پنجاب اسمبلی کی پبلک اکاؤنٹس کمیٹی ون کے اجلاسوں کا شیڈول جاری
اشاعت کی تاریخ: 3rd, January 2026 GMT
پنجاب اسمبلی نے پبلک اکاؤنٹس کمیٹی ون کے آئندہ اجلاسوں کا باقاعدہ شیڈول جاری کر دیا ہے، جن میں مختلف محکموں کے آڈٹ اعتراضات کا تفصیلی جائزہ لیا جائے گا۔
پنجاب اسمبلی کی پبلک اکاؤنٹس کمیٹی ون کے اجلاس 6، 7 اور 8 جنوری کو منعقد ہوں گے۔ تمام اجلاس صبح گیارہ بجے شروع ہوں گے اور کمیٹی روم نمبر 3، نیو اسمبلی بلڈنگ لاہور میں ہوں گے۔
یہ بھی پڑھیں:پنجاب اسمبلی کے حلقہ پی پی 289 میں ن لیگ کے امیدوار اسامہ عبدالکریم بلامقابلہ منتخب
6 اور 7 جنوری کو محکمہ ہائر ایجوکیشن اور اس کے ماتحت اداروں کے آڈٹ اعتراضات زیر بحث آئیں گے، جبکہ ہائر ایجوکیشن ڈیپارٹمنٹ کے 2022-23 کے سول آڈٹ پیراز کا جائزہ لیا جائے گا۔
پبلک اکاؤنٹس کمیٹی کے 8 جنوری کے اجلاس میں بورڈ آف ریونیو پنجاب کے آڈٹ اعتراضات پر غور کیا جائے گا، جس میں بورڈ آف ریونیو کے 2022-23 کے آڈٹ پیراز کا جائزہ شامل ہے۔
نوٹیفکیشن کے مطابق پبلک اکاؤنٹس کمیٹی نے متعلقہ سیکریٹریز اور افسران کو ذاتی طور پر اجلاس میں پیش ہونے کی ہدایت کی ہے، جبکہ آڈٹ اعتراضات سے متعلق افسران کی حاضری لازمی قرار دی گئی ہے۔
یہ بھی پڑھیں:وزیراعلیٰ پنجاب کی توہین قابل مذمت ہے، اسپیکر پنجاب اسمبلی
تمام محکموں کو ہدایت دی گئی ہے کہ وہ اجلاس سے قبل 50 ورکنگ پیپرز جمع کرائیں۔ نوٹیفکیشن کے مطابق ورکنگ پیپرز آڈٹ رپورٹس، بیلنس شیٹس اور آڈیٹر رپورٹس کے ساتھ پیش کرنا ہوں گے، جبکہ تمام دستاویزات کا محکمہ کے سربراہ سے تصدیق شدہ ہونا لازم ہے۔
اس کے علاوہ پبلک اکاؤنٹس کمیٹی نے فنانس ڈیپارٹمنٹ، آڈیٹر جنرل اور اکاؤنٹنٹ جنرل پنجاب کو بھی ورکنگ پیپرز بھجوانے کی ہدایت کی ہے۔
اجلاس کی صدارت پبلک اکاؤنٹس کمیٹی ون کی چیئرپرسن چوہدری افتخار چھچھر کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پبلک اکاؤنٹس کمیٹی ون پنجاب اسمبلی.
ذریعہ
ذریعہ: WE News
کلیدی لفظ: پبلک اکاؤنٹس کمیٹی ون پنجاب اسمبلی پبلک اکاؤنٹس کمیٹی ون آڈٹ اعتراضات پنجاب اسمبلی کے آڈٹ ہوں گے
پڑھیں:
حضرت داتا گنج بخش ؒ کا سالانہ عرس; انتظامات کے حوالے سے خصوصی اجلاس
سٹی 42: خصوصی مشیر وزیر اعلیٰ علی ڈارکی زیر صدارت خصوصی اجلاس ہوا۔ جس میں علی ڈار نے داتاؒ دربار عرس کیلئے انتظامات کا تفصیلی جائزہ لیا
صوبائی وزیر بلال یاسین، وائس چیئرمین ایل ڈی اے میاں مرغوب احمد شریک ہوئے ۔ سیکرٹری اوقاف ڈاکٹر احسان بھٹہ، ڈپٹی کمشنر لاہور محمد علی اعجاز،ڈی آئی جی آپریشنز فیصل کامران، ڈی جی ایل ڈی اے طاہر فاروق و دیگر شریک ہوئے ۔
بریفنگ میں بتایا گیا کہ حضرت داتا گنج بخش ؒ کا تین روزہ سالانہ عرس 2 تا4 اگست کو منعقد ہوگا،خطیب داتا ؒدربار مولانا ندیم مختار نے سیرت و صوفی کانفرنسز سے متعلق آگاہ کیا۔محافل، قرأت اور نعت خوانی کے مقابلوں کے انعقاد سے متعلق بریفنگ دی گئی۔
علی ڈار نے کہا داتاؒ دربار تعمیراتی منصوبہ عہد ساز اور تاریخی نوعیت کا حامل ہے،عرس میں دنیا بھر سے زائرین حاضری کی سعادت حاصل کریں گے،زیرِ تعمیر انڈر پاس اور متعلقہ سڑکیں عرس سے قبل کھولی جائیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی