حمزہ شہباز شریف کا عرفان شفیع کھوکھر کے انتقال پر اظہار تعزیت
اشاعت کی تاریخ: 31st, December 2025 GMT
لاہور:(نیوزڈیسک) سابق وزیراعلیٰ پنجاب اور نائب صدر مسلم لیگ (ن) حمزہ شہباز شریف نے مسلم لیگ (ن) کے رہنما سیف الملوک کھوکھر سے ان کے بھتیجے اور رکن صوبائی اسمبلی عرفان شفیع کھوکھر کے انتقال پر اظہار تعزیت کیا۔ انہوں نے مرحوم کی مغفرت کے لیے دعا کی اور فاتحہ خوانی بھی کی۔حمزہ شہباز شریف نے کہا کہ عرفان شفیع کھوکھر ایک ملنسار انسان اور مسلم لیگ (ن) کے لیے ایک قیمتی سیاسی اثاثہ تھے، ان کی وفات پارٹی کے لیے بڑا نقصان ہے۔
اس موقع پر گفتگو کرتے ہوئے حمزہ شہباز شریف نے کہا کہ سال نو کے آغاز پر امید ہے کہ ملکی معیشت مزید ترقی کرے گی۔ انہوں نے کہا کہ اتحادی حکومت عام آدمی کو ریلیف پہنچانے کے لیے دن رات کوشاں ہے اور اس مقصد کے لیے مزید اقدامات کیے جا رہے ہیں۔
ذریعہ
ذریعہ: Daily Mumtaz
کلیدی لفظ: حمزہ شہباز شریف کے لیے
پڑھیں:
چیف جسٹس سپریم کورٹ کا ضلع و سیشن جج عبدالحکیم کاکڑ کی شہادت پر اظہار افسوس
چیف جسٹس آف پاکستان نے ضلع و سیشن جج عبدالحکیم کاکڑ اور ان کے سیکیورٹی اہلکار کی شہادت پر گہرے رنج و غم کا اظہار کیا ہے۔
چیف جسٹس آف پاکستان نے پاکستان کی عدلیہ کی جانب سے شہدا کے اہلِ خانہ سے دلی تعزیت کا اظہار کیا۔
ضلع و سیشن جج عبدالحکیم کاکڑ اور ان کے سیکیورٹی اہلکار مستونگ میں دورانِ ڈیوٹی دہشت گرد حملے میں شہید ہوئے تھے۔
چیف جسٹس پاکستان یحییٰ آفریدی نے کہا کہ پاکستان کی عدلیہ اس ناقابلِ تلافی سانحے پر سوگوار خاندانوں کے ساتھ کھڑی ہے۔ چیف جسٹس آف پاکستان نے شہداء کے درجات کی بلندی اور اہلِ خانہ کے لیے صبر جمیل کی دعا کی۔
مزید پڑھیںمستونگ: قومی شاہراہ پر فائرنگ، سیشن جج گن مین سمیت شہید، ایڈیشنل سیشن جج سمیت 2 افراد شدید زخمی
چیف جسٹس آف پاکستان نے زخمی ایڈیشنل سیشن جج طارق لاشاری اور جوڈیشل مجسٹریٹ کی جلد صحت یابی کی دعا کی جبکہ شہداء سے اظہارِ عقیدت اور بلوچستان کی ضلعی عدلیہ سے اظہارِ یکجہتی کے لیے 25 جولائی کو شیڈول جوڈیشل ویلبیئنگ کانفرنس مؤخر کر دی گئی۔
چیف جسٹس نے کہا پاکستان کی عدلیہ بلاخوف و خطر انصاف کی فراہمی کے عزم پر قائم ہے، تشدد اور دہشت گردی کے واقعات قانون کی حکمرانی کے لیے ہمارے عزم کو متزلزل نہیں کر سکتے۔
انہوں نے مزید کہا کہ پاکستان کی عدلیہ ہر حال میں انصاف کی بالادستی اور عدلیہ کی آزادی کے تحفظ کے لیے پرعزم ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا