اسلام آباد، تہران اور استنبول کے درمیان فریٹ ٹرین سروس آخری لمحات میں ملتوی
اشاعت کی تاریخ: 31st, December 2025 GMT
اسلام آباد سے تہران اور استنبول کے درمیان آج سے شروع ہونے والی مال بردار ٹرین سروس سکیورٹی کلیئرنس نہ ملنے کے باعث ملتوی کر دی گئی ہے۔
ریلوے حکام کے مطابق محکمہ ریلویز نے اس فریٹ ٹرین سروس کے آغاز کا اعلان 31 دسمبر سے کیا تھا۔
ریلوے حکام کا کہنا ہے کہ ٹرین نے اسلام آباد سے روانہ ہو کر سبی کے راستے سپیزنڈ جنکشن پہنچنا تھا، جہاں سے نوشکی اور دالبندین کے بعد میر جاوا کے مقام پر ایران میں داخل ہونا تھا۔ اس روٹ پر فریٹ ٹرین کی آمد و رفت کے لیے تمام تکنیکی امور طے کیے جا چکے تھے۔
محکمہ ریلویز کوئٹہ کے مطابق کوئٹہ ڈویژن میں ٹرین کی آمد کے حوالے سے تیاریاں بھی مکمل کر لی گئی تھیں اور متعلقہ اسٹاف کو الرٹ رکھا گیا تھا۔ تاہم آخری مرحلے پر سکیورٹی کلیئرنس موصول نہ ہونے کے باعث منصوبہ مؤخر کرنا پڑا۔
ریلوے حکام کا کہنا ہے کہ سکیورٹی کلیئرنس ملتے ہی ٹرین سروس کے نئے شیڈول کا اعلان کیا جائے گا، جبکہ اس اہم علاقائی فریٹ روٹ کو تجارتی سرگرمیوں کے فروغ کے لیے نہایت اہم قرار دیا جا رہا ہے۔
.
ذریعہ
ذریعہ: Al Qamar Online
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار