یوکرینی صدر نے پیوٹن کی رہائش گاہ پر حملے کے الزام کی تردید کردی
اشاعت کی تاریخ: 30th, December 2025 GMT
یوکرین نے روسی صدر ولادیمیر پیوٹن کی رہائش گاہ کو ڈرون حملوں کا نشانہ بنانے کے الزامات کو مسترد کر دیا ہے۔
یوکرینی صدر ولادیمیر زیلنسکی نے روس کے دعوؤں کو بے بنیاد قرار دیتے ہوئے کہا کہ ماسکو ایسے الزامات کے ذریعے امن مذاکرات کو سبوتاژ کرنا چاہتا ہے۔ ان کا کہنا تھا کہ روس ان دعوؤں کو یوکرین پر حملے جاری رکھنے کے لیے جواز کے طور پر استعمال کر رہا ہے، حالانکہ ماضی میں روس خود کیف میں سرکاری عمارتوں کو نشانہ بناتا رہا ہے۔
صدر زیلنسکی نے مزید کہا کہ روس کو پائیدار امن کی کوششوں کو نقصان پہنچانے کی اجازت نہیں دی جا سکتی اور عالمی برادری کو اس معاملے پر خاموش نہیں رہنا چاہیے۔
واضح رہے کہ روس نے الزام عائد کیا ہے کہ یوکرین نے نووگورود ریجن میں صدر پیوٹن کی رہائش گاہ پر ڈرون حملے کی کوشش کی۔ روسی وزیر خارجہ سرگئی لاروف کے مطابق 28 اور 29 دسمبر کے درمیان یوکرین کی جانب سے 91 طویل فاصلے تک مار کرنے والے ڈرونز داغے گئے، تاہم روسی فضائی دفاعی نظام نے تمام ڈرونز کو مار گرایا۔
سرگئی لاروف نے یوکرین کے مبینہ اقدام کو ریاستی دہشت گردی قرار دیتے ہوئے کہا ہے کہ ایسے غیر ذمہ دارانہ اقدامات کا بھرپور جواب دیا جائے گا۔
.
ذریعہ
ذریعہ: Al Qamar Online
پڑھیں:
آبنائے ہرمز میں ہر حملے کے بدلے ایک پل یا پاور پلانٹ تباہ کریں گے، ٹرمپ کی ایران کو نئی دھمکی
واشنگٹن(ڈیلی پاکستان آن لائن)امریکی صدر ڈونلڈ ٹرمپ نے ایران کو نئی دھکمی دیتے ہوئے خبردار کیا ہے کہ اگر ایران نے آبنائے ہرمز سے گزرنے والے کسی بھی جہاز کو نشانہ بنایا تو امریکہ اس کے جواب میں ایران کا ایک پل یا ایک پاور پلانٹ تباہ کر دے گا۔سوشل میڈیا پلیٹ فارم ٹروتھ سوشل پر جاری اپنے بیان میں ڈونلڈ ٹر مپ نے لکھا کہ آج سے اگر اسلامی جمہوریہ ایران آبنائے ہرمز میں کسی بھی جہاز پر میزائل، راکٹ، ڈرون یا کسی بھی دوسرے ہتھیار سے حملہ کرتا ہے تو امریکہ اس کے بدلے میں ایران کا ایک پل یا ایک پاور پلانٹ تباہ کرے گا، جن میں تہران کے اندر یا اس کے قریب واقع تنصیبات بھی شامل ہو سکتی ہیں۔ خیال رہے کہ یہ پہلا موقع نہیں جب ڈونلڈ ٹرمپ نے ایران کے شہری بنیادی ڈھانچے کو نشانہ بنانے کی دھمکی دی ہو۔ گزشتہ ہفتے ایک انٹرویو میں بھی انہوں نے کہا تھا کہ اگر ایران مذاکرات کی میز پر نہیں آیا تو امریکا اس کے تمام پل تباہ کر دے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا