رانی مکھر جی کے مداحوں کے لیے خوشخبری؛ کس فلم میں جلوہ گر ہوں گی
اشاعت کی تاریخ: 2nd, January 2026 GMT
بالی ووڈ کی منفرد آواز کی مالک خوبصورت اور منجھی ہوئی اداکارہ رانی مکھر جی بہت جلد پردۂ اسکرین پر جلوے بکھیرتے نظر آئیں گی۔
بالی ووڈ میں ایک بار پھر ’’او مائی گاڈ‘‘ کا شور سنائی دینے والا ہے کیونکہ اکشے کمار کی اس بلاک بسٹر اور سب سے زیادہ پسند کی جانے والی فلم کے تیسرے سیکوئل کی تیاری شروع کردی گئی۔
اس بار کہانی میں صرف سوال نہیں ہوں گے بلکہ ایک مضبوط، باوقار اور چونکا دینے والا کردار بھی شامل ہونے جا رہا ہے اور وہ کردار نبھائیں گی رانی مکھرجی۔
بھارتی میڈیا کے مطابق ’’او مائی گاڈ 3‘‘ میں رانی مکھرجی کی انٹری کو محض ایک کاسٹنگ نہیں بلکہ کہانی کا گیم چینجر قرار دیا جا رہا ہے۔
کہا جا رہا ہے کہ رانی کا کردار نہ صرف مضبوط ہوگا بلکہ فلم کے سماجی اور اخلاقی پیغام کو مزید گہرائی دے گا۔ ان کی موجودگی سے کورٹ روم ڈرامہ مزید سنجیدہ، اثر انگیز اور جذباتی ہونے کا امکان ہے۔
فلم کی ہدایت کاری ایک بار پھر امیت رائے کے ہاتھ میں ہوگی جنہوں نے پہلے دو حصوں میں مذہب، سماج اور سوالات کو تفریح کے ساتھ جوڑ کر شائقین اور ناقدین کو متاثر کیا تھا۔
اس بار ہدایت کار کا دعویٰ ہے کہ او ایم جی 3 نہ صرف پچھلے حصوں سے بڑی ہوگی بلکہ زیادہ بولڈ اور متعلقہ موضوعات کو چھیڑے گی۔
او ایم جی کے پہلے دو حصے کورٹ روم ڈرامے، طنز، سماجی سوالات اور مذہبی تصورات پر مکالمے کی وجہ سے بے حد مقبول رہے۔
اکشے کمار نے ان فلموں میں ایک علامتی اور غیر روایتی انداز میں بھگوان کا کردار ادا کیا، جس نے عوام کو سوچنے پر مجبور کر دیا۔
یہی وجہ ہے کہ او ایم جی کو اکشے کمار کے کیریئر کی سب سے مضبوط فرنچائزز میں شمار کیا جاتا ہے۔
او ایم جی 3 میں اکشے کمار اور رانی مکھرجی کی جوڑی شائقین کے لیے خاص کشش رکھتی ہے۔ دونوں اداکار سنجیدہ اور مضبوط کرداروں کے لیے جانے جاتے ہیں اور اگر عدالت کے کٹہرے میں یہ دونوں آمنے سامنے آئے تو مکالموں کی چنگاریاں اُڑنا طے ہے۔
ذرائع کے مطابق فلم کی پری پروڈکشن 2026 کے وسط میں شروع ہونے کا امکان ہے جبکہ شوٹنگ کے شیڈول اور ریلیز ڈیٹ پر جلد باضابطہ اعلان متوقع ہے۔
.
ذریعہ
ذریعہ: Express News
کلیدی لفظ: اکشے کمار او ایم جی
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
بھارت سے جنگ اور افغانستان میں کارروائی خارج ازامکان نہیں، وزیردفاع