حریت کانفرنس آزاد کشمیر شاخ کے زیراہتمام 5جنوری کو باغ میں ریلی کا انعقاد کیا جائے گا
اشاعت کی تاریخ: 31st, December 2025 GMT
کمیٹی نے اپنے ایک بیان میں کہا کہ اقوام متحدہ نے اپنی قراردادوں کے ذریعے کشمیریوں کا حق خودارادیت تسلیم کر رکھا ہے جن میں عمل درآمد میں واحد رکاوٹ بھارت کی ہٹ دھرمی اور غیر حقیقت پسندانہ طرز عمل ہے۔ اسلام ٹائمز۔ کل جماعتی حریت کانفرنس آزاد جموں و کشمیر شاخ کے زیرِاہتمام 5جنوری کو یوم حق خودارادیت کے موقع پر آزاد جموں و کشمیر کے شہر باغ میں ایک ریلی اور مہاجرین مقبوضہ جموں و کشمیر کے ساتھ ایک خصوصی نشست کا انعقاد کیا جائے گا۔ ذرائع کے مطابق ریلی کے انعقاد کیلئے ایک کمیٹی تشکیل دی گئی ہے جس میں حریت کانفرنس آزاد کشمیر شاخ کے جنرل سیکرٹری ایڈووکیٹ پرویز احمد شاہ، زاہد صفی، خادم حسین، شیخ محمد یعقوب، زاہد اشرف، عبدالمجید میر اور شیخ عبدالماجد شامل ہیں۔ کمیٹی نے اپنے ایک بیان میں کہا کہ اقوام متحدہ نے اپنی قراردادوں کے ذریعے کشمیریوں کا حق خودارادیت تسلیم کر رکھا ہے جن میں عمل درآمد میں واحد رکاوٹ بھارت کی ہٹ دھرمی اور غیر حقیقت پسندانہ طرز عمل ہے۔ بیان میں کہا گیا کہ 5 جنوری کو یوم حق خودارادیت کے موقع پر باغ میں ایک بڑی عوامی ریلی کا انعقاد کر کے دنیا بھر کے امن اور انصاف پسند ملکوں کو یہ یاد دلانے کی کوشش کی جائے گی کہ کشمیری سات داہائیوں سے زائد کا عرصہ گزر جانے کے باوجود تاحال حق خودارادیت سے محروم ہیں۔ کمیٹی نے کہا کہ کشمیری عوام بھارتی تسلط سے آزادی چاہتے ہیں جس کے لیے وہ بے مثال قربانیاں دے رہے ہیں۔ بیان میں کہا گیا کہ عالمی برادری کو چاہیے کہ وہ نہتے کشمیریوں پر جاری وحشیانہ بھارتی مظالم کا نوٹس لیں اور انہیں ان کا ناقابل تنسیخ حق، حق خودارادیت دلانے کیلئے کردار ادار کرے۔
.
ذریعہ
ذریعہ: Islam Times
کلیدی لفظ: حق خودارادیت میں کہا
پڑھیں:
آزاد کشمیر انتخابات: استحکام پارٹی‘ مرکزی مسلم لیگ‘ جموں کشمیر یونائیٹڈ موومنٹ کا اتحاد
مظفر آباد (نوائے وقت رپورٹ) آئی پی پی نے مرکزی مسلم لیگ‘ جموں کشمیر یونائیٹڈ موومنٹ سے اتحاد کر لیا اور آزاد کشمیر میں مشترکہ طور پر انتخابات لڑنے کا اعلان کیا ہے۔ آئی پی پی رہنما عون چودھری نے کہا ہے کہ کشمیر کے تحفظ و ترقی کیلئے اتحاد ضروری ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم