بھارتی ریاست کرناٹک میں کووِڈ-19 کی بدعنوانی کا معاملہ، جسٹس جان مائیکل کنہا کی حتمی رپورٹ پیش
اشاعت کی تاریخ: 31st, December 2025 GMT
جسٹس کنہا نے اپنی حتمی سفارشات میں حکومت پر زور دیا ہے کہ عوامی مفاد، شفافیت اور اصلاحات کی فوری ضرورت کے پیش نظر رپورٹ کو جلد از جلد عوامی سطح پر جاری کیا جائے۔ اسلام ٹائمز۔ کووِڈ-19 وباء کے دوران سابق بی جے پی حکومت کے تحت طبی انتظامات، ادویات اور طبی آلات کی خریداری میں مبینہ بے ضابطگیوں کی جانچ کے لئے قائم واحد رکنی کمیشن کے سربراہ، سابق جج جسٹس جان مائیکل کنہا نے بدھ کو اپنی حتمی رپورٹ کرناٹک حکومت کے حوالے کر دی۔ جسٹس کنہا نے دو جلدوں پر مشتمل رپورٹ وزیرِ اعلیٰ سدارامیا اور ریاست کی چیف سکریٹری شالنی راج نیش کو پیش کی، اگرچہ رپورٹ کی تفصیلات تاحال عوام کے سامنے نہیں لائی گئیں، تاہم وزیرِ اعلیٰ کے دفتر کے مطابق رپورٹ کا تعلق بنگلور اربن اور بیلگاوی اضلاع میں کووِڈ کے دوران کی گئی خریداریوں میں مبینہ بے قاعدگیوں سے ہے۔
سرکاری معلومات کے مطابق بنگلورو اربن ضلع میں تقریباً 63.
اس سے قبل ریاست کے وزیرِ طبی تعلیم شرن پرکاش پاٹل نے دعویٰ کیا تھا کہ عبوری رپورٹ میں صرف ان کے محکمے میں 918 کروڑ روپے کی مبینہ خرد برد کا انکشاف ہوا ہے۔ رپورٹ میں بعض افسران سے 92 کروڑ روپے کی وصولی کی سفارش بھی کی گئی تھی، جبکہ بنگلورو کے کِڈوائی میموریل انسٹی ٹیوٹ آف آنکولوجی میں آر ٹی-پی سی آر آلات کی خریداری میں 200 کروڑ روپے سے زائد کی بے ضابطگیوں کا ذکر بھی سامنے آیا تھا۔
ذریعہ
ذریعہ: Islam Times
پڑھیں:
ولیکا اسپتال میں ایچ آئی وی کا ایک اور کیس رپورٹ، 18 ماہ کے بچے میں بیماری کی تصدیق
فائل فوٹو۔ولیکا اسپتال کراچی میں ایچ آئی وی کا ایک اور نیا کیس رپورٹ ہوا ہے۔ اسپتال حکام کے مطابق 18 ماہ کے بچے میں ایچ آئی وی کی تصدیق ہوئی ہے۔
اسپتال حکام کے مطابق ایچ آئی وی کے تصدیق شدہ کیسز کی تعداد 95 ہوگئی ہے۔
بچے کے والد کے مطابق 18 ماہ کا عبد الصمد دسمبر 2025 میں ولیکا اسپتال میں زیر علاج تھا، مسلسل طبیعت خراب رہنے پر بچے کا ایچ آئی وی کا ٹیسٹ کروایا۔
والد کا کہنا ہے کہ ٹیسٹ کروانے پر بچے میں ایچ آئی وی کی تصدیق ہوئی۔ میرے 5 بچے ہیں، باقی بچوں کے بھی ٹیسٹ کروائیں گے۔
اسپتال حکام کے مطابق ایچ آئی وی سے اب تک 9 بچے جاں بحق ہوچکے ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا