ٹی ٹوئنٹی ورلڈکپ: پاکستان نے ابتدائی اسکواڈ کو حتمی شکل دے کر نام آئی سی سی کو ارسال کر دیے
اشاعت کی تاریخ: 3rd, January 2026 GMT
data-id="863a0a8" data-element_type="widget" data-widget_type="theme-post-content.default">
پاکستان کرکٹ بورڈ نے ٹی ٹوئنٹی ورلڈکپ کے لیے ابتدائی اسکواڈ کے نام آئی سی سی کو بھجوا دیے۔
نجی ٹی وی کی رپورٹ کے مطابق پاکستان کرکٹ بورڈ (پی سی بی) نے ٹی ٹوئنٹی ورلڈ کپ 2026 کے لیے ابتدائی اسکواڈ کے نام عالمی کرکٹ کی منتظمہ ادارہ، انٹرنیشنل کرکٹ کونسل (آئی سی سی) کو ارسال کر دیے ہیں، جس میں نہ صرف 15 رکنی مرکزی ٹیم بلکہ ریزرو کھلاڑیوں کے نام بھی شامل کیے گئے ہیں۔
رپورٹ کے مطابق ذرائع کا کہنا ہے کہ بورڈ کے پاس 31 جنوری تک اسکواڈ میں تبدیلی کرنے کی اجازت ہے، تاہم اس کے بعد کسی بھی تبدیلی کے لیے آئی سی سی کی تکنیکی کمیٹی سے منظوری لینا لازمی ہوگی۔
پی سی بی کے حکام کا کہنا ہے کہ ابتدائی اسکواڈ میں دورہ سری لنکا کے کھلاڑیوں کے ساتھ ہی بابر اعظم، شاہین آفریدی اور حارث روف کے نام بھی شامل ہیں۔
بورڈ کا ارادہ ہے کہ سری لنکا کے خلاف جاری سیریز میں کھلاڑیوں کی موجودہ فارم اور کارکردگی کا بغور جائزہ لیا جائے، تاکہ ورلڈ کپ اور آئندہ آسٹریلیا کے ساتھ ہونے والی سیریز کے اسکواڈ میں حتمی انتخاب کیا جا سکے۔
ٹی ٹوئنٹی ورلڈ کپ 7 فروری سے بھارت اور سری لنکا میں شروع ہوگا، جس میں پاکستان کی ٹیم اپنے تمام میچز سری لنکا میں کھیلے گی۔
ماہرین کا کہنا ہے کہ ابتدائی اسکواڈ میں شامل تجربہ کار کھلاڑیوں اور نوجوان ٹیلنٹ کا امتزاج ٹیم کو مضبوط اور متوازن بنانے میں اہم کردار ادا کرے گا۔ پی سی بی کی اس بروقت تیاری کا مقصد ٹیم کو عالمی سطح پر سخت مقابلے کے لیے بھرپور طور پر تیار کرنا ہے۔
ذریعہ
ذریعہ: Jasarat News
کلیدی لفظ: ابتدائی اسکواڈ اسکواڈ میں ٹی ٹوئنٹی سری لنکا کے لیے کے نام
پڑھیں:
دوسرا ون ڈے: آسٹریلیا کا پاکستان کو جیت کیلئے 232 رنز کا ہدف
ایک روزہ سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔
لاہور میں جاری میچ میں پاکستان کی دعوت پر پہلے بیٹنگ کرتے ہوئے آسٹریلیا کی ٹیم مقررہ 50 اوورز میں 9 وکٹوں کے نقصان پر 231 رنز بنا سکی۔
آسٹریلیا کی جانب سے کیمرون گرین اور کپتان جوش انگلس 51 رنز بنا کر آؤٹ ہوئے۔ میٹ رینشا 43، اولیور پیک 31، میتھیو شارٹ 15، مارنس لبوشین 5، میتھیو کوہنمن 5 اور ایلکس کیرے 0 کے انفرادی اسکور پر آؤٹ ہوئے۔
پاکستان کی جانب سے کپتان شاہین شاہ آفریدی نے 3 جبکہ عرفات منہاس، ابرار احمد اور حارث رؤف نے 2، 2 کھلاڑیوں کو آؤٹ کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ