جی میل میں ایک بہترین نئے فیچر کا اضافہ
اشاعت کی تاریخ: 1st, January 2026 GMT
data-id="863a0a8" data-element_type="widget" data-widget_type="theme-post-content.default">
ٹیکنالوجی کے عالمی ادارے گوگل نے اپنے صارفین کے لیے ایک اہم اپ ڈیٹ کا اعلان کرتے ہوئے بتایا ہے کہ اب جی میل استعمال کرنے والے صارفین اپنے پرائمری ‘@جی میل ڈاٹ کام’ ای میل ایڈریس کو موجودہ گوگل اکاؤنٹ ایڈریس میں تبدیل کر سکیں گے۔
اس نئے فیچر کا سب سے بڑا فائدہ یہ ہے کہ اکاؤنٹ ایڈریس بدلنے کے باوجود تمام محفوظ کردہ ڈیٹا برقرار رہے گا، یعنی تصاویر، پیغامات اور ای میلز پر کوئی اثر نہیں پڑے گا۔ گوگل نے یہ فیچر بتدریج تمام صارفین کے لیے متعارف کرانا شروع کر دیا ہے۔
اس اپ ڈیٹ کے تحت صارفین نہ صرف نئے جی میل ایڈریس پر سوئچ کر سکیں گے بلکہ پرانے یا نئے ای میل ایڈریس کے ذریعے گوگل کی دیگر خدمات جیسے جی میل، میپس، یوٹیوب اور ڈرائیو میں بھی سائن ان کر سکتے ہیں۔
گوگل کے مطابق ایک بار نیا جی میل ایڈریس بنانے کے بعد صارف اگلے بارہ مہینوں تک دوسرا نیا ایڈریس نہیں بنا سکیں گے، تاہم پرانا ایڈریس کسی بھی وقت دوبارہ استعمال کیا جا سکتا ہے۔
ڈیٹا کی حفاظت کی مکمل ضمانت کے باوجود گوگل نے صارفین کو مشورہ دیا ہے کہ وہ تبدیلی کے عمل سے قبل اپنی معلومات کا بیک اپ بنا لیں، کیونکہ اس دوران بعض ایپ کی سیٹنگز ری سیٹ ہو سکتی ہیں۔ مزید برآں، صارفین یہ بھی دیکھ سکتے ہیں کہ یہ فیچر ان کے اکاؤنٹ میں فعال ہے یا نہیں، جس کے لیے وہ اکاؤنٹ کی سیٹنگز میں جا کر ‘ذاتی معلومات’ کے زمرے میں اس کا جائزہ لے سکتے ہیں۔
یہ اپ ڈیٹ گوگل صارفین کے لیے ڈیٹا کی حفاظت اور اکاؤنٹ مینجمنٹ کو مزید آسان بنانے کی ایک اہم کوشش ہے، جو ٹیکنالوجی کی دنیا میں صارفین کے تجربے کو بہتر بنانے کی جانب ایک بڑا قدم تصور کیا جا رہا ہے۔
ذریعہ
ذریعہ: Jasarat News
کلیدی لفظ: میل ایڈریس صارفین کے جی میل کے لیے
پڑھیں:
سرکاری ملازمین کی تنخواہوں کے بعد پنشن میں بھی اضافہ
پشاور (نیوز ڈیسک) سرکاری ملازمین کے لیے بڑی خوشخبری آگئی، پنشن میں 7 فیصد اضافہ یکم جولائی 2026 سے نافذ العمل ہوگیا۔
تفصیلات کے مطابق خیبرپختونخوا حکومت نے صوبائی سرکاری پنشنرز کے لیے ایک اہم فیصلہ کرتے ہوئے نیٹ پنشن میں 7 فیصد اضافے کی منظوری دے دی ہے، جس کا باقاعدہ نوٹیفکیشن بھی جاری کر دیا گیا ہے۔
حکومتی اعلامیے میں کہا گیا کہ پنشن میں 7 فیصد اضافہ یکم جولائی 2026 سے نافذ العمل ہوگیا اور اس سے تمام صوبائی سرکاری پنشنرز مستفید ہو سکیں گے۔
محکمہ خزانہ خیبرپختونخوا کی جانب سے جاری کردہ نوٹیفکیشن میں پنشن میں اضافے کے حوالے سے اہم نکات اور شرائط واضح کی گئی ہیں۔
جس میں کہا ہے کہ یہ 7 فیصد اضافہ 30 جون 2026 تک حاصل کردہ نیٹ پنشن کی بنیاد پر دیا جائے گا اور یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے کے حقدار ہوں گے۔
یہ اضافہ فیملی پنشن اور کمپیشنٹ الاؤنس کے کیسز پر بھی یکساں طور پر لاگو ہوگا۔
اس کے علاوہ بیرون ملک مقیم صوبائی حکومت کے اہل پنشنرز بھی مقررہ شرائط و ضوابط کے تحت اس اضافے سے فائدہ اٹھا سکیں گے۔
نوٹیفکیشن میں واضح کیا گیا ہے کہ یہ 7 فیصد اضافہ پہلے سے ملنے والی کسی بھی “خصوصی اضافی پنشن” پر لاگو نہیں ہوگا۔
خیبرپختونخوا حکومت کے اس اقدام کو صوبے کے لاکھوں ریٹائرڈ ملازمین اور ان کے خاندانوں کے لیے موجودہ معاشی صورتحال میں ایک بڑا ریلیف قرار دیا جا رہا ہے۔
مزید پڑھیں۔سونے کی قیمت میں نمایاں کمی،فی تولہ نئی قیمت جانئے
ٹی20 ورلڈ کپ 2026: پاکستان نے سپر 8 کے لیے جگہ پکی کر لی