سندھ میں پہلی بار تمام امتحانی بورڈز کا مشترکہ اوریکساں امتحانی معیار نافذ
اشاعت کی تاریخ: 2nd, January 2026 GMT
کراچی:
سندھ میں پہلی بار تمام امتحانی بورڈز کے لیے مشترکہ اور یکساں امتحانی معیار نافذ کر دیا گیا ہے، جس کے تحت انگریزی، ریاضی، فزکس، کیمسٹری اور بیالوجی کے امتحانات ایک ہی فریم ورک کے مطابق لیے جائیں گے۔
سندھ کے محکمہ اسکول ایجوکیشن نے صوبائی وزیر سید سردار عمی شاہ کی یونیفارم امتحانی نصاب (Uniform Examination Syllabus – UES) کی باضابطہ منظوری کے بعد اس کے نفاذ کے لیے این او سی بھی جاری کر دیا گیا ہے۔
اس حوالے سے بتایا گیا ابتدائی مرحلے میں جماعت نہم اور دہم کے لیے ڈائریکٹوریٹ آف کریکیولم، اسیسمنٹ اینڈ ریسرچ، سندھ (DCAR) کے جائزہ اور تجاویز کے بعد یونیفارم امتحانی نصاب نافذ کیا گیا ہے اور ٹیبل آف اسپیسیفکیشن کے تحت امتحانی پرچوں کی تیاری کی جائے گی۔
وزیر تعلیم سندھ سید سردار علی شاہ نے کہا کہ اب امتحانات نصابی کتب کے بجائے منظور شدہ یو ای ایس کی بنیاد پر لیے جائیں گے، جس کے تحت صوبے کے تمام تعلیمی بورڈز ایک ہی امتحانی معیار اور فریم ورک کے مطابق سوالیہ پرچے ترتیب دیں گے۔
انہوں نے کہا کہ اس اقدام سے بورڈز کے درمیان فرق ختم ہوگا اور کسی بورڈ کو مشکل یا آسان قرار دینے کا تاثر بھی زائل ہو جائے گا۔
سید سردار علی شاہ نے کہا کہ نیا امتحانی نظام رٹہ سسٹم کے بجائے فہم، اطلاق اور تنقیدی سوچ پر مبنی ہوگا، جس سے طلبہ کی حقیقی سیکھنے کی صلاحیتوں کا جائزہ لیا جا سکے گا۔
انہوں نے کہا کہ جدید اسیسمنٹ نظام کے نفاذ سے نہ صرف امتحانی معیار بہتر ہوگا بلکہ شفافیت اور یکسانیت کو بھی فروغ ملے گا۔
صوبائی وزیر تعلیم کے مطابق امتحانی اصلاحات کے ساتھ ساتھ اسٹوڈنٹ لرننگ آؤٹ کمز پر خصوصی توجہ دی جا رہی ہے جبکہ اساتذہ کی پیشہ ورانہ تربیت کے نظام کو بھی مزید مؤثر بنایا جا رہا ہے تاکہ اصلاحات کے عملی نتائج سامنے آسکیں۔
انہوں نے کہا کہ یہ اصلاحات مستقبل کے تقاضوں سے ہم آہنگ تعلیمی نظام کی بنیاد رکھیں گی اور نئی پالیسی کے تحت طلبا و طالبات کی صلاحیتوں کا درست اور منصفانہ اندازہ ممکن ہوگا۔
وزیرتعلیم نے امید ظاہر کی کہ یہ اقدام صوبے میں ایک مضبوط، شفاف اور قابل اعتماد امتحانی نظام کے قیام میں سنگ میل ثابت ہوگا۔
محکمہ اسکول ایجوکیشن کے مطابق یونیفارم امتحانی نصاب کا اطلاق فی الحال جماعت نہم اور دہم تک محدود رکھا گیا ہے جبکہ جماعت گیارھویں اور بارھویں کے لیے نصاب ڈائریکٹوریٹ آف کریکیولم، اسیسمنٹ اینڈ ریسرچ، سندھ کے جائزے اور سفارشات کی روشنی میں آئندہ مرحلے میں نافذ کیا جائے گا۔
.
ذریعہ
ذریعہ: Express News
کلیدی لفظ: امتحانی معیار نے کہا کہ کے مطابق گیا ہے کے تحت کے لیے
پڑھیں:
سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، شرجیل میمن
فائل فوٹو
وزیر اطلاعات سندھ شرجیل میمن کا کہنا ہے کہ سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، گریڈ ایک سے 16 تک ملازمین کا سفری الاؤنس بڑھا دیا گیا ہے۔
سندھ کابینہ اجلاس کے بعد پریس کانفرنس کرتے ہوئے شرجیل میمن نے کہا کہ سندھ کابینہ کے اجلاس میں اہم فیصلے کیے گئے ہیں، گورنر ہاؤس اور وزیراعلیٰ ہاؤس اسٹاف کی ہیلتھ انشورنس میں چھ ماہ کی توسیع کی ہے، معیشت، سرمایہ کاری، مالیات، آبی وسائل سے متعلق مختلف ٹاسک فورسز تشکیل دی ہیں، موسمیاتی تبدیلی اور آرٹیفیشل انٹیلیجنس سے متعلق مختلف ٹاسک فورسز تشکیل دی ہیں۔
شرجیل میمن نے کہا کہ سندھ کابینہ نے گٹکا اور مین پوری کے خلاف سخت کریک ڈاؤن کی منظوری دی ہے، گٹکا ماوا کیخلاف کارروائی نارکوٹکس کنٹرول کا محکمہ کرے گا، قانون سازی کر رہے ہیں۔
شرجیل میمن نے کہا کہ ملازمین عملی کام کے بجائے یونٹ، سیکٹر دفاتر میں بیٹھے رہتے تھے، صحافی ولی خان بابر نے ایسے معاملات کی رپورٹنگ کی تھی بعد میں انھیں قتل کر دیا گیا۔
صوبائی وزیر نے کہا کہ ہم چاہتے ہیں کہ زراعت کے شعبے کو نقصان نہ ہو، قانون میں گندم کی ترسیل روکنے کی ممانعت ہے، پنجاب نے گندم کی ترسیل روکی ہوئی ہے، پنجاب نے گندم کی ترسیل کیلئے بارڈر سیل کیے ہیں، ہم مذمت کرتے ہیں، گندم کی فصل بہت اچھی ہوئی، سندھ میں کچھ لوگوں نے گندم کی ذخیرہ اندوزی کر رکھی ہے۔
شرجیل میمن نے کہا کہ سندھ حکومت پانچ لاکھ میٹرک ٹن گندم امپورٹ کرے گی، پاسکو سے بھی گندم خریدی جائے گی، ان اقدامات سے گندم ذخیرہ کرنے والوں کو بہت نقصان ہوگا، ناردرن بائی پاس پر 4 سو ایکڑ پر ٹرک اسٹینڈ بنانے جارہے ہیں۔
شرجیل میمن نے کہا کہ افسوس کی بات ہےان دونوں رہنماؤں نے آئین اور قانون کا سنجیدہ مطالعہ نہیں کیا، مطالعہ کرتے تو اس نوعیت کے غیر ذمہ دارانہ بیانات دینے سے گریز کرتے۔
صوبائی وزیر نے مزید کہا کہ مون سون کے موقع پر تمام اداروں کو الرٹ جاری کر دیا گیا ہے، کے پی کے اور پنجاب میں بارشوں سے اموات ہوئی ہیں، حیرت کی بات ہے ہمارے میڈیا نے پر اس پر خاموشی رکھی ہوئی ہے۔
انہوں نے مزید کہا کر بارش سے پنجاب کے دیہی اور شہری علاقوں کے حالات خراب ہیں، ملک بھر میں بارشوں سے بہت تباہی ہوئی ہے، پنجاب میں بارشوں سے 17 افراد جاں بحق ہوئے، خیبر پختونخوا میں بارشوں سے 20 افراد جان کی بازی ہار گئے ہیں۔
شرجیل میمن نے کہا کہ کشمیر میں انتخابات چل رہے ہیں، کشمیر انتخابات میں مسلم لیگ ن ضابطہ اخلاق کی خلاف ورزی کررہی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار