پنجاب کے 20 اضلاع میں گرین پراپرٹی سرٹیفکیٹ کے اجرا کا آغاز
اشاعت کی تاریخ: 1st, January 2026 GMT
لاہور: ( نیوزڈیسک) منصوبہ برائے اصلاح نظام اراضی، بورڈ آف ریونیو، حکومت پنجاب کی جانب سے سیالکوٹ ، ملتان، ساہیوال، جہلم، راولپنڈی، اوکاڑہ اور خوشاب سمیت پنجاب کے 20 اضلاع میں گرین پراپرٹی سرٹیفکیٹ کے اجراء کا آغاز کر دیا گیا ہے۔
مستقبل قریب میں گرین پراپرٹی سرٹیفکیٹ کا صوبے بھر میں مرحلہ وار اجراء کیا جائے گا، گرین پراپرٹی سرٹیفکیٹ پنجاب حکومت کی جانب سے تصدیق شدہ ہوگا۔
گرین پراپرٹی سرٹیفکیٹ کے نفاذ کا مقصد عوام کی جائیداد کی حدود اور ملکیت کا تحفظ، خرید و فروخت میں ممکنہ فراڈ اور جعلسازی کا خاتمہ ہے۔
ڈائریکٹر جنرل پنجاب لینڈ ریکارڈز اتھارٹی اکرام الحق نے کہا کہ گرین پراپرٹی سرٹیفکیٹ ایک سنگ میل کی حیثیت رکھتا ہے جو وزیراعلیٰ پنجاب مریم نواز شریف کے وژن کے مطابق ترقی یافتہ اور خوشحال پنجاب کا ضامن ہے۔
ڈیجیٹل لینڈ ریکارڈز سسٹم سے نہ صرف زمینوں کے جھگڑے کم ہوں گے بلکہ عوام کو قانونی تحفظ بھی میسر آئے گا۔
گرین پراپرٹی سرٹیفکیٹ کے حصول کے لیے درخواست قریبی اراضی ریکارڈز سینٹر، متعلقہ اتھارٹیز یا متعلقہ ہاؤسنگ سوسائٹیز میں جمع کروائی جا سکتی ہے۔
.
ذریعہ
ذریعہ: Daily Mumtaz
پڑھیں:
سندھ، پنجاب اور کے پی کے مختلف شہروں میں بارش اور مٹی کا طوفان
فائل فوٹوسندھ، پنجاب اور خیبرپختونخوا کے مختلف شہروں میں تیز ہوائیں، طوفان اور بارش ہوئی ہے جس سے متعدد علاقوں میں بجلی کی فراہمی متاثر ہوگئی۔
خیبرپختونخوا میں مختلف حادثات میں 20 سے زائد افراد زخمی ہوئے ہیں۔
سندھ کے علاقے تھرپارکر میں بارش، سکھر میں ژالہ باری، لاڑکانہ، حیدرآباد، مٹیاری، ہالہ، نیو سعیدآباد، شکارپور اور کندھ کوٹ میں مٹی کا طوفان آیا ہے۔
اسلام آباد، لاہور، جہلم، سرگودھا، گجرات، رحیم یار خان، چنیوٹ سمیت پنجاب کے کئی علاقوں میں بارش ہوئی۔
تیز ہوا کے باعث لوئر کرم میں بجلی کی مین لائن کا ٹاور گر گیا، پاراچنار اور اس کے ملحقہ علاقوں اور پاک افغان سرحدی دیہات کی بجلی بند ہوگئی۔
وزارت آئی ٹی نے 1.67 ارب روپے سے زاید کے فنڈز طلب کرلیے