پاکستانی خاندان دو تہائی آمدن خوراک اور رہائش پر خرچ کرنے پر مجبور، سروے میں انکشاف
اشاعت کی تاریخ: 2nd, January 2026 GMT
حکومت کے تازہ سروے کے مطابق پاکستانی خاندان اپنی آمدن کا تقریباً دو تہائی حصہ خوراک اور رہائش سے متعلق اخراجات پر خرچ کرنے پر مجبور ہیں، جبکہ گھریلو اخراجات پورے کرنے کے لیے بیرونِ ملک ترسیلاتِ زر اور مالی امداد پر انحصار میں نمایاں اضافہ ہوا ہے۔
وفاقی وزیر منصوبہ بندی احسن اقبال نے جمعرات کو ہاؤس ہولڈ انٹیگریٹڈ اکنامک سروے 2024-25 جاری کیا، جس میں بتایا گیا کہ مہنگائی میں اضافے کے باعث گھریلو اخراجات آمدن کے مقابلے میں زیادہ تیزی سے بڑھے ہیں۔ رپورٹ کے مطابق بڑھتی ہوئی قیمتوں نے قوتِ خرید کو شدید متاثر کیا ہے، جس کے نتیجے میں تعلیم پر خرچ ہونے والی رقم کم ہو کر صرف 2.
یہ بھی پڑھیے: مہنگائی تاریخ کی کم ترین سطح پر، معاشی اشاریے بہتری کی جانب گامزن ہیں، وزیر خزانہ
سروے کے مطابق گھریلو آمدن میں بیرونِ ملک ترسیلاتِ زر کا حصہ 5 فیصد سے بڑھ کر تقریباً 8 فیصد ہو گیا ہے، جبکہ تحائف اور مالی امداد کا تناسب دگنا ہو کر 4.6 فیصد تک پہنچ گیا، جسے غیر رسمی مالی سہارا قرار دیا گیا ہے۔
ماہرینِ معاشیات کے مطابق روزگار کے محدود مواقع کے باعث نوجوانوں کی بیرونِ ملک ہجرت میں اضافہ ہوا ہے، خصوصاً دیہی علاقوں میں ترسیلاتِ زر پر انحصار گزشتہ چھ برسوں میں دگنا ہو چکا ہے۔
رپورٹ میں بتایا گیا کہ گزشتہ 6 برسوں میں اوسط ماہانہ آمدن میں اضافہ ضرور ہوا ہے، تاہم اخراجات اس سے زیادہ تیزی سے بڑھے۔ شہری علاقوں میں اوسط آمدن 53 ہزار روپے سے بڑھ کر 96 ہزار 767 روپے ہو گئی، جبکہ مجموعی اوسط آمدن 82 ہزار 179 روپے رہی۔ اس کے مقابلے میں اوسط اخراجات 37 ہزار سے بڑھ کر 79 ہزار روپے ہو گئے۔
یہ بھی پڑھیے: سال 2025 کے دوران ملک بھر میں مہنگائی بڑھی یا کم ہوئی؟
سروے کے مطابق خوراک پر 37 فیصد اور رہائش، بجلی و گیس پر 26 فیصد اخراجات کیے گئے۔ دودھ، گندم اور چینی خوراکی اخراجات میں نمایاں رہے۔ رپورٹ میں کہا گیا کہ دوہرے ہندسوں کی مہنگائی، کرنسی کی قدر میں کمی اور آئی ایم ایف پروگرام کے تحت پالیسی اقدامات نے خاص طور پر متوسط طبقے کو متاثر کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ
ذریعہ: WE News
کلیدی لفظ: کے مطابق
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار