الحمرا کی سال بھر کی کامیابیوں کا سفر
اشاعت کی تاریخ: 31st, December 2025 GMT
سال 2025ء لاہور آرٹس کونسل الحمرا کے لیے تخلیق، تہذیب اور روایت کا سال ثابت ہوا۔ یہ برس اس اعتبار سے یادگار رہا کہ الحمرا نہ صرف فنونِ لطیفہ کا مرکز بنا رہا بلکہ ادب، موسیقی، تھیٹر اور ثقافت کی نئی جہتیں بھی متعارف کرواتا رہا۔ ہر مہینہ، ہر تقریب ایک تہذیبی جشن کی صورت سامنے آئی۔
وزیراعلیٰ پنجاب مریم نواز شریف کی ادب و ثقافت دوست پالیسیوں کے مثبت نتائج نمایاں طور پر سامنے آئے، جبکہ صوبائی وزیر اطلاعات و ثقافت عظمیٰ بخاری کی قیادت میں الحمرا اور عوام کے درمیان ایک مضبوط رشتہ تشکیل پایا۔ قومی دن ہوں یا ثقافتی تقریبات، الحمرا نے ہر موقع کو نئے انداز سے منایا۔
سال کے آغاز میں الحمرا میں فنونِ لطیفہ کی متنوع سرگرمیوں کا انعقاد ہوا۔ ستار و طبلہ کنسرٹ، ہاوی میوزک گروپ کی پرفارمنس، ونٹر بلیوز کنسرٹ اور صوفی فیسٹیول نے موسیقی کے شائقین کو متوجہ کیا۔ افکارِ تازہ تھنک فیسٹ، ماحولیاتی آگاہی پر مبنی تھیٹر ڈراما دھرتی ماں اور داستان گوئی فیسٹیول نے فکری و ادبی ماحول کو مزید تقویت دی۔ بچوں کے لیے خصوصی پروگرامز بھی اس مہینے کا نمایاں حصہ رہے۔
فروری میں الحمرا ایک بھرپور ادبی و ثقافتی مرکز بن کر ابھرا۔ وو فیسٹیول، فیض فیسٹیول اور لاہور لٹریری فیسٹیول نے لاہور کو ایک بار پھر عالمی سطح پر سٹی آف لٹریچر کے طور پر نمایاں کیا۔ پنجابی لٹریچر فیسٹیول نے ماں بولی کی خوشبو کو اجاگر کیا، جبکہ تھیٹر، کلاسیکل موسیقی، فیوژن نائٹس اور محفلِ سماع نے راتوں کو یادگار بنا دیا۔
مارچ میں نعتیہ مشاعرہ، ویمن ڈے کے موقع پر جرات مندانہ تھیٹر پرفارمنسز، خطاطی کی نمائش اور یومِ پاکستان کی پروقار تقریبات منعقد ہوئیں۔ حب الوطنی، روحانیت اور سماجی شعور اس مہینے کا مرکزی موضوع رہا۔
اپریل میں منیر نیازی کی سالگرہ، ادبی بیٹھکیں، مشاعرے اور کتابوں کی رونمائیوں کا سلسلہ جاری رہا۔ پنجاب کلچر ڈے، تھیٹر فیسٹیول، قوالی نائٹ، کلاسیکل اور فرانسیسی موسیقی کے کنسرٹس نے ثقافتی رنگ بکھیر دیے۔ مدیحہ گوہر کو خراجِ تحسین اور فلم کلب کی سرگرمیاں بھی نمایاں رہیں۔
مئی میں ینگ آرٹسٹ نمائش، فلسطین کے بچوں سے اظہارِ یکجہتی پر مبنی پھولوں کی نمائش اور متعدد میوزک فیسٹیولز منعقد ہوئے۔ جون میں جشنِ اردو، آرٹسٹ ٹاکس، تھیٹر، حبیب جالب میلہ اور الحمرا سمر کیمپ نے زبان، ادب اور فنونِ لطیفہ کو نئی نسل تک منتقل کیا۔
جولائی میں عبداللہ حسین اور پطرس بخاری پر نشستیں، مشاعرہ، تھیٹر پرفارمنسز اور فلم اسکریننگز ہوئیں۔ اگست میں ادبی بیٹھک، یومِ آزادی کی تقریبات، بچوں کے تھیٹر اور قوالی کی محفلوں نے آزادی کے جذبے کو فن کے ذریعے اجاگر کیا۔
سال کے آخری مہینوں میں سیرتِ رسول ﷺ پر تقریبات، موسیقی کی شامیں، بین الاقوامی تھیٹر فیسٹیول، یورپین فلم فیسٹیول، صوفی فیسٹیول، کرسمس تقریبات اور متعدد یادگاری پروگرامز منعقد ہوئے۔ نورجہاں، نثار بزمی، رومی اور دیگر عظیم شخصیات کو خراجِ تحسین بھی پیش کیا گیا۔
چیئرمین لاہور آرٹس کونسل الحمرا رضی احمد کے مطابق یہ تمام کامیابیاں حکومتِ پنجاب اور محکمہ اطلاعات و ثقافت کے بھرپور تعاون کا نتیجہ ہیں۔ ایگزیکٹو ڈائریکٹر محمد نواز گوندل نے ان کامیابیوں کو ٹیم ورک اور مسلسل محنت کا ثمر قرار دیتے ہوئے مستقبل میں بھی ادب، فن اور ثقافت کے فروغ کے عزم کا اظہار کیا۔
ادارے کا کالم نگار کی رائے کے ساتھ متفق ہونا ضروری نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ
ذریعہ: WE News
کلیدی لفظ: الحمرا سیرت نبوی لاہور ا رٹس کونسل مریم نواز شریف فیسٹیول نے
پڑھیں:
موسلادھار بارش سے اربن فلڈنگ، سڑکیں دریا بن گئیں، گھروں میں پانی داخل
لاہور میں رات گئے شروع ہونے والی موسلادھار بارش کے بعد اربن فلڈنگ کی صورتحال پیدا ہوگئی، جس کے باعث متعدد رہائشی علاقوں اور اہم شاہراہوں پر کئی کئی فٹ پانی جمع ہوگیا جبکہ نشیبی علاقوں میں گھروں میں پانی داخل ہونے، ٹریفک جام اور سیوریج نظام مفلوج ہونے سے شہریوں کو شدید مشکلات کا سامنا کرنا پڑا۔شہر میں رات گئے شروع ہونے والی بارش وقفے وقفے سے جاری ہے، جس کے باعث شہر کے مختلف علاقوں میں اربن فلڈنگ کی صورتحال پیدا ہوگئی ہے۔ کینٹ، ڈیفنس اور والٹن سمیت متعدد علاقوں میں سڑکیں تالاب کا منظر پیش کرنے لگیں جبکہ کئی مقامات پر گھروں میں بھی پانی داخل ہوگیا۔لاہور کینٹ میں موسلادھار بارش کے باعث سیوریج سسٹم جواب دے گیا، جس سے علی ویو گارڈنز، علی پارک، نادرا آباد اور دیگر علاقوں میں کئی کئی فٹ پانی جمع ہوگیا۔ مقامی افراد کے مطابق بیشتر علاقے ندی نالوں کا منظر پیش کر رہے ہیں۔دوسری جانب ڈیفنس فیز تھری کے اے، بی اور سی بلاکس میں بھی بارش کا پانی گھروں میں داخل ہوگیا جبکہ والٹن روڈ اور کیولری گراؤنڈ میں سڑکیں مکمل طور پر زیر آب آگئیں۔ کیولری گراؤنڈ کی مرکزی شاہراہ بھی پانی میں ڈوب گئی، جس کے باعث آمدورفت شدید متاثر رہی۔بارش کے بعد مین ڈیفنس روڈ پر بھی پانی جمع ہونے سے سڑک دریا کا منظر پیش کرنے لگی جبکہ ڈیفنس انڈر پاس بھی پانی سے بھر گیا۔ شہر کے مختلف حصوں میں پانی کھڑا ہونے کے باعث ٹریفک کی روانی شدید متاثر ہوئی، گاڑیوں کی طویل قطاریں لگ گئیں اور شہریوں کو گھنٹوں مشکلات کا سامنا کرنا پڑا۔مسلسل بارش کے باعث لاہور کی بیشتر شاہراہیں جل تھل ہوگئیں جبکہ روزمرہ زندگی بری طرح متاثر رہی۔ شہریوں نے متعلقہ اداروں سے نکاسی آب کے مؤثر انتظامات اور فوری ریلیف فراہم کرنے کا مطالبہ کیا۔محکمہ موسمیات کے مطابق آج دن پر وقفے وقفے سے بارش کا سلسلہ جاری رہے گا، مون سون کی بارشوں کے باعث لاہور میں حبس اور گرمی کی شدت میں کمی آگئی ہے۔لاہور میں کم سے کم درجہ حرارت 27 ڈگری سینٹی گریڈ جبکہ زیادہ سے زیادہ 29 ڈگری سینٹی گریڈ تک جانے کا امکان ہے۔لاہور میں سب سے زیادہ بارش ایئرپورٹ پر 262 ملی میٹر ریکارڈ کی گئی ہے جبکہ مناواں میں 200، تاجپور میں 151، کاہنہ میں 142، شادی پورہ میں 129 اور مغل پورہ میں 127 اور اپر مال پر 111 ملی میٹر بارش ریکارڈ کی گئی۔جوہر ٹاؤن میں 80، چوک ناخدا میں 60، نشتر ٹاؤن میں 54، اقبال ٹاؤن میں 51، گلبرگ میں 49، ڈیفنس روڈ 45، سمن آباد میں 29، جیل روڈ اور پانی والا تالاب 26، لکشمی چوک اور فرخ آباد میں 24، سگیاں میں 21 اور گلشن راوی میں 17 ملی میٹر بارش ریکارڈ کی گئی۔ایم ڈی واسا لاہور غفران احمد نکاسی آب آپریشن کی مسلسل مانیٹرنگ کر رہے ہیں۔علامہ اقبال انٹرنیشنل ایئرپورٹ اور اس کے آس پاس کے علاقوں میں شدید بارش کا سلسلہ جاری ہے جس کے سبب اندرون اور بیرون ملک جانے اور آنے والی پروازیں متاثر ہوگئیں۔لاہور سے کراچی، دبئی، جدہ، ابو ظہبی، استنبول جانے اور آنے والی 6 پروازیں تاخیر کا شکار ہوئیں۔ شدید بارش سے پروازوں کی آمد و رفت میں تاخیر ہوئی۔ایئرپورٹ حکام نے مسافروں کو اپنی پروازوں کے بارے میں معلومات لیکر آنے کی ہدایت کی ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی