بلوم برگ کی رپورٹ نے حکومتی معاشی پالیسیوں پر مہرِ تصدیق لگا دی، اختیار ولی
اشاعت کی تاریخ: 2nd, January 2026 GMT
اسلام آباد (نیوز ڈیسک)وزیراعظم کے کوآرڈینیٹر اطلاعات برائے خیبرپختونخوا اختیار ولی خان نے کہا ہے کہ بلوم برگ کی رپورٹ حکومت کی درست معاشی پالیسیوں پر مہرِ تصدیق ہے اور پاکستان میں مہنگائی میں نمایاں کمی کو عالمی سطح پر تسلیم کیا جا رہا ہے۔
اختیار ولی خان نے اپنے بیان میں کہا کہ نومبر میں مہنگائی کی شرح 6.
انہوں نے بتایا کہ خوراک کی قیمتوں میں دباؤ واضح طور پر کم ہوا ہے اور فوڈ انفلیشن کی شرح 3.24 فیصد تک گر گئی ہے، جس کا براہِ راست فائدہ عوام کو مارکیٹ میں خوراک کی وافر دستیابی کی صورت میں مل رہا ہے۔
کوآرڈینیٹر وزیراعظم نے کہا کہ اسٹیٹ بینک آف پاکستان نے پالیسی ریٹ کو گزشتہ تین سال کی کم ترین سطح پر لا کر صنعتی شعبے کے لیے نئی راہیں کھول دی ہیں۔ شرح سود میں 50 بیسس پوائنٹس کی کمی سے سرمایہ کاری کے نئے مواقع پیدا ہوں گے اور معاشی سرگرمیوں میں تیزی آئے گی۔
اختیار ولی خان کا کہنا تھا کہ مہنگائی میں کمی سے عوام کی قوتِ خرید میں بہتری آ رہی ہے جبکہ مستحکم مارکیٹ اور کم ہوتی مہنگائی سے عوامی ریلیف کے آثار مزید نمایاں ہوں گے۔
انہوں نے مزید کہا کہ دسمبر کے اعداد و شمار اس بات کی عکاسی کرتے ہیں کہ حکومتی پالیسیوں کے ثمرات اب عوام تک پہنچنا شروع ہو گئے ہیں اور بلوم برگ کی رپورٹ اس امر کی تصدیق ہے کہ پاکستان درست معاشی سمت میں گامزن ہے۔
ذریعہ
ذریعہ: Daily Mumtaz
کلیدی لفظ: اختیار ولی
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ