پاکستانی خاتون سے ملاقات میں میئر نیویارک ظہران ممدانی کی آنکھیں نم
اشاعت کی تاریخ: 3rd, January 2026 GMT
data-id="863a0a8" data-element_type="widget" data-widget_type="theme-post-content.default">
نیویارک کے نومنتخب میئر ظہران ممدانی نے پاکستان سے اپنی محبت اور وابستگی کا برملا اظہار کرتے ہوئے لاہور کی خوبصورتی کو کھلے الفاظ میں سراہا ہے۔
خبر رساں اداروں کے مطابق حلف برداری کے بعد ایک ملاقات کے دوران ان کا کہنا تھا کہ انہیں ایک بار لاہور جانے کا موقع ملا تھا اور یہ شہر دنیا کے خوبصورت ترین شہروں میں شمار ہوتا ہے۔ ان کے اس بیان کو نہ صرف پاکستانی عوام بلکہ بیرون ملک مقیم پاکستانیوں کی جانب سے بھی بے حد سراہا جا رہا ہے، جو اسے پاکستان کے مثبت تشخص کے لیے ایک خوش آئند پیش رفت قرار دے رہے ہیں۔
میئر نیویارک ظہران ممدانی کا یہ اعتراف اس وقت سامنے آیا جب حلف لینے کے بعد ان کی ملاقات لاہور سے تعلق رکھنے والی ایک پاکستانی خاتون ثمینہ سے ہوئی۔ اس ملاقات کو ایک علامتی لمحہ قرار دیا جا رہا ہے، جو اس حقیقت کی عکاسی کرتا ہے کہ بیرون ملک مقیم پاکستانی درحقیقت پاکستان کے غیر سرکاری مگر حقیقی سفیر ہیں، جو دنیا بھر میں اپنے وطن کا مثبت چہرہ پیش کرتے ہیں۔
پاکستانی خاتون ثمینہ نے اس موقع پر ظہران ممدانی کو نیویارک کا میئر منتخب ہونے پر دلی مبارکباد پیش کی اور ان کے رویے اور عوام کے لیے ہمدردی کو قابلِ تقلید قرار دیا۔
ثمینہ کا کہنا تھا کہ ایک ایسی دنیا میں جہاں لوگ باہم متحد نہیں اور نفرتیں بڑھ رہی ہیں، ظہران ممدانی جیسے رہنما لوگوں کے دلوں میں نرمی اور یکجہتی پیدا کر رہے ہیں۔ انہوں نے کہا کہ آپ جیسے لوگ مشکل وقت میں امید اور روشنی کی کرن بن کر سامنے آتے ہیں، جو عوام کو حوصلہ اور اعتماد دیتے ہیں۔
پاکستانی خاتون کے مطابق جب وہ نیویارک سے باہر سفر کرتی ہیں تو لوگوں کے چہروں پر خوشی اور اطمینان دیکھ کر محسوس ہوتا ہے کہ شہر کا مجموعی ماحول مثبت سمت میں بدل رہا ہے۔
گفتگو کے دوران ثمینہ نے میئر نیویارک سے کہا کہ آپ کی قیادت کی وجہ سے نیویارک کی خوبصورتی دوبالا ہو چکی ہے اور آپ جیسے لوگ اللہ تعالیٰ کی طرف سے ایک نعمت اور تحفہ ہیں۔ ان جذباتی الفاظ نے ماحول کو مزید اثر انگیز بنا دیا اور اسی دوران ظہران ممدانی جذبات پر قابو نہ رکھ سکے اور آبدیدہ ہو گئے۔ ان لمحات کو وہاں موجود افراد نے انسانیت، خلوص اور باہمی احترام کی خوبصورت مثال قرار دیا۔
ظہران ممدانی نے اس ملاقات کے دوران پاکستان، پاکستانی عوام اور بالخصوص لاہور کے بارے میں خوشگوار یادوں کا ذکر کرتے ہوئے کہا کہ لاہور کا ثقافتی حسن، لوگوں کی مہمان نوازی اور تاریخی ورثہ انہیں آج بھی یاد ہے۔ انہوں نے کہا کہ ایسے شہر انسان کے دل میں ہمیشہ کے لیے جگہ بنا لیتے ہیں۔
.
ذریعہ
ذریعہ: Jasarat News
کلیدی لفظ: پاکستانی خاتون کہا کہ
پڑھیں:
امریکا کی 250 ویں سالگرہ 5 روزہ نمائش، آزادی کے تصور پر پاکستانی آرٹسٹس کے فن پارے توجہ کا مرکز
امریکی سفارت خانے نے امریکا کی آزادی کے 250 سال مکمل ہونے کی تقریبات کے سلسلے میں جمعرات کو اسلام آباد میں ’لیٹ فریڈم رنگ‘ کے عنوان سے ’لبرٹی بیل‘ نمائش کا افتتاح کر دیا۔
نمائش میں ملک بھر سے تعلق رکھنے والے 16 پاکستانی فنکاروں کے تیار کردہ منفرد فن پارے پیش کیے گئے ہیں، جن میں ہر فنکار نے اپنے انداز میں ‘آزادی’ کے تصور کو اجاگر کیا ہے۔
یہ بھی پڑھیں:گورنر خیبرپختونخوا سے امریکی ناظم الامور کی ملاقات، سرمایہ کاری اور ترقیاتی تعاون بڑھانے پر اتفاق
نمائش کا افتتاح لوک ورثہ میوزیم میں منعقدہ تقریب میں امریکی ناظم الامور اینڈی ہیلس اور وفاقی وزیر برائے قومی ورثہ و ثقافت اورنگزیب خان کچھی نے مشترکہ طور پر کیا۔
پاکستانی فنکاروں نے ‘آزادی’ کی نئی تعبیر پیش کیامریکی سفارت خانے کے مطابق یہ منصوبہ پاکستان میں امریکی مشن کے پبلک ڈپلومیسی سیکشن نے اپنے ‘لنکن کارنرز’ نیٹ ورک کے ذریعے ترتیب دیا، جس میں ملک کے مختلف حصوں سے تعلق رکھنے والے 16 فنکاروں کو شریک کیا گیا۔
Federal Minister for NH&C Aurangzeb Khan Khichi and U.S. Chargé d’Affaires Andy Halus on Thursday jointly inaugurated the “Let Freedom Ring” American Liberty Bell display at Lok Virsa Heritage Museum, celebrating the enduring cultural partnership between Pakistan & United States pic.twitter.com/3uqKCelXK9
— National Heritage and Culture Division (@DivisionCulture) July 23, 2026
ہر فنکار سے ایک ہی سوال پوچھا گیا کہ ’میرے لیے آزادی کیا معنی رکھتی ہے؟ ’اس سوال کے جواب میں فنکاروں نے ’لبرٹی بیل‘ کے منفرد ڈیزائن تخلیق کیے، جو پاکستانی نقطۂ نظر سے آزادی کے تصور کی عکاسی کرتے ہیں۔
نمائش 5 روز تک جاری رہے گی‘لیٹ فریڈم رنگ’ نمائش 23 سے 27 جولائی تک اسلام آباد کے 2 نمایاں ثقافتی مراکز، لوک ورثہ میوزیم اور پاکستان مونومنٹ میوزیم میں جاری رہے گی۔
امریکی سفارت خانے نے شہریوں کو دعوت دی ہے کہ وہ اس 5 روزہ نمائش کے دوران دونوں مقامات کا دورہ کریں اور فن پاروں کا مشاہدہ کریں۔
امریکا اور پاکستان کے مشترکہ اقدار پر زورتقریب سے خطاب کرتے ہوئے امریکی ناظم الامور اینڈی ہیلس نے کہا کہ ‘لبرٹی بیل’ آزادی، اظہارِ رائے اور بہتر مستقبل کی امید کی علامت ہے۔
أعلنت السفارة الأمريكية في إسلام آباد عن افتتاح معرض ليت فريدوم رينغ في متحف لوك ورثه ومتحف النصب التذكاري الباكستاني، وذلك ضمن الاحتفالات العالمية بمرور ٢٥٠ عامًا على إعلان الاستقلال الأمريكي.
شارك في الافتتاح القائم بالأعمال الأمريكي آندي هيلز ووزير التراث الوطني والثقافة… pic.twitter.com/EcPOSXchyu
— WE News | بالعربية (@WENewsArabic) July 23, 2026
ان کا کہنا تھا کہ پاکستان اور امریکا دونوں معاشروں میں فن، تخلیقی اظہار اور بہتر دنیا کے تصور کو اہمیت دی جاتی ہے۔
لوک ورثہ کئی دہائیوں سے پاکستان کی ثقافتی شناخت کو محفوظ رکھنے میں اہم کردار ادا کر رہا ہے۔ انہوں نے کہا کہ آج اس تاریخی مقام پر امریکا کی آزادی کی داستان کو بھی پیش کرنا باعثِ فخر ہے۔
ثقافتی تبادلوں سے تعلقات مضبوط بنانے پر زوروفاقی وزیر برائے قومی ورثہ و ثقافت اورنگزیب خان کچھی نے اس اقدام کا خیرمقدم کرتے ہوئے کہا کہ پاکستان اور امریکا کے درمیان ثقافتی تبادلے دونوں ممالک کے تعلقات کو مزید مستحکم بنانے میں اہم کردار ادا کرتے ہیں۔
مزید پڑھیں:نائب وزیراعظم اسحاق ڈار سے قائم مقام امریکی ناظم الامور کی ملاقات، خطے کی صورتحال پر تبادلہ خیال
انہوں نے اس نمائش کو دونوں ممالک کے درمیان دیرینہ تعلقات اور باہمی تعاون کی ایک مثبت مثال قرار دیا۔
امریکا 2026 میں اپنے اعلانِ آزادی کی 250 ویں سالگرہ منا رہا ہے۔ اسی مناسبت سے دنیا بھر میں امریکی سفارت خانے اور سفارتی مشنز کے زیرِ اہتمام ‘فریڈم 250’ کے عنوان سے مختلف تقریبات، نمائشوں اور ثقافتی پروگراموں کا انعقاد کیا جا رہا ہے۔
اسلام آباد میں منعقد کی جانے والی ‘لیٹ فریڈم رنگ’ مہم بھی اسی عالمی پروگرام کا حصہ ہے، جس کا مقصد آزادی، اختراع، تخلیقی اظہار اور ثقافتی روابط کو فروغ دینا ہے۔
اس نمائش کے ذریعے پاکستانی فنکاروں کو اپنے فن کے ذریعے آزادی کے تصور کو پیش کرنے کا موقع فراہم کیا گیا، جسے پاکستان اور امریکا کے درمیان ثقافتی تعاون کی ایک اہم پیش رفت قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزادی افتتاح لوک ورثہ میوزیم امریکا امریکی سفارتخانہ امریکی ناظم الامور اینڈی ہیلس پاکستان ثقافتی تبادلہ فنکاروں لبرٹی بیل لیٹ فریڈم رنگ مونومنٹ میوزم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار