کراچی: اورنج لائن کو گرین لائن سے جوڑنے کے منصوبے کا افتتاح
اشاعت کی تاریخ: 30th, December 2025 GMT
سندھ کے سینئر وزیر شرجیل انعام میمن نے کراچی میں اورنج لائن بس سروس کو گرین لائن سے منسلک کرنے کے منصوبے کا باضابطہ افتتاح کر دیا ہے، جس سے شہریوں کے سفر میں نمایاں سہولت متوقع ہے۔
اورنگی ٹاؤن میں اورنج لائن ڈپو کے دورے کے موقع پر میڈیا سے گفتگو کرتے ہوئے شرجیل میمن نے کہا کہ اب مسافروں کو الگ الگ بسوں کے لیے دوہرا کرایہ ادا نہیں کرنا پڑے گا۔ شہری ایک ہی کارڈ کے ذریعے اورنج لائن اور گرین لائن دونوں بس سروسز استعمال کر سکیں گے۔
انہوں نے بتایا کہ یہ پاکستان کی پہلی بی آر ٹی سروس ہے جہاں ایک ہی کارڈ مختلف لائنز پر قابلِ استعمال ہوگا۔ ان کے مطابق اس نظام کے تحت روزانہ تقریباً ایک لاکھ مسافر فائدہ اٹھا سکیں گے۔
سینئر وزیر نے مزید کہا کہ کل سے کراچی میں ڈبل ڈیکر بسوں کی سروس بھی شروع کی جا رہی ہے، جو نئے سال کے موقع پر شہریوں کے لیے ایک تحفہ ہوگا۔ ان تمام منصوبوں کا مقصد عوام کو بہتر، آسان اور جدید سفری سہولیات فراہم کرنا ہے۔
ریڈ لائن منصوبے سے متعلق بات کرتے ہوئے شرجیل میمن نے کہا کہ ابتدا میں وہاں کئی مسائل درپیش تھے، تاہم وزیراعلیٰ سندھ کی ہدایت پر تمام رکاوٹیں دور کر دی گئی ہیں اور اب اس منصوبے پر باقاعدہ کام کا آغاز ہو چکا ہے۔
ذریعہ
ذریعہ: Daily Mumtaz
کلیدی لفظ: اورنج لائن
پڑھیں:
کراچی: سرجانی ٹاؤن میں فائرنگ سے باپ، بیٹا جاں بحق، دوسرا بیٹا زخمی
کراچی کے علاقے سرجانی ٹاؤن میں فائرنگ سے باپ اور بیٹا جاں بحق ہوگئے جبکہ دوسرا بیٹا زخمی ہوگیا، واقعہ ذاتی لڑائی جھگڑے کے باعث پیش آیا۔ فائرنگ کے بعد ملزم فرار ہوگیا۔
ایس ایس پی ویسٹ طارق مستوئی کے مطابق سرجانی ٹاؤن کے علاقے روزی گوٹھ میں دو برادریوں کے درمیان جھگڑا ہوا تھا جو ذاتی نوعیت کا تھا۔
اس دوران فائرنگ کا واقعہ پیش آیا جس سے باپ اور اس کا ایک بیٹا دم توڑ گئے جبکہ دوسرا بیٹا زخمی ہے جس کی حالت تشویشناک ہے اور عباسی شہید اسپتال میں زیر علاج ہے۔
ایس ایس پی غربی نے مزید بتایا کہ ابتدائی طور پر حاصل کردہ معلومات کے مطابق فائرنگ عظیم نامی شخص نے کی جو فرار ہوگیا اس کی تلاش میں پولیس مختلف مقامات پر چھاپے مار رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ