تامل ناڈو کے پہاڑی علاقے میں پلاسٹک کی ممانعت، پانی بھرنے کے لیے اے ٹی ایم اسٹیشن قائم
اشاعت کی تاریخ: 30th, December 2025 GMT
data-id="863a0a8" data-element_type="widget" data-widget_type="theme-post-content.default">
بھارتی ریاست تامل ناڈو کے مشہور پہاڑی مقام اوٹی میں ماحولیات کے تحفظ اور آلودگی پر قابو پانے کے لیے ایک اہم قدم اُٹھایا گیا ہے۔
بین الاقوامی میڈیا رپورٹس کے مطابق اوٹی کی انتظامیہ نے اعلان کیا ہے کہ اب اس علاقے میں پلاسٹک کی عام بوتلوں کے استعمال پر پابندی ہوگی اور سیاحوں کو اپنے ساتھ دوبارہ استعمال ہونے والی بوتلیں لانے کی ترغیب دی گئی ہے۔
انتظامیہ کے مطابق اس اقدام کا مقصد اوٹی کے قدرتی حسن اور صاف ستھری ہوا کو برقرار رکھنا ہے، تاکہ سیاحتی مقام نہ صرف مقامی آبادی بلکہ آنے والے سیاحوں کے لیے بھی محفوظ اور خوشگوار ماحول فراہم کرے۔
اس سلسلے میں پانی فراہم کرنے کے لیے خصوصی واٹر اے ٹی ایم بھی نصب کیے گئے ہیں، جہاں سیاح محض 10 روپے میں اپنی بوتل بھر سکتے ہیں۔
سوشل میڈیا پر اس اقدام کی پذیرائی کی ایک جھلک بھی دیکھی جا رہی ہے۔ ایک وائرل ویڈیو میں سیاح کو واٹر اے ٹی ایم سے اپنی بوتل بھرتے ہوئے دکھایا گیا ہے، جسے صارفین نے بھرپور طریقے سے سراہا ہے۔
صارفین نے نہ صرف اوٹی کے انتظامی اقدام کی تعریف کی بلکہ کئی لوگوں نے اس طرح کے اقدامات کو ملک بھر کے سیاحتی مقامات پر نافذ کرنے کی خواہش بھی ظاہر کی۔
ایک صارف نے لکھا کہ یہ اقدام تمام سیاحتی مقامات پر لاگو ہونا چاہیے تاکہ قدرتی ماحول کی حفاظت یقینی بنائی جا سکے۔ ایک اور صارف نے بھی امید ظاہر کی کہ یہ اقدام ملک کے دیگر پہاڑی اور سیاحتی علاقوں کے لیے ایک مثال ثابت ہوگا۔
اوٹی میں پلاسٹک بوتلوں پر یہ پابندی اور دوبارہ استعمال کی ترغیب ماحول دوست سیاحت کے فروغ اور پہاڑی علاقوں میں پلاسٹک کے فضلے میں کمی کے لیے ایک سنگ میل کے طور پر دیکھی جا رہی ہے، جو آنے والے سالوں میں دیگر ریاستوں کے لیے بھی مشعل راہ ثابت ہو سکتی ہے۔
ذریعہ
ذریعہ: Jasarat News
کلیدی لفظ: میں پلاسٹک کے لیے
پڑھیں:
گوگل کا نیا سیکیورٹی فیچر، کیا اب پاس ورڈ کی ضرورت ہی نہیں رہے گی؟
گوگل نے صارفین کی آن لائن سیکیورٹی مزید مضبوط بنانے کے لیے سیلفی ویڈیو پر مبنی نئی بایومیٹرک شناختی سہولت متعارف کرا دی ہے جس کے ذریعے اہل صارفین پاس ورڈ یا ریکوری ڈیوائس دستیاب نہ ہونے کی صورت میں اپنے اکاؤنٹس تک دوبارہ رسائی حاصل کر سکیں گے۔
کمپنی کے مطابق نیا فیچر بنیادی طور پر اکاؤنٹ ریکوری کے لیے تیار کیا گیا ہے۔ صارفین ابتدائی مرحلے میں اسکرین پر دی گئی ہدایات کے مطابق ایک مختصر سیلفی ویڈیو ریکارڈ کریں گے جس میں مختلف زاویوں سے چہرہ دکھانا ہوگا تاکہ شناخت محفوظ کی جا سکے۔
یہ بھی پڑھیں: گوگل پلے کی نئی پالیسی، متبادل ایپ مارکیٹس کو راستہ مل گیا
اگر بعد میں صارف اپنا پاس ورڈ بھول جائے، فون گم ہو جائے یا ٹو فیکٹر آتھنٹیکیشن استعمال نہ کر سکے تو وہ نئی سیلفی ویڈیو ریکارڈ کر کے اپنی شناخت کی تصدیق کرا سکے گا۔
گوگل کا سیکیورٹی سسٹم نئی ویڈیو کا پہلے سے محفوظ ویڈیو سے موازنہ کرے گا اور جدید لائیونیس چیک اور اینٹی اسپوفنگ ٹیکنالوجی کی مدد سے اس بات کی تصدیق کرے گا کہ سامنے حقیقی شخص موجود ہے، نہ کہ تصویر، ریکارڈ شدہ ویڈیو یا مصنوعی ذہانت (AI) سے تیار کردہ ڈیپ فیک۔
یہ بھی پڑھیں: راستوں کی تلاش کے بعد گوگل میپس میں کھانا منگوانے کا فیچر متعارف کرائے جانے کی تیاریاں
گوگل کا کہنا ہے کہ یہ سہولت روزمرہ لاگ اِن کے لیے نہیں بلکہ صرف اکاؤنٹ ریکوری کے دوران استعمال کی جائے گی۔ کمپنی اس سے قبل پاس کیز (Passkeys)، سیکیورٹی کیز اور ٹو فیکٹر آتھنٹیکیشن جیسے متبادل طریقے بھی متعارف کرا چکی ہے تاکہ روایتی پاس ورڈز پر انحصار کم کیا جا سکے۔
پرائیویسی سے متعلق خدشات کے جواب میں گوگل نے کہا ہے کہ صارفین کی سیلفی ویڈیوز مکمل طور پر انکرپٹڈ انداز میں محفوظ کی جائیں گی، ان پر صارف کا مکمل اختیار ہوگا اور وہ کسی بھی وقت انہیں حذف کر سکیں گے۔ کمپنی کے مطابق یہ ویڈیوز صرف شناخت کی تصدیق کے لیے استعمال ہوں گی جب تک کہ صارف کسی اضافی استعمال کی اجازت نہ دے۔
یہ بھی پڑھیں: گوگل میپ کی ایک غلطی اور تاجر علی جمیل کے سفرِ آخرت کی کہانی
ماہرین کے مطابق گوگل کا یہ اقدام ٹیکنالوجی کی دنیا میں پاس ورڈ کے بغیر محفوظ لاگ اِن سسٹمز کی جانب بڑھتے ہوئے رجحان کا حصہ ہے۔ اس سے قبل ایپل، مائیکروسافٹ سمیت متعدد بینک، ایئرلائنز اور سرکاری ادارے بھی بایومیٹرک شناختی نظام اپنا چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
گوگل گوگل پاسپورڈ
پاکستان نے ورلڈ کپ 2028 کیلیے براہ راست کوالیفائی کر لیا