اقوامِ متحدہ کے سیکریٹری جنرل کا وینزویلا میں امریکی فوجی کارروائی پر تشویش کا اظہار
اشاعت کی تاریخ: 3rd, January 2026 GMT
اقوامِ متحدہ کے سیکرٹری جنرل انتونیو گوٹیرس نے وینزویلا میں حالیہ کشیدگی اور ہفتے کے روز امریکی فوجی کارروائی پر گہری تشویش ظاہر کی ہے، جس کے خطے پر ممکنہ منفی اثرات مرتب ہونے کا خدشہ ہے۔
انتونیو گوٹیرس کے ترجمان سٹیفان ڈوجارک نے کہا کہ وینزویلا کی موجودہ صورتحال سے قطع نظر، یہ حالات ایک خطرناک مثال قائم کرتے ہیں۔
یہ بھی پڑھیے: امریکا کا وینزویلا پر بڑا حملہ: صدر مادورو اہلیہ سمیت گرفتار، امریکی عدالت میں فرد جرم بھی عائد کردی گئی
بیان میں مزید کہا گیا کہ سیکرٹری جنرل بین الاقوامی قانون بشمول اقوامِ متحدہ کے چارٹر کا مکمل احترام کرنے کی اہمیت پر زور دیتے ہیں۔ وہ اس بات پر گہری تشویش میں ہیں کہ بین الاقوامی قوانین کا احترام نہیں کیا گیا۔
سیکریٹری جنرل نے وینزویلا میں تمام فریقین پر زور دیا ہے کہ وہ انسانی حقوق اور قانون کی بالادستی کے مکمل احترام کے ساتھ جامع مکالمے میں شامل ہوں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا انتونیو گوئٹریس حملہ وینزویلا.
ذریعہ
ذریعہ: WE News
کلیدی لفظ: امریکا انتونیو گوئٹریس حملہ وینزویلا
پڑھیں:
خانیوال پل حادثے کی انکوائری مکمل‘پاکستان ریلویز نے دو افسران کو ملازمت سے فارغ کر دیا
اسلام آباد (اُردو پوائنٹ اخبارتازہ ترین - آن لائن۔ 02 جون2026ء) پاکستان ریلویز نے خانیوال پل حادثے کی انکوائری مکمل ہونے کے بعد ذمہ دار افسران کے خلاف سخت کارروائی کرتے ہوئے دو افسران کو ملازمت سے فارغ کر دیا ہے۔ریلوے حکام کے مطابق سابق ڈویژنل انجینئر(ڈی ای این)ملتان عابد رزاق کو ملازمت سے برطرف کر دیا گیا ہے جبکہ سابق اسسٹنٹ انجینئر (اے ای این)خانیوال راجا یوسف کو بھی سروس سے برخاست کر دیا گیا ہے۔یاد رہے کہ خانیوال پل حادثے میں ایک شخص جاں بحق جبکہ متعدد افراد زخمی ہوئے تھے۔ واقعے کے بعد وفاقی وزیر ریلوے محمد حنیف عباسی نے ذمہ داروں کے خلاف سخت کارروائی کا اعلان کرتے ہوئے واضح کیا تھا کہ عوامی جانوں کے نقصان پر کسی قسم کی رعایت نہیں برتی جائے گی۔وزیر ریلوے کی ہدایت پر حادثے کی جامع انکوائری شروع کی گئی تھی۔(جاری ہے)
انکوائری رپورٹ میں متعلقہ افسران کی غفلت اور ذمہ داری کا تعین کیا گیا جس کی روشنی میں محکمانہ کارروائی عمل میں لائی گئی۔
ریلوے حکام کے مطابق وفاقی وزیر ریلوے اپنے زیرو ٹالرنس مقف پر قائم رہے اور حادثے کا کیس منطقی انجام تک پہنچایا گیا۔ وزارت ریلوے کا کہنا ہے کہ احتساب کا عمل جاری رہے گا اور غفلت، لاپروائی یا نااہلی پر کسی قسم کا سمجھوتہ نہیں کیا جائے گا۔وزیر ریلوے محمد حنیف عباسی نے اس عزم کا اعادہ کیا کہ مسافروں کے جان و مال کے تحفظ کو ہر صورت یقینی بنایا جائے گا اور ذمہ دار عناصر کے خلاف بلاامتیاز کارروائی جاری رہے گی۔
وزارت آئی ٹی نے 1.67 ارب روپے سے زاید کے فنڈز طلب کرلیے