پنجاب اسمبلی کے اجلاسوں میں غیرحاضری سے قومی خزانے کو ایک ارب روپے کا نقصان
اشاعت کی تاریخ: 1st, January 2026 GMT
سال 2025 میں پنجاب اسمبلی کے اجلاسوں میں غیرحاضری اور کورم پورا نہ ہونے کے باعث قومی خزانے کو تقریباً ایک ارب روپے کا نقصان ہوا۔
تفصیلات کے مطابق گزشتہ سال 16 اجلاس بلائے گئے جن میں 88 دن تک اسمبلی کے سیشن ہوئے۔ ایک اجلاس پر تقریباً 7 کروڑ روپے کا خرچہ آتا ہے، تاہم کورم پورا نہ ہونے کی وجہ سے 15 اجلاس ملتوی ہو گئے، جس کے نتیجے میں خزانے کو بھاری نقصان ہوا۔
حیرت کی بات یہ ہے کہ ملتوی ہونے والے اجلاسوں میں بھی اراکین اسمبلی نے رجسٹر پر اپنی حاضری درج کرائی، جس کی بنیاد پر وہ ٹی اے ڈی اے حاصل کر سکتے ہیں، حالانکہ اجلاس عمل میں نہیں آئے۔
اس حوالے سے حکومتی چیف وہپ رانا ارشد کا کہنا تھا کہ اکثر اجلاس دیر سے شروع ہوتے ہیں، جس کی وجہ سے اراکین حاضری لگا کر اپنے ذاتی کاموں کی وجہ سے اجلاس چھوڑ دیتے ہیں۔ ان کے مطابق، اپوزیشن اکثر کورم کی نشاندہی کرتی ہے، جو کہ درست نہیں۔
دوسری جانب اپوزیشن رکن شیخ امتیاز محمود کا کہنا تھا کہ کورم یقینی بنانے کی ذمہ داری حکومت پر ہے، جبکہ حکومتی اراکین صرف حاضری لگا کر چلے جاتے ہیں کیونکہ عوامی مسائل میں ان کی دلچسپی نہیں ہوتی۔
ذریعہ
ذریعہ: Daily Mumtaz
پڑھیں:
پنجاب میں انسداد ڈینگی کارروائیوں کیلئے افسران کو فوری متحرک ہونے کی ہدایت
کابینہ کمیٹی برائے متعدی امراض، ڈینگی و ڈیزاسٹر منیجمنٹ کا اجلاس لاہور میں ہوا، پنجاب کے وزرائے صحت سلمان رفیق اور خواجہ عمران نذیر نے اجلاس کی صدارت مشترکہ طور پر صدارت کی۔
اس موقع پر پنجاب کے وزرائے صحت نے کہا کہ ڈینگی کے افزائش والے اضلاع پر خصوصی توجہ دی جا رہی ہے، صوبے بھر میں ڈینگی کی تازہ صورتحال پر قابو پانے کیلیے اقدامات کا جائزہ لیا گیا۔
صوبائی وزیر خواجہ عمران نذیر نے متعلقہ افسران کو فوری متحرک ہونے کی ہدایت کی۔ انھوں نے کہا ہمیشہ دیکھا گیا ہے کہ جون جولائی میں انسداد ڈینگی کارروائیوں کے مثبت نتائج سامنے آتے ہیں۔
خواجہ عمران نذیر نے کہا ڈینگی وائرس پر قابو پانے کے اقدامات کسی ایک محکمہ کی ذمہ داری نہیں، اقدامات کی ذمہ داری تمام اسٹیک ہولڈرز کی ہے۔
خواجہ عمران نے سی ای او ہیلتھ کو ضلعی انتظامیہ کیساتھ مسلسل رابطے میں رہنے کی ہدایت کی۔
انھوں نے کہا کہ ایچ آر منیجمنٹ، والنٹیر ماڈل کو اپناتے ہوئے ڈینگی کا خاتمہ ممکن ہے، یونیورسٹی اور کالجز کے طلبہ کو انسداد ڈینگی کی کارروائیوں میں شامل کرنے کا فیصلہ بھی کیا گیا۔
خواجہ سلمان رفیق نے کہا ڈینگی کی بوگس سرویلنس ناقابل برداشت ہے، عوام اپنےگھروں، دکانوں اور دیگر مقامات پر صفائی کویقینی بنائیں
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ