ریکارڈ کیا گیا ہے، جہاں برینٹ کروڈ پہلی بار 100 ڈالر فی بیرل کی سطح عبور کر گیا، جبکہ امریکی خام تیل بھی 90 ڈالر فی بیرل سے اوپر پہنچ گیا۔
تازہ عالمی مارکیٹ رپورٹس کے مطابق خطے میں جاری غیر یقینی صورتحال اور سپلائی میں ممکنہ رکاوٹوں کے خدشات نے خام تیل کی قیمتوں کو نئی بلند ترین سطح پر پہنچا دیا ہے۔
ماہرین توانائی کا کہنا ہے کہ اگر مشرق وسطیٰ کی صورتحال مزید کشیدہ ہوئی اور تیل کی ترسیل متاثر ہوئی تو برینٹ کروڈ کی قیمت 120 ڈالر فی بیرل تک پہنچ سکتی ہے۔
تیل کی قیمتیں کیوں بڑھ رہی ہیں؟
تجزیہ کاروں کے مطابق ایران سے تیل کی سپلائی متاثر ہونے کے خدشات، بحیرہ احمر میں حوثیوں کی جانب سے بحری سرگرمیوں میں رکاوٹ اور اہم تجارتی راستوں پر بڑھتے ہوئے خطرات نے عالمی توانائی مارکیٹ کو شدید دباؤ میں ڈال دیا ہے۔
ماہرین کا کہنا ہے کہ ایران کے اہم آئل ٹرمینل جزیرہ خارگ کو کسی بھی ممکنہ نقصان یا تیل کی صنعت میں ہڑتال کی صورت میں عالمی سطح پر سپلائی مزید متاثر ہو سکتی ہے، جس سے قیمتوں میں مزید تیزی آنے کا امکان ہے۔
پاکستان پر کیا اثر پڑ سکتا ہے؟
توانائی ماہرین کے مطابق اگر عالمی مارکیٹ میں تیل کی قیمت اسی رفتار سے بڑھتی رہی تو پاکستان میں بھی پیٹرول، ڈیزل اور دیگر پیٹرولیم مصنوعات مزید مہنگی ہونے کا امکان ہے۔ اس کے علاوہ ٹرانسپورٹ، بجلی کی پیداوار، صنعتی لاگت اور مہنگائی پر بھی اس کے اثرات مرتب ہو سکتے ہیں۔
ماہرین نے خبردار کیا ہے کہ عالمی تیل منڈی میں جاری غیر یقینی صورتحال برقرار رہی تو نہ صرف توانائی کی قیمتیں مزید بڑھ سکتی ہیں بلکہ عالمی معیشت اور سپلائی چین بھی شدید دباؤ کا شکار ہو سکتی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار