چیف جسٹس پاکستان کا تھرپارکر کا دورہ، انصاف کی فراہمی اور عدالتی نظام کے امور کا جائزہ
اشاعت کی تاریخ: 30th, December 2025 GMT
چیف جسٹس پاکستان جسٹس یحییٰ آفریدی نے ضلع تھرپارکر کا دورہ کیا جہاں انہوں نے انصاف کی فراہمی اور عدالتی نظام کے امور کا جائزہ لیا۔
اعلامیے کے مطابق چیف جسٹس پاکستان نے یہ فیلڈ وزٹ لا اینڈ جسٹس کمیشن آف پاکستان کے چیئرمین کی حیثیت سے کیا، جبکہ اس موقع پر چیف جسٹس سندھ ہائیکورٹ بھی ان کے ہمراہ تھے۔
اعلامیے میں کہا گیا ہے کہ یہ دورہ آئین میں دی گئی مساوات، شمولیت اور پرامن بقائے باہمی کے عزم کی عکاسی کرتا ہے۔
چیف جسٹس پاکستان نے ننگرپارکر کے سول کورٹ کمپلیکس میں عدالتوں کے کام کا معائنہ کیا اور عدالتی وقار کو برقرار رکھنے کے لیے عوامی سہولتوں کی فراہمی پر زور دیا۔
چیف جسٹس پاکستان نے خواتین سہولت مرکز، صاف پانی کی دستیابی، سولرائزیشن اور ای لائبریری جیسی سہولتوں کو سراہا۔
اس کے علاوہ ان کی مختلف بار ایسوسی ایشنز کے نمائندوں سے انٹرایکٹو ملاقات بھی ہوئی، جس میں مؤثر انصاف کی فراہمی کے لیے بینچ اور بار کے درمیان تعمیری تعاون پر زور دیا گیا۔
اعلامیے کے مطابق چیف جسٹس پاکستان نے کاسبو مندر اور چوریو جبل درگا ماتا مندر کا بھی دورہ کیا، جہاں مذہبی آزادی اور اقلیتوں کے حقوق کے تحفظ کے عزم کا اعادہ کیا گیا۔
چیف جسٹس پاکستان نے مٹھی ڈسٹرکٹ کورٹ کمپلیکس میں عدالتی امور کا جائزہ لیتے ہوئے کیس مینجمنٹ، انفراسٹرکچر اور خواتین دوست سہولتوں کا معائنہ کیا۔
انہوں نے رسائی، صفائی اور فعالیت سے متعلق خلا کی نشاندہی کو دستاویزی شکل دینے کی بھی ہدایت کی۔
اعلامیے کے مطابق یہ دورہ لا اینڈ جسٹس کمیشن آف پاکستان کے اصلاحاتی اور فیلڈ بیسڈ عمل کا حصہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امور کا جائزہ انصاف کی فراہمی تھرپارکر دورہ جسٹس یحییٰ آفریدی چیف جسٹس پاکستان وی نیوز.
ذریعہ
ذریعہ: WE News
کلیدی لفظ: امور کا جائزہ انصاف کی فراہمی تھرپارکر دورہ جسٹس یحیی ا فریدی چیف جسٹس پاکستان وی نیوز چیف جسٹس پاکستان نے انصاف کی فراہمی امور کا جائزہ
پڑھیں:
خیبرپختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔
نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔
اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔
ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار