جھنگ :مسافر وین اور یونیورسٹی بس میں خوفناک تصادم، 14 افراد جاں بحق
اشاعت کی تاریخ: 31st, December 2025 GMT
جھنگ: جھنگ کے فیصل آباد روڈ پر پیش آنے والے المناک ٹریفک حادثے میں 14 افراد جان کی بازی ہار گئے، جبکہ متعدد افراد زخمی ہو گئے۔
پولیس کے مطابق حادثہ تیز رفتاری اور ڈرائیور کی لاپروائی کے باعث پیش آیا، جب جھنگ سے لاہور جانے والی مسافر وین نے خطرناک انداز میں اوور ٹیک کرنے کی کوشش کی اور سامنے سے آنے والی یونیورسٹی بس سے جا ٹکرائی۔
حادثے کے نتیجے میں 9 افراد موقع پر ہی جاں بحق ہو گئے، جبکہ شدید زخمی ہونے والے 5 افراد اسپتال پہنچنے کے بعد دم توڑ گئے۔ تصادم اتنا شدید تھا کہ دونوں گاڑیاں بری طرح تباہ ہو گئیں۔
اطلاعات کے مطابق حادثہ یونیورسٹی بس اور مسافر وین کے درمیان پیش آیا، جس کے باعث قیمتی انسانی جانوں کا ضیاع ہوا۔ ریسکیو ٹیمیں فوری طور پر جائے وقوعہ پر پہنچ گئیں اور زخمیوں و لاشوں کو قریبی اسپتال منتقل کیا۔
ریسکیو ذرائع کا کہنا ہے کہ زخمیوں میں سے 5 افراد کی حالت تشویشناک بتائی جا رہی ہے، جبکہ واقعے کی تحقیقات جاری ہیں۔
.
ذریعہ
ذریعہ: Al Qamar Online
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی