صدر اور وزیراعظم کی تیمور ویپن سسٹم پر قوم کو مبارکباد، پاک فوج کو خراج تحسین
اشاعت کی تاریخ: 3rd, January 2026 GMT
اسلام آباد: صدرِ مملکت آصف علی زرداری اور وزیراعظم محمد شہباز شریف نے پاک فضائیہ کی جانب سے مقامی طور پر تیار کردہ جدید تیمور ویپن سسٹم کے کامیاب تجربے پر پوری قوم کو مبارکباد پیش کی ہے۔
ملک کی اعلیٰ قیادت کی جانب سے اس کامیابی کو پاکستان کی دفاعی تاریخ میں ایک اہم سنگِ میل قرار دیا جا رہا ہے، جس سے نہ صرف ملکی دفاع مزید مستحکم ہوا ہے بلکہ خطے میں پاکستان کی ذمہ دارانہ اور مضبوط دفاعی پالیسی کو بھی تقویت ملی ہے۔ اس موقع پر قومی قیادت نے پاک فضائیہ، سائنسدانوں اور انجینئرز کی پیشہ ورانہ صلاحیتوں اور غیر متزلزل عزم کو سراہا ہے۔
صدرِ مملکت آصف علی زرداری نے اپنے بیان میں پاک فضائیہ کو کامیاب تجربے پر خراجِ تحسین پیش کرتے ہوئے کہا کہ مقامی سطح پر جدید ہتھیاروں کی تیاری قومی صلاحیت، ادارہ جاتی مہارت اور مضبوط عزم کی واضح عکاسی ہے۔
انہوں نے کہا کہ تیمور ویپن سسٹم کا کامیاب تجربہ اس بات کا ثبوت ہے کہ پاکستان دفاعی ٹیکنالوجی میں خود انحصاری کے سفر پر مسلسل آگے بڑھ رہا ہے۔ صدر مملکت نے کہا کہ اس کامیابی سے نہ صرف ملکی دفاع مضبوط ہوا ہے بلکہ خطے میں امن و استحکام کے لیے پاکستان کی ذمہ دارانہ دفاعی سوچ کو بھی مزید تقویت ملی ہے۔
صدر زرداری نے اپنے بیان میں اس امر پر بھی زور دیا کہ دفاعی شعبے میں جدید ٹیکنالوجی کا فروغ پاکستان کی سلامتی اور خودمختاری کے تحفظ کے عزم کی عملی تصویر ہے۔ انہوں نے سائنسدانوں، انجینئرز اور پاک فضائیہ کے افسران و جوانوں کی محنت، پیشہ ورانہ لگن اور قومی خدمت کے جذبے کو سراہتے ہوئے کہا کہ یہ کامیابی پوری قوم کے لیے باعثِ فخر ہے اور آنے والے وقت میں پاکستان کی دفاعی صلاحیتوں کو مزید مستحکم بنانے میں معاون ثابت ہو گی۔
وزیراعظم محمد شہباز شریف نے بھی تیمور ویپن سسٹم کے کامیاب تجربے پر قوم کو مبارکباد دیتے ہوئے پاک فضائیہ کو خراجِ تحسین پیش کیا۔
انہوں نے اس موقع پر چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر، چیف آف ایئر اسٹاف ایئر چیف مارشل ظہیر احمد بابر سدھو اور میزائل سسٹم پر کام کرنے والے سائنسدانوں اور ماہرین کو خصوصی طور پر سراہا۔
وزیراعظم نے کہا کہ پاک فضائیہ کی پیشہ ورانہ مہارت، لگن اور غیر متزلزل عزم نے ایک بار پھر ثابت کر دیا ہے کہ پاکستان اپنے دفاع کے معاملے میں کسی قسم کا سمجھوتا نہیں کرتا۔
شہباز شریف کا کہنا تھا کہ تیمور ویپن سسٹم کی بدولت پاکستان کا دفاع مزید مستحکم ہو گا اور یہ کامیاب فلائٹ ٹیسٹ ملکی دفاعی صنعت کی تکنیکی پختگی، جدت اور خود انحصاری کی واضح نشاندہی کرتا ہے۔ انہوں نے اس کامیابی کو پاک فضائیہ کی آپریشنل تیاری، تکنیکی برتری اور قومی سلامتی کے اہداف کے حصول کے لیے مسلسل کوششوں کا عملی مظہر قرار دیا۔
.
ذریعہ
ذریعہ: Al Qamar Online
کلیدی لفظ: پاکستان کھیل تیمور ویپن سسٹم پاک فضائیہ پاکستان کی انہوں نے کہا کہ
پڑھیں:
رائیونڈ کا ایک شہری اب آزاد کشمیر کا وزیراعظم بننا چاہتا ہے، بلاول بھٹو
لاہور(ڈیلی پاکستان آن لائن)پاکستان پیپلزپارٹی کے چیئرمین بلاول بھٹو نے کہا ہے کہ رائیونڈ کا ایک شہری اب آزاد کشمیر کا وزیراعظم بننا چاہتا ہے اور ان کی خواہش ہے کہ وزیراعظم پاکستان ہی آزاد کشمیر کا وزیراعظم منتخب کرے۔آزاد کشمیر کے علاقے میرپور میں انتخابی جلسے سے خطاب کرتے ہوئے بلاول بھٹو نے ایک بار پھر حق حکمرانی، مالکیت اور حق روزگار کا انتخابی ایجنڈا دہراتے ہوئے کہا کہ اگر کشمیریوں نے انتخابات میں ووٹ دے کر اکثریت دلوائی تو یہ تینوں مسائل حل کردیں گے۔
بلاول بھٹو نے کہا کہ کشمیر میں گزشتہ چھ ماہ سے ہماری حکومت ہے اور یہاں پر جو کام کیے اُن پر فخر ہے۔ انہوں نے کہا کہ سڑکوں کی بات کرنے والوں کو پنجاب کی سڑکیں ہی ٹھیک لگتی ہیں اور کہتے ہیں کہ صوبے سے نکلتے ہی سڑکیں خراب ہیں۔ انہوں نے تنقید کرتے ہوئے کہا کہ یہ لوگ رائیونڈ کو پنجاب سمجھتے ہیں کیونکہ اندرون صوبے کی حالت بہت بری ہے اور انہیں اس کی کوئی پرواہ بھی نہیں ہے۔ بلاول کا کہنا تھا کہ اب یہ چاہتے ہیں کہ وزیراعظم آزاد کشمیر کا فیصلہ اسلام آباد سے ہو اور رائیونڈ کا ایک شہر اب آزاد کشمیر کا وزیراعظم بننے کا خواہش مند ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار