محمود اچکزئی کی اپوزیشن لیڈر تقرری کے معاملے میں اہم پیشرفت
اشاعت کی تاریخ: 31st, December 2025 GMT
قومی اسمبلی میں اپوزیشن لیڈر کی نامزدگی کے سلسلے میں اسپیکر کی جانب سے اٹھائے گئے اعتراضات دور ہونے کے بعد پاکستان تحریکِ انصاف (پی ٹی آئی) نے کاغذات دوبارہ جمع کرا دیے۔
قومی اسمبلی میں اپوزیشن لیڈر کی نامزدگی پر اسپیکر کی جانب سے اٹھائے گئے اعتراضات دور کرکے پی ٹی آئی نے کاغذات دوبارہ جمع کروادیے۔ چیف وہیپ عامر ڈوگر نے اپوزیشن لیڈر کی نامزدگی کے کاغذات قومی اسمبلی کے سیکرٹری لیجسلیشن مشتاق خان کو پیش کردیے۔ pic.
— Rizwan Ghilzai (Remembering Arshad Sharif) (@rizwanghilzai) December 31, 2025
چیف وہیپ پی ٹی آئی عامر ڈوگر نے اپوزیشن لیڈر کی نامزدگی کے کاغذات قومی اسمبلی کے سیکریٹری مشتاق خان کے حوالے کردیے۔
دوسری جانب ممبر قومی اسمبلی شیر افضل مروت نے کہا ہے کہ حکومت نے سینیٹ اور قومی اسمبلی میں اپوزیشن لیڈرز کے عہدے پُر کرنے کی ضرورت کو تسلیم کر لیا ہے اور یہ عہدے دونوں ایوانوں کے آئندہ سیشنز میں پر کیے جائیں گے۔
خبر ہے کہ حکومت نے سینیٹ اور قومی اسمبلی میں اپوزیشن لیڈرز کے عہدے پُر کرنے کی ضرورت کو تسلیم کر لیا ہے اور یہ عہدے دونوں ایوانوں کے آئندہ سیشنز میں پُر کیے جائیں گے۔
— Sher Afzal Khan Marwat (@sherafzalmarwat) December 31, 2025
واضح رہے کہ اپوزیشن لیڈر قومی اسمبلی عمر ایوب کی نااہلی کے بعد پی ٹی آئی نے محمود اچکزئی کو قائد حزب اختلاف کے لیے نامزد کیا تھا، تاہم اسپیکر کی جانب سے نوٹیفکیشن جاری نہیں کیا جا رہا تھا۔
دوسری جانب سینیٹ میں قائد حزب اختلاف کے لیے پی ٹی آئی نے مجلس وحدت المسلمین کے علامہ راجا ناصر عباس کو نامزد کیا ہے۔
اس سے قبل شبلی فراز ایوان بالا میں اپوزیشن لیڈر تھے، جو 9 مئی کیس میں سزا کے بعد نااہل ہوگئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اپوزیشن لیڈر اہم پیشرفت پی ٹی آئی کاغذات جمع محمود اچکزئی ناصر عباس وی نیوز
ذریعہ
ذریعہ: WE News
کلیدی لفظ: اپوزیشن لیڈر اہم پیشرفت پی ٹی ا ئی کاغذات جمع محمود اچکزئی وی نیوز قومی اسمبلی میں اپوزیشن لیڈر اپوزیشن لیڈر کی نامزدگی پی ٹی ا ئی
پڑھیں:
کراچی، ہل پارک کے اطراف میں غیر قانونی تعمیرات کے خلاف آپریشن، پلاٹس مسمار
کراچی:شہر قائد میں ہل پارک کے اطراف پہاڑی علاقے کو کاٹ کر کی جانے والی غیرقانونی تعمیرات کے خلاف رات گئے بڑا آپریشن کیا گیا جس میں ہیوی مشینری کی مدد سے متعدد تعمیرات کو مسمار کر دیا گیا۔
میئر کراچی بیرسٹر مرتضیٰ وہاب کی ہدایت پر شروع ہونے والی اس کارروائی کے دوران متنازعہ پلاٹ پر بنی باؤنڈری وال سمیت کئی غیرقانونی ڈھانچے گرا دیے گئے۔ کارروائی ڈائریکٹر انکروچمنٹ شیر علی کی نگرانی میں محکمہ لینڈ کے عملے نے انجام دی۔
ترجمان کے ایم سی کے مطابق ہل پارک کے اطراف سے تمام غیرقانونی تعمیرات کا خاتمہ کر دیا گیا ہے اور علاقے کو تجاوزات سے مکمل طور پر صاف کر دیا گیا ہے۔
دوسری جانب میئر کراچی نے سیکریٹری وزارت ہاؤسنگ اینڈ ورکس کو خط لکھ کر پلاٹ نمبر 39 جی فور بلاک 6 کا مکمل ریکارڈ طلب کر لیا ہے۔
ذرائع کے مطابق مذکورہ پلاٹ کے حوالے سے پی ای سی ایچ ایس کی جانب سے لیز دینے کے دعوے سامنے آ رہے ہیں جس پر مزید جانچ پڑتال جاری ہے۔
انتظامیہ کا کہنا ہے کہ شہر میں غیرقانونی تعمیرات کے خلاف بلاامتیاز کارروائی جاری رہے گی تاکہ سرکاری و محفوظ علاقوں پر قبضے کی کسی بھی کوشش کو روکا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ