کسی پولیس اہلکار کو آج سٹی کورٹ نہیں آنے دیں گے، صدر کراچی بار
اشاعت کی تاریخ: 31st, December 2025 GMT
کراچی میں کچھ وکلا کے خلاف ایف آئی آر کاٹنے پر وکلا برادری نے آج سٹی کورٹس میں ہڑتال اور عدالتی بائیکاٹ کا اعلان کیا ہے، صدر کراچی بار عامر نواز وڑائچ کا کہنا ہے کہ آج کسی پولیس اہلکار کو سٹی کورٹ میں نہیں آنے دیں گے۔
کراچی بار ایسوسی ایشن کے صدر عامر نواز وڑائچ کا کہنا ہے کہ رجب بٹ کے معاملے پر وکلا کی ایف آئی آر بھی درج کی جائے۔
واضح رہے کہ پیر کو سٹی کورٹ میں یوٹیوبر رجب بٹ پر تشدد کا واقعہ پیش آیا تھا جس پر منگل کی صبح سٹی کورٹ تھانے میں وکلا کے خلاف مقدمہ درج کرلیا گیا تھا۔
مقدمے کے اندراج کے خلاف وکلا کی بڑی تعداد رسالہ تھانے میں گھس گئی اور وہاں موجود ایس ایچ او سٹی کورٹ جہانگیر کے ساتھ بدتمیزی کی جبکہ انھیں تشدد کا نشانہ بھی بنایا گیا۔
اس کے بعد وکلا نے سٹی کورٹ کے سامنے ایم اے جناح روڈ پر احتجاج شروع کردیا جس سے ٹریفک کی روانی شدید متاثر ہوئی، لائٹ ہائوس سے ٹریفک کو متبادل راستے فراہم کیے گئے۔
اس موقع پر جیو نیوز سے گفتگو کرتے ہوئے کراچی بار ایسوسی ایشن کے صدر عامر وڑائچ کا کہنا تھا کہ رجب بٹ کے معاملے پر جب تک وکلا کی ایف آئی آر درج نہیں ہوجاتی ہم احتجاج کا سلسلہ جاری رکھیں گے۔
انھوں نے کہا کہ ہم عدالتی نظام کے بائیکاٹ کا اعلان کرتے ہیں پولیس اور وکلا ایک ساتھ ہیں کسی پر تشدد نہیں کیا گیا۔
بعد ازاں دوپہر سے شروع ہونے والا احتجاج رات کو ختم ہوا جس کے بعد ایم اے جناح روڈ پر معمول کے مطابق ٹریفک کی روانی بحال ہوگئی۔
ذریعہ
ذریعہ: Jang News
پڑھیں:
سپریم کورٹ کو نیب کیسز سننے کا اختیار نہیں، عدالت عظمیٰ کا بڑا فیصلہ
اسلام آباد(نیوز ڈیسک) عدالت عظمیٰ نے بڑا فیصلہ جاری کرتے ہوئے قرار دیا ہے کہ سپریم کورٹ کو نیب کیسز سننے کا اختیار نہیں ہے۔
سپریم کورٹ کے جسٹس محمد علی مظہر نے مختصر فیصلہ سناتے ہوئے قرار دیا کہ نیب کیسز میں مرکزی اپیلیں اور ضمانت کی درخواستیں وفاقی آئینی عدالت سنے گی ۔ نیب قانون کی شق 32 اور 32 اے کے تحت سپریم کورٹ کو اختیار سماعت ہی نہیں ہے۔
فیصلے میں قرار دیا گیا کہ نیب کے کیسز آرٹیکل 175 اے اور ایف کے تحت کے تحت تمام کیسز وفاقی آئینی عدالت کو ٹرانسفر تصور سمجھے جائیں گے۔
واضح رہے کہ بانی پی ٹی آئی عمران خان نے بھی ہائیکورٹ کے ضمانت کیس کیخلاف سپریم کورٹ سے رجوع کیا تھا اور رجسٹرار سپریم کورٹ نے درخواست اعتراضات عائد کرکے واپس کی تھی۔
سپریم کورٹ کے فیصلے کے بعد اب بانی پی ٹی آئی کی ضمانت کا کیس وفاقی آئینی عدالت سنے گی۔
مزید پڑھیں۔سونے کی قیمت میں نمایاں کمی،فی تولہ نئی قیمت جانئے
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم