شیخ وقاص اکرم کے بھائی کے قافلے پر حملہ، ایک شہری جاں بحق اور 3 سیکیورٹی گارڈز زخمی
اشاعت کی تاریخ: 2nd, January 2026 GMT
پاکستان تحریک انصاف (پی ٹی آئی) کے مرکزی سیکریٹری اطلاعات شیخ وقاص اکرم کے بھائی شیخ فواد اکرم کے قافلے پر حملے میں ایک شہری جاں بحق جبکہ 3 افراد زخمی ہو گئے۔
میڈیا رپورٹس کے مطابق شیخ فواد اکرم لاری اڈا سے سرگودھا روڈ کی جانب جا رہے تھے کہ ایک نامعلوم گاڑی نے ان کی گاڑی کو ٹکر مار دی۔ اس کے بعد ٹکرانے والی گاڑی سے اترنے والے افراد نے قافلے پر اندھا دھند فائرنگ کر دی۔
یہ بھی پڑھیے: شیخ وقاص اکرم کے بھائی پر حملہ، شہری کی شہادت پر تحریک انصاف کا شدید ردعمل
رپورٹس واقعے کے نتیجے میں شیخ فواد اکرم کے 3 سیکیورٹی گارڈ زخمی ہوئے جبکہ پیٹرول پمپ کا ایک ملازم جاں بحق ہو گیا۔ حملہ آور فائرنگ کے بعد موقع سے فرار ہو گئے۔
پولیس حکام کا کہنا ہے کہ واقعے کے حوالے سے تحقیقات جاری ہیں اور جائے وقوعہ سے تمام شواہد اکٹھے کر لیے گئے ہیں۔ حکام نے وعدہ کیا ہے کہ جلد ملزمان کو گرفتار کر کے قانونی کارروائی عمل میں لائی جائے گی۔
یہ بھی پڑھیے: پی ٹی آئی آفیشل سے متعلق غلط بیانی کی گئی، شیخ وقاص اکرم کی وضاحت
واقعہ پر ردعمل دیتے ہوئے پی ٹی آئی کے رہنما اور رکن قومی اسمبلی شیخ وقاص اکرم نے سوشل میڈیا پر کہا کہ ان کے بھائی پر بزدلانہ اور منصوبہ بند حملہ کیا گیا۔
انہوں نے کہا کہ قافلے میں موجود نہتے محافظوں پر بھی فائرنگ کی گئی، جس کے نتیجے میں تین افراد زخمی ہوئے جبکہ ایک بے گناہ ملازم جاں بحق ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: شیخ وقاص اکرم کے بھائی اکرم کے
پڑھیں:
ٹانک میں پولیس چیک پوسٹ پر دہشتگرد حملہ ناکام، 12 خوارج ہلاک، 15 اہلکار و سرکاری ملازم شہید
پاک فوج کے شعبہ تعلقات عامہ (آئی ایس پی آر) نے کہا ہے کہ 23 اور 24 جولائی 2026 کی درمیانی شب ضلع ٹانک میں مشترکہ پولیس چیک پوسٹ پر بھارت کی سرپرستی میں سرگرم فتنہ الخوارج سے تعلق رکھنے والے دہشتگردوں نے حملہ کیا جسے سیکیورٹی فورسز نے بروقت اور مؤثر کارروائی کرتے ہوئے ناکام بنا دیا۔
یہ بھی پڑھیں: بنوں خودکش حملے کے بعد سیکیورٹی فورسز کا کریک ڈاؤن، 24 خوارج ہلاک
آئی ایس پی آر کے مطابق دہشتگردوں نے چیک پوسٹ کی سیکیورٹی توڑنے کی کوشش کی تاہم سکیورٹی فورسز کی مستعد اور دلیرانہ کارروائی کے نتیجے میں ان کے مذموم عزائم ناکام بنا دیے گئے۔ جوابی کارروائی کے دوران فرار ہونے والے 12 دہشتگرد ہلاک کر دیے گئے۔
بیان میں کہا گیا ہے کہ ناکامی کے بعد دہشت گردوں نے بارود سے بھری ایک گاڑی چیک پوسٹ کی حفاظتی دیوار سے ٹکرا دی جس کے نتیجے میں ہونے والے شدید دھماکے سے چیک پوسٹ کا بنیادی ڈھانچہ بری طرح متاثر ہوا۔
آئی ایس پی آر کے مطابق دھماکے کے نتیجے میں 15 افراد شہید ہوئے جن میں 12 فوجی جوان، دو پولیس اہلکار اور محکمہ جنگلات کا ایک سرکاری ملازم شامل ہیں۔
بیان کے مطابق شہدا نے وطن کے دفاع میں اپنی جانوں کا نذرانہ پیش کرتے ہوئے عظیم قربانی دی۔
مزید پڑھیے: بلوچستان: آپریشن شعبان جاری، مزید 9 خوارج ہلاک، مجموعی تعداد 88 ہوگئی
فوج کے شعبہ تعلقات عامہ نے بتایا کہ علاقے میں کلیئرنس آپریشن جاری ہے تاکہ موجود کسی بھی دہشتگرد کو ختم کیا جا سکے۔
آئی ایس پی آر نے کہا کہ وفاقی ایپکس کمیٹی کے منظور کردہ قومی ایکشن پلان کے تحت عزم استحکام کے وژن کے مطابق پاکستان کی سیکیورٹی فورسز اور قانون نافذ کرنے والے ادارے غیر ملکی سرپرستی میں ہونے والی دہشتگردی کے مکمل خاتمے کے لیے بھرپور انسداد دہشتگردی کارروائیاں جاری رکھیں گے۔
مزید پڑھیں: پاکستان دشمن گٹھ جوڑ بے نقاب، فتنہ الخوارج، بھارت اور کالعدم ایکشن کمیٹی کے روابط کے شواہد سامنے آگئے
بیان میں مزید کہا گیا کہ شہدا کی یہ عظیم قربانیاں ملک کے دفاع اور عوام کے تحفظ کے لیے سکیورٹی فورسز کے غیر متزلزل عزم کو مزید مضبوط کرتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹانک ٹانک میں پولیس چیک پوسٹ پر دہشتگرد حملہ ٹانک میں خوارج ہلاک ٹانک میں سیکیورٹی فورسز کی کارروائی خیبرپختونخوا
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم