آزاد کشمیر: عوامی ایکشن کمیٹی کی پھر احتجاج کی دھمکی، وزیراعظم میدان میں
اشاعت کی تاریخ: 2nd, January 2026 GMT
وزیر اعظم آزادکشمیر فیصل ممتاز راٹھور نے کہا ہے کہ جوائنٹ عوامی ایکشن کمیٹی کے ساتھ معاہدے پر 98 فیصد عملدرآمد ہو چکا ہے، ریاست کسی افراتفری کی متحمل نہیں ہو سکتی۔
مظفرآباد میں پریس کانفرنس کرتے ہوئے انہوں نے کہاکہ ریاست کے 2 ڈویژنز کے اندر عوامی اجتماعات کیے گئے اور لوگوں نے ہم پر اعتماد کیا ہے۔
یہ بھی پڑھیں: آزاد کشمیر: ایکشن کمیٹی کی تحریک کا صرف تاجروں کو فائدہ، عوام کو ڈویژنز کے نام پر تقسیم کردیا
ان کا کہنا تھا کہ عوامی ایکشن کمیٹی کے ساتھ کیے گئے معاہدے پر بتدریج عملدرآمد ہو رہا ہے۔
ہمارا کسی سے کوئی مقابلہ نہیں، ہم عوامی مسائل حل کرنے کے لیے آئے ہیں۔ ہمیں ریاست کے اندر اعتماد کو بحال کرنا ہے۔ یہ ریاست اور اس کے لوگ ہمارے اپنے ہیں، اور ریاست کسی بھی قسم کی تفریق کی متحمل نہیں ہو سکتی وزیراعظم آزاد کشمیر، فیصل ممتاز راٹھور pic.
— WE News (@WENewsPk) January 2, 2026
انہوں نے کہا کہ یہ حکومت 17 اکتوبر کو بنی اور قریباً آدھے سے زیادہ مطالبات پر عملدرآمد کیا جا چکا ہے، جس کے باعث لوگ سیاسی نظام پر اعتماد کر رہے ہیں۔
’پچھلی حکومت کے دوران عوام میں دوری آ گئی تھی، تاہم پوری ریاست کی عوام نے ہمارا بھرپور استقبال کیا۔‘
وزیر اعظم آزادکشمیر کا کہنا تھا کہ ہمارا کسی سے کوئی مقابلہ نہیں، ہم صرف اپنا کام کرنے آئے ہیں۔ پاکستان پیپلز پارٹی نے بڑے سے بڑے مسئلے کو مل بیٹھ کر حل کیا اور جو مسائل عوامی نوعیت کے تھے، وہ حل کیے گئے ہیں۔
مزید پڑھیں: آزاد کشمیر ایکشن کمیٹی آج جوڈیشل کمیشن کا مطالبہ کر رہی ہے، پہلے کیوں نہیں کیا؟ چوہدری انوار الحق
انہوں نے واضح کیا کہ ریاست کے اندر کسی بھی قسم کی افراتفری برداشت نہیں کی جائے گی اور وہی بات کی جائے گی جو حقائق پر مبنی ہو۔
فیصل ممتاز راٹھور نے بتایا کہ پورے معاہدے کے نکات پر تقریباً 98 فیصد عملدرآمد ہو چکا ہے اور جملہ مطالبات پر کام کر لیا گیا ہے۔
انہوں نے کہا کہ ریاست میں بھائی چارے کی فضا کو برقرار رکھا جائے گا اور خطے کے اندر بہتری کے لیے ہر ممکن قدم اٹھایا جائےگا۔
مزید پڑھیں:آزاد کشمیر: وفاق اور عوامی ایکشن کمیٹی کے درمیان موبائل فون سروس کی بحالی سمیت 90 فیصد معاملات طے
’وزیر اعظم ہاؤس کے دروازے کھول دیے گئے ہیں، ریاست کو آگے لے کر جانا ہمارا مقصد ہے اور ہمارے کسی وزیر نے آج تک کوئی ایسا تلخ جملہ نہیں کہا جس سے کسی کی دل آزاری ہوئی ہو۔‘
وزیر اعظم آزادکشمیر نے کہاکہ ریاست کے اندر سیاحت کی صنعت کو فروغ دیتے ہوئے ان نکات پر توجہ مرکوز کیا جائے گا جو ریاست کی ترقی کا باعث بنیں۔
واضح رہے کہ جموں و کشمیر عوامی ایکشن کمیٹی نے حکومت پر معاہدے پر عملدرآمد نہ کرنے کا الزام عائد کرتے ہوئے ایک بار پھر سڑکوں پر آنے کی دھمکی دی ہے۔
اس سے قبل جموں و کشمیرجوائنٹ ایکشن کمیٹی کی جانب سے احتجاج کے باعث ریاست میں نظام زندگی مفلوج ہو گیا تھا، اور پھر ایک معاہدے کی بنیاد پر ہڑتال ختم کی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزاد کشمیر پاکستان پیپلز پارٹی جموں و کشمیر سیاحت عوامی ایکشن کمیٹی فیصل ممتاز راٹھور ہڑتال وزیر اعظم وزیر اعظم ہاؤس
ذریعہ
ذریعہ: WE News
کلیدی لفظ: پاکستان پیپلز پارٹی سیاحت عوامی ایکشن کمیٹی فیصل ممتاز راٹھور ہڑتال وزیر اعظم ہاؤس عوامی ایکشن کمیٹی فیصل ممتاز راٹھور کہ ریاست ریاست کے انہوں نے کے اندر نے کہا
پڑھیں:
پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ
اسلام آباد:پاکستان میں اسمارٹ فون استعمال کرنے والوں کا تناسب 2024ء میں 62 فیصد سے بڑھ کر جون 2026ء میں 72 فیصد ہوگیا، وزیراعظم نے ملک بھر میں ڈیجیٹل انفراسٹرکچر مزید بہتر بنانے کی ہدایت کردی۔
ایکسپریس نیوز کے مطابق وزیراعظم کی زیر صدارت وفاقی وزارت انفارمیشن ٹیکنالوجی و ٹیلی کام کی کارکردگی پر اجلاس ہوا جس میں ادارے کی کارکردگی پر بریفنگ دی گئی۔
اجلاس میں وزیر قانون اعظم نذیر تارڑ ، وزیر اقتصادی امور احد چیمہ ، وزیر آئی ٹی شزا فاطمہ، وزیر تعلیم خالد مقبول، وزیر مملکت خزانہ بلال اظہر کیانی، گورنر اسٹیٹ بینک جمیل احمد اور متعلقہ اعلیٰ سرکاری افسران نے شرکت کی۔
وزیراعظم کو بریفنگ میں بتایا گیا کہ موبائل اسپیکٹرم کی دستیابی جون 2025ء میں 274 میگا ہرٹز سے بڑھ کر جون 2026ء میں 880 میگا ہرٹز ہوگئی، موبائل اسپیکٹرم میں اضافے سے انٹرنیٹ کی رفتار اور کنیکٹیویٹی میں نمایاں بہتری آئے گی۔
وزیراعظم کو "کنیکٹ پاکستان وژن 2030ء " کے اجراء کی تیاریوں پر بریفنگ دی گئی، بتایا گیا ہے کہ باغ، آزاد جموں و کشمیر میں سافٹ ویئر ٹیکنالوجی پارک مکمل ہو چکا ہے، پاکستان میں اسمارٹ فون استعمال کرنے والوں کا تناسب 2024ء میں 62 فیصد سے بڑھ کر جون 2026ء میں 72 فیصد ہوگیا، جون 2026ء تک 5.1 ملین گھروں میں فکسڈ براڈ بینڈ /فائبر کنکشن دئیے گئے، حکومتی اقدامات کی بدولت پچھلے مالی سال آئی ٹی کے شعبے میں ہوئی برآمدات میں فری لانسرز کا حصہ 1164.7 ملین ڈالر رہا۔
بریفنگ میں بتایا گیا کہ ڈیجیٹل نیشن پاکستان کے تحت حکومت پاکستان کی 130 سروسز کو ڈیجیٹائز کیا جا چکا ہے، پچھلے مالی سال آئی ٹی کے شعبے میں 942,646 تربیتی سرٹیفکیٹس دیئے گئے جن میں 5053 ہائے اینڈ تربیتی پروگرام منعقد ہوئے ؛ لیڈرشپ اور سافٹ اسکلز کی 2700 ٹرینینگز کا انعقاد ہوا، ویمن انوویشن اینڈ اسٹارٹ اپ ایمپاورمنٹ لیب کے منصوبہ کا افتتاح جلد ہی ہوگا۔
وزیراعظم کو بتایا گیا کہ چینی کمپنی علی بابا کے ساتھ مفاہمتی یادداشت کے تحت وفاقی حکومت کی کئی وزارتوں اور اداروں میں مصنوعی ذہانت کی نفاذ اور اس حوالے سے کئی منصوبے اور تربیتی سیشنز منعقد کئے جا رہے ہیں۔
بتایا گیا کہ سیکیورٹی اینڈ ایکسچینج کمیشن، وزارت ریلوے، اسٹیٹ بینک آف پاکستان، فیڈرل بورڈ آف ریونیو، آئل اینڈ گیس ریگولیٹری اتھارٹی، وزارت قومی غذائی تحفظ ، اسمال اینڈ میڈیم انٹرپرائزز ڈویلپمنٹ اتھارٹی، پاکستان سنگل ونڈو، وزارت قومی غذائی تحفظ، ڈرگ ریگولیٹری اتھارٹی آف پاکستان، پاکستان پوسٹ، وفاقی ترقیاتی ادارہ، وزارت بحری امور اور ہائیر ایجوکیشن کمیشن میں علی بابا مصنوعی ذہانت کے کئی منصوبوں پر کام کر رہی ہے۔
وزیراعظم نے پاکستان کی سالانہ آئی ٹی برآمدات 21 فیصد اضافے کے ساتھ 4.6 ارب امریکی ڈالر تک پہنچنے پر وزیر انفارمیشن ٹیکنالوجی اور تمام ٹیم کی پذیرائی کی۔
وزیراعظم نے کہا کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے لئے جانے والے اقدامات پالیسیوں کا ثمر ہے، ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے، آئی ٹی کے شعبے میں دیئے جانے والے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
وزیراعظم نے ملک بھر میں ڈیجیٹل انفراسٹرکچر مزید بہتر بنانے کی ہدایت کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا