فیصل آباد روڈ کلی فقیر کے قریب المناک ٹریفک حادثہ، جاں بحق افراد کی تعداد 14 ہو گئی
اشاعت کی تاریخ: 31st, December 2025 GMT
data-id="863a0a8" data-element_type="widget" data-widget_type="theme-post-content.default">
جھنگ کے فیصل آباد روڈ پر کلی فقیر کے قریب پیش آنے والے المناک ٹریفک حادثے میں جاں بحق افراد کی تعداد بڑھ کر 14 ہو گئی ہے، جس سے علاقے میں سوگ کی فضا قائم ہو گئی ہے۔
یہ افسوسناک حادثہ وٹرنری یونیورسٹی کی بس اور ایک ہائی ایس وین کے درمیان پیش آیا، جسے ابتدائی طور پر ڈرائیوروں کی مبینہ غفلت کا نتیجہ قرار دیا جا رہا ہے۔ تصادم اس قدر شدید تھا کہ دونوں گاڑیاں مکمل طور پر تباہ ہو گئیں۔
حادثے کی اطلاع ملتے ہی ڈسٹرکٹ پولیس آفیسر جھنگ کیپٹن (ر) بلال افتخار کیانی اور ڈپٹی کمشنر علی اکبر بھنڈر فوری طور پر جائے وقوعہ پر پہنچ گئے، جہاں انہوں نے ریسکیو اور امدادی کارروائیوں کی نگرانی کی اور متعلقہ اداروں کو زخمیوں کو فوری طبی امداد فراہم کرنے کی ہدایات جاری کیں۔
پولیس حکام کے مطابق جاں بحق ہونے والوں میں 10 مرد، 3 خواتین اور ایک کمسن بچہ شامل ہے، جبکہ متعدد افراد زخمی بھی ہوئے ہیں، جن میں بعض کی حالت تشویشناک بتائی جا رہی ہے۔ ریسکیو 1122 اور پولیس کی ٹیمیں مسلسل موقع پر موجود رہیں اور زخمیوں کو فوری طور پر قریبی ڈی ایچ کیو اسپتال منتقل کیا گیا۔
حکام کا کہنا ہے کہ حادثے کی وجوہات جاننے کے لیے باقاعدہ تحقیقات کا آغاز کر دیا گیا ہے، جبکہ امدادی کارروائیاں مکمل ہونے تک علاقے میں ٹریفک کی روانی بھی متاثر رہی۔ واقعے نے ایک بار پھر سڑکوں پر ٹریفک قوانین پر عملدرآمد اور محتاط ڈرائیونگ کی اہمیت کو اجاگر کر دیا ہے۔
ذریعہ
ذریعہ: Jasarat News
پڑھیں:
چیمپئنز لیگ جیتنے کی خوشی تشدد میں بدل گئی، پیرس میں جلاؤ گھیراؤ اور پولیس سے جھڑپیں
یورپی چیمپئنز لیگ میں پی ایس جی کی کامیابی کے بعد فرانس کے دارالحکومت پیرس میں جشن پرتشدد ہنگاموں میں تبدیل ہو گیا۔ مظاہرین اور پولیس کے درمیان جھڑپوں، جلاؤ گھیراؤ اور توڑ پھوڑ کے واقعات میں متعدد افراد زخمی ہوئے، جبکہ پولیس نے 400 سے زائد افراد کو حراست میں لے لیا۔
یورپی چیمپئنز لیگ کے فائنل میں پی ایس جی کی فتح کے بعد فرانس کے دارالحکومت پیرس میں جشن کا ماحول بدامنی اور تشدد میں تبدیل ہو گیا، جہاں مشتعل افراد نے جلاؤ گھیراؤ، توڑ پھوڑ اور پولیس کے ساتھ جھڑپوں کا سلسلہ شروع کر دیا۔
میڈیا رپورٹس کے مطابق شہر کے مختلف علاقوں میں مظاہرین نے بوتل بم پھینکے، متعدد دکانوں پر حملے کیے اور سڑکوں پر موجود کچرے کے ڈبوں سمیت دیگر اشیا کو آگ لگا دی۔ ہنگامہ آرائی کے دوران درجنوں گاڑیوں کو بھی نقصان پہنچایا گیا۔
مظاہرین اور پولیس کے درمیان ہونے والی جھڑپوں میں کم از کم سات پولیس اہلکار زخمی ہوئے۔ بعض شرپسند عناصر نے آتش بازی کا رخ آسمان کے بجائے پولیس اہلکاروں کی جانب کر دیا، جس کے باعث کشیدگی میں مزید اضافہ ہوا۔
فرانسیسی پولیس نے کارروائی کرتے ہوئے 400 سے زائد افراد کو گرفتار کر لیا۔ حکام کے مطابق گرفتار افراد کے قبضے سے تیزاب سے بھری بوتلیں اور دیگر خطرناک مواد بھی برآمد کیا گیا ہے۔
حکام کو پہلے ہی ممکنہ ہنگامہ آرائی کا خدشہ تھا، جس کے پیش نظر پیرس میں 22 ہزار سے زائد پولیس اہلکار تعینات کیے گئے تھے۔ اس کے باوجود شہر کے مختلف حصوں میں جلاؤ گھیراؤ اور پرتشدد واقعات کو مکمل طور پر روکنا ممکن نہ ہو سکا۔
واضح رہے کہ پیرس سینٹ جرمین (PSG) نے چیمپئنز لیگ کے فائنل میں آرسنل کو شکست دے کر ٹائٹل اپنے نام کیا، جس کے بعد ہزاروں شائقین جشن منانے کے لیے سڑکوں پر نکل آئے۔ تاہم بعض مقامات پر یہ جشن بدامنی اور تشدد میں تبدیل ہو گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
وزارت آئی ٹی نے 1.67 ارب روپے سے زاید کے فنڈز طلب کرلیے