پارک ویو سٹی اسلام آباد میں نئے سال کی تقریبات کے دوران ہنگامہ آرائی، توڑ پھوڑ کی ویڈیوز وائرل
اشاعت کی تاریخ: 1st, January 2026 GMT
اسلام آباد کی معروف ہاؤسنگ سوسائٹی پارک ویو سٹی میں نئے سال 2026 کی آمد کے موقع پر ایک بڑے جشن کا انعقاد کیا گیا،جس میں شہریوں کی بڑی تعداد نے شرکت کی۔ تقریب کے دوران شاندار فائر ورکس کا مظاہرہ بھی کیا گیا، جسے شرکاء کی جانب سے خوب سراہا گیا۔
تاہم جشن کے دوران بعض ناخوشگوار واقعات بھی پیش آئے جن کی ویڈیوز سوشل میڈیا پر وائرل ہو رہی ہیں۔ وائرل ویڈیوز میں چند نوجوانوں کو املاک کو نقصان پہنچاتے ہوئے دیکھا جا سکتا ہے۔ ویڈیوز میں نظر آ رہا ہے کہ نوجوانوں نے پارک میں نصب بینچوں، خار دار تاروں اور دیگر تنصیبات کو توڑا جبکہ بعض اشیاء کو قریبی پانی میں پھینکتے ہوئے بھی دیکھا گیا۔
پارک ویو سٹی میں نئے سال کے جشن میں جنگلی دیکھ لیں pic.
— صحرانورد (@Aadiiroy2) January 1, 2026
سوشل میڈیا پر گردش کرنے والی دیگر ویڈیوز میں سیکیورٹی اہلکاروں کی جانب سے لاٹھی چارج کے مناظر بھی دکھائی دے رہے ہیں۔ بعض صارفین کا کہنا ہے کہ یہ کارروائی اس وقت کی گئی جب بغیر ٹکٹ کنسرٹ ایریا میں داخل ہونے کی کوشش کرنے والے افراد نے سیکیورٹی پر پتھراؤ کیا۔
نیو ایئر نائٹ ۔۔ پارک ویو کی صورتحال ۔۔ سیکورٹی اہلکاروں پر بغیر ٹکٹ کنسرٹ میں داخل ہونے کی کوشش کرنے والوں کا پتھراؤ
سیکورٹی داریوں توڑ دی ۔۔ صورتحال دیکھ سکتے ہیں pic.twitter.com/mUbeknISSB
— Ahsan Wahid (@AhsanWahid13) December 31, 2025
واقعے کے بعد سوشل میڈیا پر صارفین کی جانب سے شدید ردِعمل سامنے آیا ہے۔ خرم اقبال لکھتے ہیں کہ یہ علیم خان کی اسلام آباد میں واقع ہاؤسنگ سوسائٹی پارک ویو سٹی ہے۔ یہ معلوم نہیں ہو سکا کہ ان نوجوانوں کو کس بات پر غصہ تھا تاہم اس صورتحال پر افسوس کے سوا کچھ نہیں کہا جا سکتا۔ ملک کو چاہے پیرس جیسا ہی کیوں نہ بنا دیا جائے ایسے مناظر پھر بھی دیکھنے کو ملتے رہیں گے۔ اللہ تعالیٰ سب کو ہدایت عطا فرمائے۔
یہ علیم خان کی اسلام آباد میں سوسائٹی پارک ویو سٹی ہے، نہیں پتہ اِن نوجوانوں کو غصہ کس بات پر تھا، افسوس ہی کیا جا سکتا ہے، مُلک کو پیرس بھی بنا دیں، یہاں تب بھی ایسے ہی مناظر دیکھنے کو ملیں گے، اللہ ہدایت دے۔۔!! pic.twitter.com/2YpsymqEUl
— Khurram Iqbal (@khurram143) January 1, 2026
جہاں ایک طبقہ انتظامیہ کی سیکیورٹی انتظامات پر سوالات اٹھا رہا ہے وہیں بعض افراد شرپسند عناصر کے خلاف سخت کارروائی کا مطالبہ کر رہے ہیں۔ ایک صارف نے کہا کہ پارک ویو سٹی اسلام آباد میں نیو ایئر نائٹ کے دوران جن عناصر نے توڑ پھوڑ کی اُن کے خلاف سخت ترین کارروائی کی جائے۔ جو لوگ عوامی و نجی املاک کو نقصان پہنچاتے ہیں وہ دراصل پاکستان کے دشمن ہیں۔ ایسے افراد کو کسی صورت معاف نہیں کیا جانا چاہیے۔
پارک ویو سٹی اسلام آباد میں نیو ایئر نائٹ کے دوران جن عناصر نے توڑ پھوڑ کی، اُن کے خلاف سخت ترین کارروائی کی جائے۔ جو لوگ عوامی و نجی املاک کو نقصان پہنچاتے ہیں وہ دراصل پاکستان کے دشمن ہیں۔ ایسے افراد کو کسی صورت معاف نہیں کیا جانا چاہیے۔ #Governmentpakistan #IGiislamabad pic.twitter.com/6gUjnHNHGn
— Muhammad Zeeshan (@MuhammadZe48936) January 1, 2026
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
2026 پارک ویو سٹی پارک ویو سٹی توڑ پھوڑ نیو ایئر
ذریعہ
ذریعہ: WE News
کلیدی لفظ: پارک ویو سٹی نیو ایئر
پڑھیں:
چینی سائنسدانوں کی اہم پیش رفت، نیند بڑھانے والا قدرتی مالیکیول دریافت
دنیا بھر میں لاکھوں افراد بے خوابی اور نیند کی مختلف خرابیوں کا شکار ہیں، تاہم چینی سائنسدانوں نے ایک ایسے قدرتی مالیکیول کی نشاندہی کی ہے جو دماغ میں نیند کی خواہش کو بڑھانے میں اہم کردار ادا کرتا ہے۔ ماہرین کے مطابق یہ دریافت مستقبل میں بے خوابی اور دیگر نیند کے مسائل کے لیے نئی، محفوظ اور مؤثر ادویات کی تیاری میں اہم سنگ میل ثابت ہو سکتی ہے۔
چینی اکیڈمی آف سائنسز اور دیگر تحقیقی اداروں کے سائنسدانوں کی یہ تحقیق معروف سائنسی جریدےنیچر نیورو سائنس (Nature Neuroscience) میں شائع ہوئی ہے۔ تحقیق کے مطابق ٹرپٹامین (Tryptamine یا TrpA) نامی قدرتی مالیکیول دماغ کو یہ اشارہ دیتا ہے کہ جسم کو آرام اور نیند کی ضرورت ہے۔
محققین کا کہنا ہے کہ مناسب نیند انسانی صحت کے لیے انتہائی ضروری ہے، کیونکہ اسی دوران دماغ یادداشت کو منظم کرتا، نئی معلومات محفوظ بناتا اور روزمرہ سرگرمیوں کے دوران جمع ہونے والے فاضل مادوں کو خارج کرتا ہے۔ اس کے باوجود دنیا بھر میں بے خوابی، ذہنی دباؤ، ڈپریشن، بے چینی اور جسمانی گھڑی (سرکیڈین ردھم) کی خرابی کے باعث لاکھوں افراد مناسب نیند سے محروم رہتے ہیں۔
تحقیق کے دوران سائنسدانوں نے رات کو متحرک رہنے والے چوہوں اور دن میں سرگرم رہنے والے سوروں پر تجربات کیے۔ خصوصی فلوروسینٹ سینسر کی مدد سے جانوروں کے دماغی مائع میں ٹرپٹامین کی مقدار مختلف اوقات میں ریکارڈ کی گئی۔
نتائج سے معلوم ہوا کہ جتنا زیادہ وقت جانور جاگتے رہے، ان کے دماغی مائع میں ٹرپٹامین کی مقدار بھی اتنی ہی بڑھتی گئی۔ اس سے ظاہر ہوا کہ یہ مالیکیول جسم میں بڑھنے والے سلیپ پریشر یعنی نیند کی قدرتی طلب کی عکاسی کرتا ہے۔
مزید تحقیق سے پتا چلا کہ جاگنے کے دوران متحرک مخصوص اعصابی خلیے ٹرپٹامین خارج کرتے ہیں، جو بعد ازاں GPR139 نامی ریسیپٹر سے جڑ کر دماغ کے اس حصے کو متحرک کرتا ہے جو نیند کو فروغ دینے میں اہم کردار ادا کرتا ہے۔
سائنسدانوں نے تجرباتی طور پر ایسے مرکبات بھی استعمال کیے جو GPR139 ریسیپٹر کو متحرک کرتے ہیں۔ نتائج کے مطابق ان مرکبات سے نہ صرف نیند کا دورانیہ بڑھا بلکہ اس کے معیار میں بھی نمایاں بہتری دیکھی گئی۔
ماہرین کا کہنا ہے کہ اگر مستقبل کی تحقیقات میں یہی حیاتیاتی نظام انسانوں میں بھی ثابت ہو جاتا ہے تو بے خوابی اور دیگر نیند کی خرابیوں کے علاج کے لیے ایسی نئی ادویات تیار کی جا سکیں گی جو موجودہ ادویات کے مقابلے میں زیادہ محفوظ، مؤثر اور کم مضر اثرات کی حامل ہوں گی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی