برازیل: سائنس دانوں نے نارنجی مینڈک کی نئی قسم دریافت کر لی
اشاعت کی تاریخ: 2nd, January 2026 GMT
data-id="863a0a8" data-element_type="widget" data-widget_type="theme-post-content.default">
سائنس دانوں نے برازیل کے پہاڑی سلسلے سیرا ڈو کوئریری میں ایک انتہائی چھوٹے سائز کی اور حیران کن خصوصیات والی مینڈک کی نئی قسم دریافت کی ہے، جو اپنی قد میں پینسل کی نوک پر آسانی سے بیٹھ سکتی ہے۔
اس چھوٹے سے جانور کی لمبائی محض 14 ملی میٹر ہے، مگر اس کی دریافت حیاتیاتی تنوع اور ماحولیاتی تحقیق کے لیے ایک دلچسپ پیش رفت ہے۔
تحقیقی ٹیم نے اس نئی قسم کا نام برازیل کے سابق صدر لوئیز اناشیو لیولا ڈا سلوا کے اعزاز میں ’بریکیسفیلس لیولائی‘ رکھا ہے۔ محققین کے مطابق یہ مینڈک کلاؤڈ فاریسٹ میں پائی گئی، جو سطح سمندر سے 1000 سے 2500 میٹر کی بلندی پر موجود ایک منفرد ماحولیاتی نظام ہے، جہاں پورے سال بادلوں کی ایک مستقل پرت ماحول کو نمی اور زندگی کے لیے موزوں بناتی ہے۔
سائنس دانوں کا کہنا ہے کہ یہ دریافت نہ صرف حیاتیات کے ماہرین کے لیے دلچسپی کا باعث ہے بلکہ اس سے دنیا میں جانوروں کی تعداد اور حیاتیاتی تنوع کے بارے میں نئی بصیرت بھی حاصل ہوئی ہے۔ اب تک دنیا میں تقریباً 20 لاکھ جانور دریافت کیے جا چکے ہیں، مگر ماہرین کے اندازے کے مطابق دنیا میں تقریباً 80 لاکھ جانور موجود ہیں، یعنی ابھی تقریباً 60 لاکھ جانور دریافت ہونے باقی ہیں۔
یہ چھوٹا سا مگر منفرد جاندار نہ صرف سائنسدانوں کو حیرت میں ڈال رہا ہے بلکہ دنیا بھر کے حیاتیاتی تنوع کے مطالعے میں ایک نیا باب کھول رہا ہے، جو ماحولیاتی نظام کی پیچیدگی اور زمین پر زندگی کی گہرائی کو اجاگر کرتا ہے۔
ذریعہ
ذریعہ: Jasarat News
پڑھیں:
پاکستان میں گزشتہ ماہ 3161 نئی کمپنیاں رجسٹرڈ، مجموعی تعداد 2 لاکھ 97 ہزار سے متجاوز
صوبائی سطح پر پنجاب میں سب سے زیادہ ایک ہزار 643 کمپنیاں رجسٹر ہوئیں، جبکہ اسلام آباد میں 596 اور سندھ میں 479 نئی کمپنیوں کی رجسٹریشن کی گئی۔ اسی طرح خیبر پختونخوا میں 260، گلگت بلتستان میں 112 اور بلوچستان میں 71 کمپنیاں رجسٹر ہوئیں۔ اسلام ٹائمز۔ پاکستان میں گزشتہ ماہ 3161 نئی کمپنیاں رجسٹرڈ ہوئیں، جس کے بعد مجموعی رجسٹرڈ کمپنیوں کی تعداد 2 لاکھ 97 ہزار سے زیادہ ہوگئی ہے۔سیکیورٹیز اینڈ ایکسچینج کمیشن آف پاکستان (ایس ای سی پی) کے مطابق مئی کے دوران ملک بھر میں 3 ہزار 161 نئی کمپنیاں رجسٹر کی گئیں، جس کے بعد رجسٹرڈ کمپنیوں کی مجموعی تعداد بڑھ کر 2 لاکھ 97 ہزار 239 ہو گئی ہے۔ ایس ای سی پی کے اعداد و شمار کے مطابق نئی رجسٹر ہونے والی کمپنیوں میں سے 99.9 فیصد کی رجسٹریشن آن لائن طریقہ کار کے ذریعے مکمل کی گئی، جو کاروباری سرگرمیوں میں ڈیجیٹل سہولتوں کے بڑھتے ہوئے استعمال کی عکاسی کرتی ہے۔ صوبائی سطح پر پنجاب میں سب سے زیادہ ایک ہزار 643 کمپنیاں رجسٹر ہوئیں، جبکہ اسلام آباد میں 596 اور سندھ میں 479 نئی کمپنیوں کی رجسٹریشن کی گئی۔ اسی طرح خیبر پختونخوا میں 260، گلگت بلتستان میں 112 اور بلوچستان میں 71 کمپنیاں رجسٹر ہوئیں۔
شعبہ وار جائزے کے مطابق سب سے زیادہ کمپنیاں انفارمیشن ٹیکنالوجی اور ای کامرس کے شعبے میں رجسٹر کی گئیں۔ انفارمیشن ٹیکنالوجی کے شعبے میں 598 نئی کمپنیاں رجسٹر ہوئیں، جبکہ ٹریڈنگ سیکٹر میں 503، سروسز کے شعبے میں 404 اور رئیل اسٹیٹ و کنسٹرکشن کے شعبے میں 303 نئی کمپنیاں قائم کی گئیں۔ایس ای سی پی کے مطابق سیاحت اور ٹرانسپورٹ کے شعبے میں بھی نمایاں سرگرمی دیکھنے میں آئی، جہاں 206 نئی کمپنیوں کی رجسٹریشن عمل میں لائی گئی۔ ادارے نے بتایا کہ مئی کے دوران 17 مختلف ممالک کے سرمایہ کاروں نے پاکستان میں کمپنیاں رجسٹر کروائیں۔ اعداد و شمار کے مطابق چین سے تعلق رکھنے والے 89 شیئر ہولڈرز نے مختلف کمپنیوں میں ڈائریکٹر شپ حاصل کی جبکہ غیر ملکی سرمایہ کاروں کی کمپنیوں کا ادا شدہ سرمایہ 139.4 ملین روپے ریکارڈ کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ