چلتی وین میں خاتون کے ساتھ اجتماعی زیادتی، 2 گھنٹے بعد سڑک پر پھینک دیا گیا
اشاعت کی تاریخ: 31st, December 2025 GMT
بھارتی شہر فرید آباد میں ایک دل دہلا دینے والا واقعہ پیش آیا جہاں 28 سالہ خاتون کو چلتی وین میں تقریباً 2 گھنٹے تک اجتماعی زیادتی کا نشانہ بنایا گیا اور بعد ازاں سڑک پر پھینک دیا گیا۔
پولیس کے مطابق یہ واقعہ پیر اور منگل کی درمیانی شب پیش آیا، جب شادی شدہ خاتون رات کے وقت گھر جانے کے لیے سواری کا انتظار کر رہی تھیں۔ اسی دوران ایک وین میں سوار 2 نوجوانوں نے انہیں گھر چھوڑنے کا جھانسہ دے کر گاڑی میں بٹھایا، تاہم وین کو گڑگاؤں روڈ کی جانب موڑ دیا گیا۔
یہ بھی پڑھیے منی پور، خواتین کے گینگ ریپ کے دلخراش واقعہ پر بھارتی حکومت سوشل میڈیا پر برہم کیوں؟
متاثرہ خاتون کو تقریباً ڈھائی گھنٹے تک وین میں رکھا گیا، جہاں مبینہ طور پر ملزمان نے ان کے ساتھ زیادتی کی۔ خاتون کی جانب سے مزاحمت اور چیخ و پکار کے باوجود ملزمان نہ رکے بلکہ انہیں دھمکیاں بھی دیتے رہے۔
پولیس کے مطابق رات تقریباً 3 بجے خاتون کو ایس جی ایم نگر کے راجا چوک کے قریب چلتی وین سے باہر پھینک دیا گیا۔ خاتون کے چہرے پر شدید چوٹیں آئیں اور وہ بُری طرح زخمی ہو گئیں۔
متاثرہ خاتون نے بار بار اپنی بہن کو فون کرنے کی کوشش کی۔ بعد ازاں بہن کے رابطہ کرنے پر واقعے کی اطلاع ملی، جس کے بعد اہلِ خانہ فوری طور پر موقع پر پہنچے اور خاتون کو تشویشناک حالت میں اسپتال منتقل کیا گیا۔ ڈاکٹروں کے مطابق ان کے چہرے پر 10 سے 12 ٹانکے لگائے گئے ہیں۔
یہ بھی پڑھیے بھارت میں گینگ ریپ کی شکار ہسپانوی خاتون سیاح پاکستان اور پاکستانیوں کے بارے میں کیا کہتی ہیں؟
اگرچہ خاتون کی حالت اب مستحکم بتائی جا رہی ہے، تاہم وہ شدید ذہنی صدمے میں ہیں اور تاحال ان کا تفصیلی بیان ریکارڈ نہیں کیا جا سکا۔
متاثرہ خاتون کی بہن کے مطابق، واقعے سے ایک روز قبل شام ساڑھے 8 بجے خاتون نے فون پر بتایا تھا کہ ان کا اپنی والدہ سے جھگڑا ہوا ہے اور وہ ایک دوست کے گھر جا رہی ہیں، اور 3 گھنٹے میں واپس آ جائیں گی۔
پولیس کے مطابق خاتون شادی شدہ ہیں، 3 بچوں کی ماں ہیں اور گھریلو تنازع کے باعث شوہر سے علیحدہ رہ رہی تھیں۔
پولیس نے دونوں ملزمان کو گرفتار کر لیا ہے جبکہ واردات میں استعمال ہونے والی وین بھی برآمد کر لی گئی ہے۔ مزید تفتیش جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اجتماعی زیادتی بھارتی شہر فرید آباد.
ذریعہ
ذریعہ: WE News
کلیدی لفظ: اجتماعی زیادتی بھارتی شہر فرید ا باد خاتون کو کے مطابق وین میں دیا گیا
پڑھیں:
کراچی، رینجرز اور ایس آئی یولیس کے ساتھ مقابلے میں 3 بھتہ خور ہلاک، ایک زخمی گرفتار
کراچی:ملیر 15 کے علاقے میں سندھ رینجرز اور اسپیشل انویسٹی گیشن یونٹ (ایس آئی یو) پولیس کے مشترکہ آپریشن کے دوران مبینہ مقابلے میں تین ملزمان ہلاک جبکہ ایک زخمی حالت میں گرفتار کر لیا گیا۔
چھیپا حکام کے مطابق قانون نافذ کرنے والے اداروں اور مبینہ بھتہ خوروں کے درمیان فائرنگ کا تبادلہ تقریباً آدھے گھنٹے تک جاری رہا جس کے بعد تین ملزمان مارے گئے جبکہ ایک زخمی حالت میں گرفتار ہوا۔
فائرنگ ختم ہونے کے بعد ہلاک اور زخمی ملزمان کو ریسکیو کی ایمبولینسوں کے ذریعے جناح اسپتال منتقل کیا گیا۔
حکام کے مطابق ہلاک ہونے والے ملزمان کی شناخت شاہ رخ، راحب اور علی حمزہ کے ناموں سے ہوئی ہے جبکہ زخمی حالت میں گرفتار ملزم کی شناخت محمد وسیم کے نام سے کی گئی ہے۔
ابتدائی معلومات کے مطابق ہلاک اور گرفتار ملزمان بھتہ خوری سمیت دیگر سنگین جرائم میں ملوث تھے۔ قانون نافذ کرنے والے ادارے واقعے کی مزید تفتیش کر رہے ہیں اور ملزمان کے ممکنہ ساتھیوں کی تلاش بھی جاری ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع