پی ٹی آئی نے سینیٹر سیف اللہ ابڑو کی نااہلی کا عمل شروع کر دیا
اشاعت کی تاریخ: 2nd, January 2026 GMT
اسلام آباد (نیوز ڈیسک)پی ٹی آئی نے سینیٹر سیف اللہ ابڑو کی نااہلی کا عمل شروع کر دیا۔ آرٹیکل 63A کے تحت نااہل قراردینے کے معاملے پر ریفرنس سینیٹ سیکریٹریٹ میں جمع کرایا گیا۔ 27ویں آئینی ترمیم کی حمایت پر پارٹی پالیسی کی خلاف ورزی کی،شوکاز کا بھی کوئی جواب نہیں دیا۔پی ٹی آئی نے اپنے سرکشی کرنے والے سینیٹر سیف اللہ ابڑو کے خلاف نااہلی کا عمل شروع کر دیا ہے، اور 27ویں آئینی ترمیم کی حمایت کرنے پر پارٹی پالیسی کی خلاف ورزی کے سبب سینیٹ سیکریٹریٹ میں نااہلی کی ریفرنس جمع کروا دی ہے۔ پارٹی کے جوشیلےسینیٹر عون عباس بپی نے جمعرات کو یہ ریفرنس سینیٹ سیکریٹریٹ میں جمع کروایا، جس پر پارٹی کے پارلیمانی لیڈر بیرسٹرسید علی ظفر کے دستخط موجود ہیں۔ ریفرنس میں کہا گیا ہے کہ سینیٹر ابڑو کو پارٹی ہدایات کے برعکس اہم قانون سازی پر ووٹ دینے کے سبب آئین کے آرٹیکل 63A کے تحت نااہل قرار دینے کی درخواست کی گئی ہے۔
.
ذریعہ
ذریعہ: Daily Mumtaz
پڑھیں:
امتحانی تنازعات پر کاکروچ جنتا پارٹی کے بانی نے بڑا اعلان کردیا
کاکروچ جنتا پارٹی کے بانی ابھیجیت دپکے نے بھارت کے دارالحکومت نئی دہلی میں 6 جون کو احتجاجی تحریک شروع کرنے کا اعلان کر دیا ہے۔
بھارتی میڈیا رپورٹس کے مطابق ابھیجیت دپکے نے کہا ہے کہ وہ 6 جون کو بھارت واپس آ کر دہلی کے جنتر منتر پر پرامن احتجاج کا آغاز کریں گے۔ ان کا مؤقف ہے کہ ملک میں مختلف امتحانی تنازعات کے باعث طلبہ کا مستقبل متاثر ہو رہا ہے، جس پر فوری طور پر ذمے داری طے کی جانی چاہیے۔
دپکے نے مطالبہ کیا ہے کہ نیٹ یو جی پیپر لیک، سی بی ایس ای، سی یو ای ٹی اور ایس ایس سی جی ڈی سمیت مختلف امتحانی بے ضابطگیوں کی ذمے داری قبول کرتے ہوئے مرکزی وزیر تعلیم دھرمیندر پردھان اپنے عہدے سے استعفیٰ دیں۔
ان کا دعویٰ ہے کہ امتحانی نظام میں ہونے والی مبینہ بے ضابطگیوں سے ایک کروڑ سے زائد طلبا متاثر ہوئے ہیں۔ انہوں نے ایک ویڈیو پیغام میں طلبا، نوجوانوں اور اپنے حامیوں سے اپیل کی ہے کہ وہ 6 جون کو دہلی میں ان کے احتجاج میں شریک ہوں۔
دپکے کے مطابق پیپر لیک اور دیگر تنازعات کے باعث طلبا شدید ذہنی دباؤ کا شکار ہوئے، کئی نوجوانوں کی محنت ضائع ہوئی اور بعض افسوسناک واقعات میں خودکشی جیسے سنگین نتائج بھی سامنے آئے۔ ان کا کہنا تھا کہ ایسے حالات میں ذمے داروں کا تعین ناگزیر ہو چکا ہے۔
انہوں نے یہ بھی دعویٰ کیا کہ وزیر تعلیم کے استعفے کے مطالبے پر اب تک 8 لاکھ سے زائد افراد دستخط کر چکے ہیں جبکہ لکھنؤ، جے پور، دہلی اور مہاراشٹر سمیت مختلف شہروں میں پہلے ہی احتجاجی مظاہرے کیے جا چکے ہیں۔
ان کا کہنا ہے کہ مسلسل ناکامیوں کے باوجود اگر احتساب نہ کیا گیا تو عوامی اعتماد مزید متاثر ہوگا اور طلبا بار بار نقصان اٹھاتے رہیں گے، جبکہ متعلقہ ادارے کسی مؤثر کارروائی سے گریز کر رہے ہیں۔
انہوں نے اعلان کیا کہ وہ دہلی پہنچ کر جنتر منتر پر احتجاج کی اجازت کے لیے حکام سے رابطہ کریں گے اور یہ احتجاج مکمل طور پر پرامن اور آئینی دائرے میں ہوگا۔
دپکے نے یہ بھی کہا کہ انہیں امریکا میں ملازمت کی پیشکش ہوئی تھی، تاہم انہوں نے بیرون ملک جانے کے بجائے بھارت واپس آ کر احتجاج کا فیصلہ کیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ