پنجاب میں سیلز ریکارڈ میں خردبرد، ریونیو اتھارٹی نے کارروائیاں شروع کر دیں
اشاعت کی تاریخ: 1st, January 2026 GMT
پنجاب ریونیو اتھارٹی (PRA) کی ٹیموں نے رات دیر تک صوبے بھر میں متحرک رہ کر سیلز ریکارڈ کی چھان بین کی، جس کے دوران کئی فوڈ چینز اور دیگر کاروباری مقامات پر خردبرد کے شواہد سامنے آئے۔
ترجمان PRA کے مطابق 9 ریسٹورنٹس اور فوڈ پوائنٹس کے سیلز ریکارڈ ضبط کر لیے گئے، جبکہ سیلز ریکارڈ چھپانے یا ٹیموں کی کارروائی میں مزاحمت کرنے والے کاروباری اداروں کے خلاف مقدمات بھی درج کیے جائیں گے۔ مزید یہ کہ نوٹسز کے باوجود سرکاری خزانے میں ٹیکس جمع نہ کروانے والوں کے خلاف بھی کارروائی کی گئی۔
ترجمان نے عوام کو یقین دہانی کرائی کہ حکومت ان کے ادا کردہ ٹیکسز کو بروقت اور شفاف انداز میں استعمال کر رہی ہے اور ادارہ اس بات کو یقینی بنا رہا ہے کہ تمام کاروباری ادارے اپنی ٹیکس ذمہ داری پوری کریں۔
عوام سے درخواست کی گئی ہے کہ بل کی ادائیگی کے بعد ای-بل ضرور حاصل کریں تاکہ ٹیکس کی شفاف ادائیگی کا ثبوت موجود رہے۔
ذریعہ
ذریعہ: Daily Mumtaz
کلیدی لفظ: سیلز ریکارڈ
پڑھیں:
واشنگٹن میں لبنان اور اسرائیل کے درمیان مذاکرات شروع
اسرائیل کی جانب سے لبنان پر خون ریز حملوں کے بعد دونوں ممالک کے درمیان واشنگٹن میں مذاکرات شروع ہوگئے ہیں۔
الجزیرہ کی رپورٹ کے مطابق لبنان اور اسرائیل کے درمیان واشنگٹن میں شروع ہونے والے مذاکرات جنگ بندی مذاکرات کا تسلسل اور چوتھا دور ہے۔
لبنان کی سرکاری خبرایجنسی نے بتایا کہ لبنان اور اسرائیل کے درمیان مذاکرات کا چوتھا دور واشنگٹن میں امریکی اسٹیٹ ڈپارٹمنٹ کے ہیڈکوارٹرز میں شروع ہوگئے ہیں۔
رپورٹ میں بتایا گیا کہ مذاکرات کے لیے دونوں فریق کے نمائندے واشنگٹن پہنچے، جس کے بعد مذاکرات شروع ہوئے ہیں۔
قبل ازیں امریکی صدر ڈونلڈ ٹرمپ نے اسرائیلی وزیراعظم کو لبنان پر حملوں کے حوالے سے ٹیلی فون پر سخت الفاظ کا استعمال کیا تھا۔
رپورٹ میں دعویٰ کیا گیا تھا کہ ٹرمپ نے نیتن یاہو کو پاگل قرار دیا اور کہا کہ ہر کوئی تم سے نفرت کرتا ہے، اسی وجہ سے لوگ اسرائیل سے بھی نفرت کرتے ہیں۔
دوسری جانب لبنان پر اسرائیل کے حملے جاری ہیں جہاں جنوبی لبنان کے بڑے شہروں میں سے ایک نباطیہ پر شدید بم باری کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ