شیخ وقاص اکرم کے بھائی پر حملہ، شہری کی شہادت پر تحریک انصاف کا شدید ردعمل
اشاعت کی تاریخ: 2nd, January 2026 GMT
پاکستان تحریک انصاف نے اپنے مرکزی سیکرٹری اطلاعات شیخ وقاص اکرم کے بھائی پر ہونے والے مسلح حملے اور ایک بے گناہ شہری کی شہادت پر شدید ردعمل کا اظہار کرتے ہوئے واقعے کی سخت الفاظ میں مذمت کی ہے۔
یہ بھی پڑھیں: پی ٹی آئی پنجاب کی تنظیم میں اکھاڑ پچھاڑ کا امکان، عالیہ حمزہ نے عندیہ دے دیا
پارٹی کے مرکزی شعبہ اطلاعات کی جانب سے جاری کردہ بیان میں پی ٹی آئی نے حملے کو بزدلانہ، منصوبہ بند اور کھلی غنڈہ گردی قرار دیا جس کے نتیجے میں ایک شہری جان سے ہاتھ دھو بیٹھا جبکہ تین افراد زخمی ہوئے۔
پی ٹی آئی کے مطابق یہ واقعہ صرف ایک فرد یا خاندان پر حملہ نہیں بلکہ پنجاب میں امن و امان سے متعلق حکومتی دعوؤں پر ایک بڑا سوالیہ نشان ہے۔
بیان میں کہا گیا کہ جس صوبے میں امن کے دعوے کیے جا رہے ہوں وہاں اس نوعیت کے واقعات حکومتی ناکامی کا واضح ثبوت ہیں۔
پاکستان تحریک انصاف نے اس امر پر بھی گہری تشویش کا اظہار کیا کہ واقعے سے قبل ممکنہ خطرات کے حوالے سے پولیس کے اعلیٰ حکام کو باقاعدہ آگاہ کیا گیا تھا، تاہم اس کے باوجود کوئی مؤثر اور پیشگی اقدام نہیں کیا گیا۔
بیان میں کہا گیا کہ ماضی میں بھی انہی شرپسند عناصر کے خلاف کارروائی کے مواقع موجود تھے، جب اسلحہ اور گاڑیاں برآمد ہونے کے باوجود ملزمان کو چھوڑ دیا گیا۔ اگر قانون پر بروقت اور بلاامتیاز عمل کیا جاتا تو آج ایک معصوم جان ضائع نہ ہوتی۔
مزید پڑھیے: پی ٹی آئی مزید کوئی مزاحمت کرنا چاہتی ہے تو کرلے، پیشگی شرائط پر مذاکرات نہیں ہوں گے، طلال چوہدری
پی ٹی آئی نے کہا کہ وزیراعلیٰ پنجاب کی جانب سے بدمعاشی اور ڈالا کلچر کے خاتمے کے دعوے زمینی حقائق سے مطابقت نہیں رکھتے۔ چند شرپسند عناصر کا مسلح ہو کر شہروں میں دندناتے پھرنا، شہریوں کو ہراساں کرنا اور سرِعام تشدد کے واقعات اس بات کا ثبوت ہیں کہ نہ صرف حکومتی رٹ کمزور ہو چکی ہے بلکہ مجرمان کو عملی طور پر کھلی چھوٹ دی جا رہی ہے جو صوبے کو ایک بار پھر خوف اور لاقانونیت کی طرف دھکیل رہی ہے۔
پارٹی نے پنجاب پولیس سے مطالبہ کیا کہ واقعے میں ملوث تمام عناصر کو فوری گرفتار کیا جائے، دستیاب سی سی ٹی وی فوٹیج اور شواہد کی بنیاد پر شفاف اور غیر جانبدار تحقیقات کی جائیں اور ذمہ داران کو قانون کے مطابق عبرتناک سزا دی جائے۔
مزید پڑھیں: وزیراعظم کی جانب سے مذاکرات کی پیشکش، پی ٹی آئی کا ردعمل سامنے آگیا
بیان میں واضح کیا گیا کہ اگر اس نازک مرحلے پر قانونی کارروائی میں تاخیر یا چشم پوشی اختیار کی گئی تو اس کے تمام تر نتائج کی ذمہ داری متعلقہ انتظامیہ اور صوبائی حکومت پر عائد ہوگی کیونکہ انصاف میں تاخیر درحقیقت انصاف سے انکار کے مترادف ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی شیخ وقاص اکرم شیخ وقاص اکرم کے بھائی پر حملہ.
ذریعہ
ذریعہ: WE News
کلیدی لفظ: پی ٹی ا ئی شیخ وقاص اکرم شیخ وقاص اکرم کے بھائی پر حملہ شیخ وقاص اکرم پی ٹی ا ئی
پڑھیں:
اٹلی میں چار پاکستانی زرعی مزدوروں کا قتل، دو پاکستانی شہری گرفتار
اسلام آباد (اُردو پوائنٹ ۔ DW اردو۔ 02 جون 2026ء) اخبار کے مطابق جلی ہوئی گاڑی امینڈولارا نامی گاؤں کے قریب ایک پٹرول پمپ پر ملی، جو کالابریا کے وسیع زرعی علاقے میں واقع ہے۔
اخبار کے مطابق پٹرول پمپ کے سی سی ٹی وی کیمروں کی فوٹیج میں دو افراد کو منی وین کے دروازے باہر سے بند کرتے اور اس کے اندر آتش گیر مائع پھینکتے ہوئے دیکھا گیا۔
رپورٹ کے مطابق اس کے بعد گاڑی میں آگ بھڑک اٹھی اور دونوں مشتبہ افراد موقع سے فرار ہو گئے۔
فائر بریگیڈ نے آگ بجھانے کے بعد گاڑی کے اندر سے چار لاشیں برآمد کیں۔
مقامی پولیس چیف نے اس اطالوی اخبار سے گفتگو کرتے ہوئے کہا، ’’یہ یقینی طور پر قتل کا واقعہ ہے، اب ہمیں صرف اس کی تفصیلات معلوم کرنا ہیں۔
(جاری ہے)
‘‘
اخبار نے مزید لکھا کہ گزشتہ چند مہینوں کے دوران اس علاقے میں پاکستانیوں کی گاڑیوں اور منی وینز کے نذر آتش کیے جانے کے 14 واقعات پیش آ چکے ہیں۔
رپورٹ کے مطابق علاقے میں تارکین وطن کے مختلف گروہوں کے درمیان زرعی کام کی تقسیم، رہائشی دستاویزات (ریذیڈنسی پیپرز)، اور رہائش کے مسائل پر کشیدگی پائی جاتی ہے، جسے ممکنہ طور پر اس واقعے کے پس منظر سے جوڑا جا رہا ہے۔
اطالوی حکام اس واقعے کی تحقیقات جاری رکھے ہوئے ہیں تاکہ اکٹھے چار افراد کے اس قتل کے محرکات اور اس کے ذمہ دار افراد کے اس جرم میں کردار کی مکمل طور پر وضاحت ہو سکے۔
ادارت: مقبول ملک
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ