کوہسار زون میں پانی کی عدم فراہمی کیخلاف مکینوں کا احتجاج
اشاعت کی تاریخ: 5th, January 2026 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)کوہسار زون میں پانی کی عدم فراہمی کیخلاف ایچ ڈی اے ایمپلائز کوآپریٹو سوسائٹی کے رہائشی افراد نے احتجاجی مظاہرہ کیا، نعرے بازی کی اور مطالبہ کیا کہ فوری طورپر کوآپریٹو سوسائٹی سمیت دیگر علاقوں میں پانی کی فراہمی کو یقینی بنایا جائے، مظاہرین سے خطاب کرتے ہوئے یحییٰ خانزادہ ایڈوکیٹ، عبدالقیوم ایڈوکیٹ، علی حسن قائم خانی اور دیگر نے کہاکہ کوہسار زون میں ایچ ڈی اے ایمپلائز کوآپریٹوسوسائٹی، گلشن قائد، جوڈیشل کالونی، دامن کوہسار سوسائٹی، ایچ ڈی اے ایکسٹینشن سوسائٹی اور دیگر علاقوں میںگزشتہ دو ماہ سے پینے کا پانی فراہم نہیں کیا جارہا جس کی وجہ سے ان علاقوں کے ہزاروں افراد پانی کے حصول کیلئے ٹینکر مافیا کے رحم و کرم پر ہیں۔ انہوں نے کہا کہ اب جبکہ دریائے سندھ میں پانی کم ہے اس وقت ٹینکرز کے ذریعے پانی گھروں تک پہنچ رہا ہے وہ بدبودار اور مضرصحت ہے، کوسار زون میں دریائے سندھ حبیب فارم سے لائی جانے والی پانی کی لائن پر سول ایوی ایشن اتھارٹی سمیت دیگر اداروں اور گوٹھ کے لوگوں کو غیرقانونی کنکشن دیئے ہوئے ہیں جس کی وجہ سے پانی متعلقہ آبادیوں تک نہیں پہنچ رہا، انہوں نے کہاکہ پانی ہر گھر کی ضرورت ہے اس وقت دس سے بارہ ہزار روپے ماہانہ خرچ کرکے ان آبادیوں کے رہائشی افراد ٹینکرز کے ذریعے پانی منگواتے ہیں جو مہنگائی کے اس دور میں اضافی بوجھ ہے۔ انہوں نے کہاکہ ایک طرف تو حیدرآباد واٹر اینڈ سیوریج کارپوریشن پانی کی زیر التواء اسکیموں کو کارآمد بنانے کو تیار نہیں تو دوسری طرف اتنی بڑی آبادی کو ٹینکرز مافیا کے رحم وکرم پر چھوڑ دیا ہے۔
ذریعہ
ذریعہ: Jasarat News
پڑھیں:
آبنائے ہرمز اور باب المندب کا متبادل تیار کرنے میں دہائیاں لگیں گی، عرب ماہر
متبادل زمینی توانائی راہداریوں کے بارے میں انہوں نے کہا کہ خلیجی ممالک، شام یا ترکیہ کے راستے مجوزہ پائپ لائن منصوبے طویل المدتی سرمایہ کاری کے متقاضی ہیں، جن کی تکمیل میں کئی دہائیاں لگ سکتی ہیں، اس لیے وہ قلیل مدت میں موجودہ بحران کا حل فراہم نہیں کر سکتے۔ اسلام ٹائمز۔ ایک عرب ماہر معاشیات نے خبردار کیا ہے کہ آبنائے ہرمز اور باب المندب کی بیک وقت بندش عالمی معیشت کو تباہ کر دے گی۔ ان دونوں آبنائے کا متبادل بنانے میں دہائیاں لگیں گی۔ بین الاقوامی معیشت کے معروف عرب ماہر ڈاکٹر کامل وزنة نے ایران میں جاری جنگ اور اہم سمندری گزرگاہوں، خصوصاً آبنائے ہرمز اور باب المندب کی ممکنہ بندش کے تباہ کن نتائج سے خبردار کرتے ہوئے کہا ہے کہ اگر جنگ جاری رہی تو دنیا ایک ایسے حقیقی خطرے سے دوچار ہو جائے گی جو ہر فرد کی زندگی کو متاثر کرے گا اور عالمی منڈیوں کو مہنگائی کی ایک غیر معمولی لہر کی طرف دھکیل دے گا۔ ڈاکٹر کامل وزنة نے عربی ویب سائٹ عربی 21 سے گفتگو کرتے ہوئے کہا کہ باب المندب کا فوجی کشیدگی کے دوسرے بڑے مرکز کے طور پر سامنے آنا عالمی منڈیوں میں استحکام کی بحالی اور معاشی بہتری کے عمل کو روک چکا ہے۔
انہوں نے کہا کہ خام تیل کی قیمتیں بتدریج بڑھتے ہوئے 100 ڈالر فی بیرل سے تجاوز کر چکی ہیں، اور اگر موجودہ کشیدگی برقرار رہی تو قیمتوں میں مزید اضافے کا خطرہ انتہائی سنگین ہے۔ ان کا کہنا تھا کہ اشیا اور توانائی کی ترسیل کے سمندری راستوں کی بندش دنیا بھر میں مہنگائی میں اضافے اور تمام ممالک کے معاشی مسائل میں شدت کا باعث بنے گی۔ انہوں نے مزید کہا کہ اب مسئلہ صرف ایک آبنائے کی بندش تک محدود نہیں رہا، بلکہ پوری کی پوری ریاستیں عالمی تجارت کے بہاؤ اور بنیادی وسائل تک رسائی سے محروم ہو رہی ہیں، جس کے باعث یہ وسائل عالمی منڈیوں تک نہیں پہنچ پا رہے۔ ڈاکٹر کامل وزنة نے خطے اور خصوصاً سعودی عرب پر اس بحران کے اثرات کے حوالے سے کہا کہ آبنائے ہرمز اور باب المندب میں بحری آمدورفت متاثر ہونے سے خطے کے ممالک کی برآمدات اور صنعتی سرگرمیوں کو نقصان پہنچے گا، اگرچہ سعودی عرب کی معیشت نسبتاً مضبوط اور زیادہ لچکدار ہے۔
انہوں نے کہا کہ اس بحران نے پورے خطے میں معاشی سست روی پیدا کر دی ہے، جس کے اثرات جائیداد کی مارکیٹ، روزگار، سرمایہ کاری کے مواقع اور بیرونِ ملک مقیم افراد کی ترسیلاتِ زر پر بھی پڑ رہے ہیں۔ ان کے مطابق کوئی بھی ملک اپنے علاقے یا اپنے ملک میں جاری جنگ سے فائدہ نہیں اٹھاتا، اسی لیے بحران کے خاتمے کے لیے جلد از جلد سیاسی حل تلاش کرنا ناگزیر ہے۔ ڈاکٹر کامل وزنة نے زور دے کر کہا کہ اگر یہ اہم سمندری گزرگاہیں بند رہیں تو عالمی معیشت کے پاس اس صورتحال سے نمٹنے کے لیے کوئی فوری یا تیار متبادل موجود نہیں ہو گا۔ انہوں نے بتایا کہ دنیا کے 20 سے 25 فیصد بنیادی وسائل اور توانائی کی ترسیل آبنائے ہرمز اور باب المندب کے ذریعے ہوتی ہے، اور عالمی اسٹاک مارکیٹیں بھی متعدد بار اس صورتحال کے ممکنہ نتائج سے خبردار کر چکی ہیں۔
متبادل زمینی توانائی راہداریوں کے بارے میں انہوں نے کہا کہ خلیجی ممالک، شام یا ترکیہ کے راستے مجوزہ پائپ لائن منصوبے طویل المدتی سرمایہ کاری کے متقاضی ہیں، جن کی تکمیل میں کئی دہائیاں لگ سکتی ہیں، اس لیے وہ قلیل مدت میں موجودہ بحران کا حل فراہم نہیں کر سکتے۔ انہوں نے مزید کہا کہ ایسے منصوبوں کی کامیابی سیاسی استحکام سے مشروط ہوتی ہے۔ اس ضمن میں انہوں نے روس اور جرمنی کے درمیان گیس پائپ لائن کی مثال دی، جو مکمل ہونے کے باوجود یوکرین جنگ کے بعد تخریب کاری کا نشانہ بنی اور دھماکے سے تباہ کر دی گئی۔
بھارت سے جنگ اور افغانستان میں کارروائی خارج ازامکان نہیں، وزیردفاع