’الوداع 2025، خوش آمدید 2026‘، گورنر ہاؤس میں شاندار آتش بازی، کامران ٹیسوری کا قوم کو پیغام
اشاعت کی تاریخ: 1st, January 2026 GMT
data-id="863a0a8" data-element_type="widget" data-widget_type="theme-post-content.default">
گورنر سندھ کامران خان ٹیسوری کی جانب سے نئے سال کی آمد پر گورنر ہاؤس میں شاندار آتش بازی کا انعقاد کیا گیا۔ اس موقع پر بڑی تعداد میں شہریوں نے شرکت کی جبکہ فضا رنگا رنگ روشنیوں سے جگمگا اٹھی۔
گورنر سندھ نے پوری قوم کو نئے سال کی مبارکباد دیتے ہوئے کہا کہ 2025 پاکستان کے لیے عسکری، سفارتی اور معاشی بالادستی کا سال ثابت ہوا۔ ان کا کہنا تھا کہ 2025 میں ایس آئی ایف سی نے کلیدی کردار ادا کیا، جس کی قیادت چیف آف ڈیفنس فورسز فیلڈ مارشل عاصم منیر نے کی۔
کامران ٹیسوری نے کہا کہ سال 2025 میں پاکستان عالمی سطح پر مرکزِ نگاہ بنا رہا، جبکہ سال کے اختتام پر ینگ کرکٹ ٹیم کی جانب سے بھارت کو شکست دینے پر قوم کی خوشیاں دوبالا ہو گئیں۔ انہوں نے کہا کہ بھارت کے خلاف کامیابی قوم کے لیے ایک یادگار تحفہ ہے جسے ہمیشہ یاد رکھا جائے گا۔
گورنر سندھ کا کہنا تھا کہ پوری قوم اپنی مسلح افواج کی شکر گزار ہے اور 2026 کے لیے دعا ہے کہ ملک دشمن عناصر اور سازشی قوتوں کو شکست ہو۔ انہوں نے کہا کہ سازشی عناصر 2026 میں اپنے منطقی انجام تک پہنچیں گے اور عبرت کا نشان بنیں گے۔
آخر میں گورنر سندھ نے 2025 کے اختتام پر کراچی سمیت سندھ بھر کے عوام کا شکریہ ادا کرتے ہوئے کہا کہ عوام کی بھرپور شرکت نے گورنر ہاؤس کے تمام پروگرامز کو کامیاب بنایا۔ ان کا کہنا تھا کہ انشا اللہ 2026 میں عوامی خدمت اور ویلفیئر کے مزید بڑے پروگرامز منعقد کیے جائیں گے اور گورنر ہاؤس کے دروازے عوام کے لیے کھلے رہیں گے۔
.
ذریعہ
ذریعہ: Jasarat News
کلیدی لفظ: گورنر ہاؤس گورنر سندھ کہا کہ کے لیے
پڑھیں:
سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، شرجیل میمن
فائل فوٹو
وزیر اطلاعات سندھ شرجیل میمن کا کہنا ہے کہ سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، گریڈ ایک سے 16 تک ملازمین کا سفری الاؤنس بڑھا دیا گیا ہے۔
سندھ کابینہ اجلاس کے بعد پریس کانفرنس کرتے ہوئے شرجیل میمن نے کہا کہ سندھ کابینہ کے اجلاس میں اہم فیصلے کیے گئے ہیں، گورنر ہاؤس اور وزیراعلیٰ ہاؤس اسٹاف کی ہیلتھ انشورنس میں چھ ماہ کی توسیع کی ہے، معیشت، سرمایہ کاری، مالیات، آبی وسائل سے متعلق مختلف ٹاسک فورسز تشکیل دی ہیں، موسمیاتی تبدیلی اور آرٹیفیشل انٹیلیجنس سے متعلق مختلف ٹاسک فورسز تشکیل دی ہیں۔
شرجیل میمن نے کہا کہ سندھ کابینہ نے گٹکا اور مین پوری کے خلاف سخت کریک ڈاؤن کی منظوری دی ہے، گٹکا ماوا کیخلاف کارروائی نارکوٹکس کنٹرول کا محکمہ کرے گا، قانون سازی کر رہے ہیں۔
شرجیل میمن نے کہا کہ ملازمین عملی کام کے بجائے یونٹ، سیکٹر دفاتر میں بیٹھے رہتے تھے، صحافی ولی خان بابر نے ایسے معاملات کی رپورٹنگ کی تھی بعد میں انھیں قتل کر دیا گیا۔
صوبائی وزیر نے کہا کہ ہم چاہتے ہیں کہ زراعت کے شعبے کو نقصان نہ ہو، قانون میں گندم کی ترسیل روکنے کی ممانعت ہے، پنجاب نے گندم کی ترسیل روکی ہوئی ہے، پنجاب نے گندم کی ترسیل کیلئے بارڈر سیل کیے ہیں، ہم مذمت کرتے ہیں، گندم کی فصل بہت اچھی ہوئی، سندھ میں کچھ لوگوں نے گندم کی ذخیرہ اندوزی کر رکھی ہے۔
شرجیل میمن نے کہا کہ سندھ حکومت پانچ لاکھ میٹرک ٹن گندم امپورٹ کرے گی، پاسکو سے بھی گندم خریدی جائے گی، ان اقدامات سے گندم ذخیرہ کرنے والوں کو بہت نقصان ہوگا، ناردرن بائی پاس پر 4 سو ایکڑ پر ٹرک اسٹینڈ بنانے جارہے ہیں۔
شرجیل میمن نے کہا کہ افسوس کی بات ہےان دونوں رہنماؤں نے آئین اور قانون کا سنجیدہ مطالعہ نہیں کیا، مطالعہ کرتے تو اس نوعیت کے غیر ذمہ دارانہ بیانات دینے سے گریز کرتے۔
صوبائی وزیر نے مزید کہا کہ مون سون کے موقع پر تمام اداروں کو الرٹ جاری کر دیا گیا ہے، کے پی کے اور پنجاب میں بارشوں سے اموات ہوئی ہیں، حیرت کی بات ہے ہمارے میڈیا نے پر اس پر خاموشی رکھی ہوئی ہے۔
انہوں نے مزید کہا کر بارش سے پنجاب کے دیہی اور شہری علاقوں کے حالات خراب ہیں، ملک بھر میں بارشوں سے بہت تباہی ہوئی ہے، پنجاب میں بارشوں سے 17 افراد جاں بحق ہوئے، خیبر پختونخوا میں بارشوں سے 20 افراد جان کی بازی ہار گئے ہیں۔
شرجیل میمن نے کہا کہ کشمیر میں انتخابات چل رہے ہیں، کشمیر انتخابات میں مسلم لیگ ن ضابطہ اخلاق کی خلاف ورزی کررہی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار