اسحاق ڈار کا سعوی وزیر خارجہ سے ٹیلی فونک رابطہ، خطے کی صورتحال پر تبادلہ خیال
اشاعت کی تاریخ: 3rd, January 2026 GMT
اسلام آباد (خبر نگار خصوصی) نائب وزیراعظم و وزیر خارجہ سینیٹر محمد اسحاق ڈار کی زیر صدارت پاکستان ایران دوطرفہ تعلقات کے حوالے سے بین الوزارتی اجلاس ہوا۔ مختلف شعبوں میں جاری تعاون کا جائزہ لیا گیا اور اقتصادی اور تجارتی تعلقات کو مزید بڑھانے کے طریقوں پر تبادلہ خیال کیا گیا۔ نائب وزیر اعظم نے ایران کے ساتھ تعلقات کو وسعت دینے کیلئے پاکستان کے عزم کا اعادہ کیا۔ اجلاس میں وفاقی وزیر پٹرولیم علی پرویز ملک، وزیر اعظم کے معاون خصوصی طارق باجوہ، سیکرٹری خارجہ آمنہ بلوچ، سیکرٹری پٹرولیم اور وزارت خارجہ اور دیگر متعلقہ وزارتوں کے اعلیٰ حکام نے شرکت کی۔ دریں اثناء چینی کی قیمتوں سے متعلق اجلاس میں نائب وزیراعظم نے چینی کے سٹاک کی پوزیشن اور قیمتوں میں کمی کے رجحان پر اطمینان کا اظہار کیا۔ انہوں نے تمام متعلقہ اداروں کو ہدایت کی کہ کاشتکاروں کو گنے کی مناسب قیمت ملنی چاہیے۔ نائب وزیراعظم و وزیر خارجہ سینیٹر محمد اسحاق ڈار کی زیر صدرات کابینہ کمیٹی کا اجلاس ہوا جس میں اسلام آباد انٹرنیشنل ایئرپورٹ کی آئوٹ سورسنگ سے متعلق امور کا جائزہ لیا گیا۔ وزارت دفاع کی جانب سے اسلام آباد انٹرنیشنل ایئرپورٹ کی آئوٹ سورسنگ پر تفصیلی بریفنگ دی گئی۔ دریں اثناء نائب وزیراعظم اسحاق ڈار نے بنگلہ دیش کے ہائی کمشن کا دورہ کیا اور سابق وزیراعظم بنگلہ دیش خالدہ ضیاء کے انتقال پر اظہار تعزیت کیا۔ اسحاق ڈار نے مرحومہ کے ایصال ثواب کیلئے فاتحہ خوانی کی۔ قائم مقام بنگلہ دیشی ہائی کمشنر نے نائب وزیراعظم اسحاق ڈار سے اظہار تشکر کیا۔اسحاق ڈار نے آذربائیجان کے وزیر معیشت میکائل جباروف سے ٹیلی فونک رابطہ کیا اور پاکستان میں آذربائیجان کی جانب سے دو ارب ڈالر کی سرمایہ کاری کے عملی نفاذ پر تفصیلی تبادلہ خیال کیا۔ دریں اثناء وزارت خارجہ کے دورے پر آئے 53ویں کامن ٹریننگ پروگرام کے پروبیشنری افسروں نے اسحاق ڈار سے ملاقات کی۔ وفد کی قیادت ڈائریکٹر جنرل سول سروسز اکیڈمی لاہور نے کی۔ دریں اثناء نائب وزیراعظم و وزیر خارجہ اسحاق ڈار اور سعودی وزیر خارجہ فیصل بن فرحان کے درمیان ٹیلی فونک رابطہ ہوا۔ خطے کی صورتحال پر تبادلہ خیال کیا۔ اسحاق ڈار نے کہا کہ تمام فریق کسی بھی قسم کے اشتعال انگیز اقدام سے گریز کریں۔ خطے کے امن کیلئے مسائل کو بات چیت اور سفارتکاری سے حل کریں۔
.
ذریعہ
ذریعہ: Nawaiwaqt
کلیدی لفظ: اسحاق ڈار نے تبادلہ خیال دریں اثناء
پڑھیں:
پائیدارمعاشی ترقی کیلئے صنعت وپیداوار اور بیرونی سرمایہ کاری میں اضافہ ناگزیر ہے، وزیر اعظم
اسلام آباد، وزیراعظم شہباز شریف(shahbaz shrif) نے ملکی معیشت کی پائیدارترقی کیلئے صنعت وپیداوار کا فروغ اور بیرونی سرمایہ کاری میں اضافہ ناگزیر قرار دیا ہے۔ کہا برآمدات بڑھانے کے لیے مؤثر پالیسی اقدامات حکومت پالیسی ترجیحات کا حصہ ہیں۔
وزیراعظم شہباز شریف نے اسلام آباد میں ملکی معیشت پر اہم اجلاس کی صدارت کرتے ہوئے کہا کہ تمام اصلاحات اور اقدامات میں انتظامی شفافیت اوربہترین کارکردگی حکومت کی اولین ترجیح ہے۔
صنعت و تجارت اور معیشت کے مختلف شعبہ جات میں اصلاحات طویل المدتی معاشی افادیت اور عوامی فلاح پر مرکوز ہونا چاہیے۔
وزیراعظم نے کہا توانائی کی بچت اور سستی ٹرانسپورٹ کی ملکی ضروریات پوری کرنے کے لئے جامع اور موثر الیکٹرک وہیکلز پالیسی وقت کی اہم ضرورت ہے۔
مزید پڑھیں:مئی ، 3161 نئی کمپنیاں رجسٹرڈ، مجموعی تعداد 297,239 ہو گئی، ایس ای سی پی
وزیراعظم نے مختلف شعبوں میں جدید ٹیکنالوجی کی شمولیت کے لئے تمام وزارتوں اور ماہرین کو بامعنی مشاورت یقینی بنانے کی ہدایت بھی کی۔
وزارت آئی ٹی نے 1.67 ارب روپے سے زاید کے فنڈز طلب کرلیے