راولپنڈی: بہانے سے پاکستان بلوائی گئی خاتون کا غیرت کے نام پر قتل
اشاعت کی تاریخ: 2nd, January 2026 GMT
راولپنڈی کے علاقے وہ کینٹ میں ایک شادی شدہ خاتون کو جمعے کے روز اس کے والد کے گھر میں فائرنگ کر کے قتل کر دیا گیا۔
یہ بھی پڑھیں: اسلام میں خود کو یا کسی کو قتل کرنا حرام ہے، طاہر اشرفی کا کم عمر بچی کو خود کش حملے کے لیے تیار کرنے پر ردعمل
پولیس کے مطابق یہ واقعہ مبینہ طور پر غیرت کے نام پر قتل کا ہے جس کی منصوبہ بندی مقتولہ کے شوہر اور چچا نے قطر سے فون اور ویڈیو کالز کے ذریعے کی۔
پولیس کے مطابق مقتولہ ثمیرہ عزیز اپنے شوہر کے ساتھ قطر میں مقیم تھیں تاہم ایک ہفتہ قبل 2 چچاؤں کے ہمراہ انہیں پاکستان لایا گیا جسے بعد میں ان کی بہن نے ایک بہانے کے طور پر بیان کیا۔
واقعے کی رات رشتہ دار وہ کینٹ کے علاقے لالہ زار میں واقع گھر پہنچے اور مبینہ طور پر قطر سے ویڈیو کال پر ملنے والی ہدایات پر عمل کرتے ہوئے ثمیرہ عزیز کو گولیاں مار دیں۔
سب انسپکٹر آصف اقبال خان کی جانب سے درج کی گئی ابتدائی رپورٹ (ایف آئی آر) کے مطابق ملزمان کی شناخت ولید اور اسرار کے نام سے ہوئی ہے اور وہ مقتولہ کے والد کے قریبی رشتہ دار ہیں اور فون کال پر ہدایت ملنے کے بعد گھر میں داخل ہوئے۔
مزید پڑھیے: لاڑکانہ میں پولیس نے زندگی کی بھیک مانگنے والے شہری کو سرعام قتل کردیا، دلخراش ویڈیو منظر عام پر
ایف آئی آر میں کہا گیا ہے کہ مقتولہ کے شوہر سلیمان نے ویڈیو کال پر مقتولہ کی خالہ کو ہدایت دی کہ وہ بہن کو کمرے سے باہر لے جائیں اور ملزمان کو کام مکمل کرنے دیں۔
رپورٹ کے مطابق دونوں ملزمان نے پستول نکال کر فائرنگ کی، جس کے نتیجے میں ثمیرہ عزیز موقع پر ہی جاں بحق ہو گئیں۔
پولیس کے مطابق قتل کا محرک مقتولہ کے شوہر کی جانب سے کیے گئے شکوک تھے جن کا دعویٰ ہے کہ قطر میں قیام کے دوران انہوں نے ثمیرہ عزیز کو کسی اور شخص سے فون پر بات کرتے ہوئے دیکھا تھا۔
مزید پڑھیں: اسلام آباد پولیس کی بڑی کارروائی، اغوا کے بعد قتل کا مرکزی ملزم چند گھنٹوں میں گرفتار
مقتولہ کی بہن ثنا خان جو واقعے کے وقت موجود تھیں نے پولیس کو تفصیلی بیان دیا۔ انہوں نے بتایا کہ واقعے سے قبل شام کے وقت ان کے والد عزیز محمد اور دیگر مرد رشتہ دار، جن میں وہ 2 چچا بھی شامل تھے جو ثمیرہ کو قطر سے لائے تھے، گھر میں جمع ہوئے اور بعد ازاں چلے گئے۔ اس وقت گھر میں صرف خواتین موجود تھیں۔
راولپنڈی کے سٹی پولیس آفیسر خالد ہمدانی نے واقعے کا نوٹس لیتے ہوئے قتل، غیرت کے نام پر قتل اور اعانت جرم کی دفعات کے تحت مقدمہ درج کرنے کی ہدایت کی۔ مقدمہ ریاست کی مدعیت میں درج کیا گیا ہے۔
یہ بھی پڑھیے: بلوچستان میں قتل ہونے والے شہری رحمدل فضل کے اہل خانہ کا انصاف کا مطالبہ
پولیس کے مطابق مقتولہ کے چچا امتیاز اور شوہر سلیمان اس وقت قطر میں موجود ہیں جبکہ ملزمان ولید، اسرار اور صابر کی گرفتاری کے لیے چھاپے مارے جا رہے ہیں۔ صابر کے بارے میں بتایا گیا ہے کہ وہ واقعے کے وقت دروازے پر پہرہ دے رہا تھا۔ حکام کے مطابق گرفتاریاں جلد متوقع ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
راولپنڈی میں عزت کے نام پر قتل عزت کے نام پر قتل واہ کینٹ میں عزت کے نام پر قتل.
ذریعہ
ذریعہ: WE News
کلیدی لفظ: راولپنڈی میں عزت کے نام پر قتل عزت کے نام پر قتل واہ کینٹ میں عزت کے نام پر قتل پولیس کے مطابق کے نام پر قتل مقتولہ کے گھر میں
پڑھیں:
گھوٹکی: سابق ایم پی اے شہریار شر کے بیٹے کو بازیاب کروالیا: ایس ایس پی
گھوٹکی میں ڈہرکی سے سابق رکن صوبائی اسمبلی شہریار شر کے بیٹے کو بازیاب کروالیا گیا۔
ایس ایس پی گھوٹکی انور کھیتران کا کہنا ہے کہ جہانگیر شر کو نامعلوم موٹر سائیکل سوار ملزمان نے اغوا کیا تھا۔ واقعے کی اطلاع پر پولیس اور قبیلے لوگوں نے اغوا کاروں کا تعاقب کیا۔
انہوں نے بتایا کہ بچے کو پولیس نے مقابلے کے بعد بازیاب کروا لیا تاہم اس دوران ملزمان فرار ہوگئے۔
ایس ایس پی گھوٹی کا کہنا تھا کہ اغواکاروں کی نشاندہی ہوگئی ہے، ملزمان کا تعلق بھی شر قبیلے سے ہے۔ ملزمان کی گرفتاری کے لیے تعاقب جاری ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا