مقبوضہ کشمیر، روح اللہ مہدی کا انہدامی مہم پر اظہار تشویش
اشاعت کی تاریخ: 2nd, January 2026 GMT
ذرائع کے مطابق روح اللہ مہدی جموں کے علاقے ٹرانسپورٹ نگر میں صحافی عارف احمد ڈینگ کے منہدم گھر کا دورہ کرنے کے بعد صحافیوں سے بات کر رہے تھے۔ اسلام ٹائمز۔ بھارت کے غیر قانونی زیر قبضہ جموں و کشمیر میں نیشنل کانفرنس کے رکن پارلیمنٹ آغا روح اللہ مہدی نے انتظامیہ کی طرف سے جاری مخصوص انہدامی مہم پر تشویش کا اظہار کرتے ہوئے کہا ہے کہ اعداد و شمار سے پتہ چلتا ہے کہ گزشتہ دو سالوں کے دوران علاقے میں 3 ہزار سے زیادہ رہائشی اور تجارتی ڈھانچوں کو مسمار کیا گیا ہے، جس سے ہزاروں خاندان بے گھر ہوئے ہیں۔ ذرائع کے مطابق روح اللہ مہدی جموں کے علاقے ٹرانسپورٹ نگر میں صحافی عارف احمد ڈینگ کے منہدم گھر کا دورہ کرنے کے بعد صحافیوں سے بات کر رہے تھے۔ قابض بھارتی انتظامیہ نے ڈینگ کے گھر کو 27 نومبر کو بلاجواز منہدم کر دیا تھا۔ انہوں نے متاثرہ خاندان کو امداد فراہم کرنے میں ناکامی پر حکومت کو تنقید کا نشانہ بناتے ہوئے کہا کہ وزیراعلیٰ انہدامی کارروائی کے ذمہ داروں کو طلب کر کے سچ سامنے لانے کی کوشش کر سکتے تھے لیکن انہوں نے ایسا نہیں کیا۔ انہوں نے ایک مقامی رہائشی، کلدیپ شرما کا حوالہ دیتے ہوئے، جس نے بے گھر خاندان کو گھر کی تعمیر نو میں مدد کے لیے اپنی پانچ مرلہ اراضی دی ہے، کہا کہ اگر ایک عام شہری ایسا کر سکتا ہے تو حکام وسیع وسائل کے باوجود آگے بڑھنے میں کیوں ناکام رہے۔ انہوں نے کہا کہ اس طرح کی مسماری مہم کو روکنا ضروری ہے، چاہے وہ جموں میں ہو یا وادی کشمیر میں۔ روح اللہ مہدی نے ریزرویشن کے مسائل سے متعلق طلباء کے مطالبات کو حل کرنے میں ناکامی پر بھی تشویش کا اظہار کرتے ہوئے سوال کیا کہ ایک منتخب حکومت طلباء کے ساتھ بات چیت کرنے میں کیوں ناکام رہی۔
.
ذریعہ
ذریعہ: Islam Times
کلیدی لفظ: روح اللہ مہدی انہوں نے
پڑھیں:
آزاد کشمیر کے ترقیاتی منصوبوں کیلئے 54 ارب روپے سے زائد فنڈز تجویز
اسلام آباد: پی ایس ڈی پی 2026-27 کے تحت وفاقی حکومت نے آزاد جموں و کشمیر میں ترقیاتی، تعلیمی، صحت، توانائی، مواصلات اور بنیادی ڈھانچے کے مختلف منصوبوں کے لیے 54 ارب 17 کروڑ 37 لاکھ روپے سے زائد فنڈز مختص کرنے کی تجویز پیش کر دی ہے۔
بجٹ دستاویزات کے مطابق جاری ترقیاتی منصوبوں کے لیے 43 ارب 10 کروڑ 54 لاکھ روپے جبکہ نئے منصوبوں کے لیے 3 ارب 94 کروڑ 45 لاکھ روپے سے زائد فنڈز رکھنے کی سفارش کی گئی ہے۔ اس کے علاوہ آزاد کشمیر بلاک ایلوکیشن کے لیے 33 ارب روپے اور وزیراعظم کے خصوصی ترقیاتی پیکج کے لیے 5 ارب روپے مختص کرنے کی تجویز دی گئی ہے۔
پی ایس ڈی پی 2026-27 میں تعلیمی شعبے کو خصوصی اہمیت دی گئی ہے۔ آزاد کشمیر کے چار اضلاع میں دانش سکولوں کے قیام اور توسیع کے منصوبوں کے لیے 6 ارب 27 کروڑ روپے سے زائد فنڈز تجویز کیے گئے ہیں۔ ضلع باغ کے ہاڑی گہل میں دانش سکول کے لیے 2 ارب 14 کروڑ روپے، بھمبر میں 60 کروڑ روپے، وادی نیلم کے شاردا میں ایک ارب 55 کروڑ روپے جبکہ حویلی کہوٹہ میں دانش سکول کے قیام کے لیے 2 ارب 9 کروڑ روپے مختص کرنے کی سفارش کی گئی ہے۔
توانائی کے شعبے میں جگراں-II ہائیڈرو پاور منصوبے کے لیے ایک ارب 14 کروڑ 94 لاکھ روپے، شاردا-II منصوبے کے لیے 10 کروڑ روپے اور نگدر ہائیڈرو پاور منصوبے کے لیے 30 کروڑ روپے تجویز کیے گئے ہیں۔ دواریاں ہائیڈرو پاور منصوبہ بھی ترقیاتی پروگرام میں شامل ہے۔
بنیادی ڈھانچے کی بہتری کے لیے آزاد کشمیر قانون ساز اسمبلی کمپلیکس، رٹھوعہ ہریام پل اور نوسیری لیسوا بائی پاس روڈ سمیت متعدد منصوبوں کے لیے فنڈز رکھنے کی سفارش کی گئی ہے۔
صحت کے شعبے میں میرپور، مظفرآباد اور راولاکوٹ کے میڈیکل کالجوں کے انفراسٹرکچر اور سہولیات کی بہتری کے لیے کروڑوں روپے مختص کرنے کی تجویز دی گئی ہے۔ اس کے علاوہ میرپور واٹر سپلائی و سیوریج اسکیم، سالڈ ویسٹ مینجمنٹ اور ایل او سی متاثرین کی بحالی کے منصوبوں کو بھی شامل کیا گیا ہے۔
دستاویزات کے مطابق آزاد کشمیر میں لینڈ ریکارڈ کمپیوٹرائزیشن، آسان خدمت مرکز مظفرآباد، کاؤنٹر ٹیررازم ڈیپارٹمنٹ کی استعداد کار میں اضافے اور گورنمنٹ کالجز آف ٹیکنالوجی کے قیام کے منصوبوں کے لیے بھی فنڈز تجویز کیے گئے ہیں۔
حکومت نے آئندہ مالی سال کے ترقیاتی پروگرام میں تعلیم، صحت، توانائی، سڑکوں کے انفراسٹرکچر اور شہری سہولیات کے منصوبوں کو خصوصی ترجیح دی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ