پشاور اور سندھ ہائیکورٹ کے ججز کی مستقلی، جوڈیشل کمیشن نے اجلاس طلب کرلیے
اشاعت کی تاریخ: 5th, January 2026 GMT
سندھ ہائیکورٹ کے 12 ایڈیشنل ججز کی مستقل تقرری کے لیے جوڈیشل کمیشن کا اجلاس 13 جنوری کو طلب کیا گیا ہے، اجلاس چیف جسٹس یحیی آفریدی کی سربراہی میں ڈیڑھ بجے سپریم کورٹ میں ہوگا۔
اجلاس میں جسٹس میراں محمد شاہ، جسٹس تسلیم سلطانہ اور جسٹس ریاضت علی سحر کی مستقلی کے ساتھ ساتھ جسٹس محمد حسن اکبر، جسٹس خالد حسین شہانی، اور جسٹس عبدالحامد بھرگی کی مستقل حیثیت پر غور کیا جائے گا۔
یہ بھی پڑھیں: جوڈیشل کمیشن کا اجلاس: سندھ اور بلوچستان ہائیکورٹس کے نئے چیف جسٹس نامزد
مزید برآں، جسٹس سید فیاض الحسن شاہ، جسٹس جان علی جونیجو اور جسٹس ناصر احمد بھنبوڑو کی مستقلی کے معاملات بھی زیر بحث آئیں گے، جبکہ جسٹس علی حیدر ادا، جسٹس عثمان علی اور جسٹس محمد جعفر رضا کی مستقل تقرری پر بھی غور کیا جائے گا۔
اجلاس میں سندھ ہائیکورٹ کے آئینی بینچز کی مدت میں توسیع کے معاملات پر بھی بحث متوقع ہے۔
مزید پڑھیں: 27ویں آئینی ترمیم: سپریم جوڈیشل کونسل، جوڈیشل کمیشن اور پریکٹس اینڈ پروسیجر کمیٹی کی ازسرِنو تشکیل
دوسری جانب چیف جسٹس یحییٰ آفریدی کی زیر صدارت جوڈیشل کمیشن کا ایک اور اجلاس 14 جنوری کو ڈیڑھ بجے سپریم کورٹ میں ہوگا، جس میں پشاور ہائیکورٹ کے 10 ایڈیشنل ججز کی مستقلی کے معاملات پر غور کیا جائے گا۔
اجلاس میں پشاور ہائیکورٹ کے جسٹس محمد طارق آفریدی، جسٹس عبد الفیاض اور جسٹس فرح جمشید کی مستقلی کے علاوہ جسٹس انعام اللہ خان، جسٹس صبعت اللہ، اور جسٹس صلاح الدین کی مستقل حیثیت کا بھی جائزہ لیا جائے گا۔
مزید پڑھیں: جوڈیشل کمیشن نے چاروں ہائیکورٹس کے مستقل چیف جسٹس صاحبان کے ناموں کی منظوری دے دی
مزید برآں، جسٹس صادق علی، جسٹس مدثر امیر، جسٹس اورنگزیب، اور جسٹس قاضی جواد احسان اللہ کی مستقلی پر بھی بحث ہوگی۔
جوڈیشل کمیشن کے اس اجلاس کا مقصد ایڈیشنل ججز کی مستقل تقرری کے معاملات کو حتمی شکل دینا ہے تاکہ پشاور ہائیکورٹ کی کارکردگی میں استحکام اور عدالتی نظام میں شفافیت برقرار رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئینی بینچز ایڈیشنل ججز پشاور ہائیکورٹ سپریم جوڈیشل کونسل سندھ ہائیکورٹ عدالتی نظام.
ذریعہ
ذریعہ: WE News
کلیدی لفظ: ایڈیشنل ججز پشاور ہائیکورٹ سپریم جوڈیشل کونسل سندھ ہائیکورٹ عدالتی نظام پشاور ہائیکورٹ سندھ ہائیکورٹ جوڈیشل کمیشن ججز کی مستقل کی مستقلی کے ایڈیشنل ججز ہائیکورٹ کے کے معاملات چیف جسٹس اور جسٹس جائے گا
پڑھیں:
میاں بیوی کو تین سالہ بچی سمیت اٹھانے کی سی سی ٹی وی فوٹیج محفوظ کرنے کی درخواست ، لاہور ہائیکورٹ کی متعلقہ عدالت سے رجوع کرنے کی ہدایت
لاہور (اُردو پوائنٹ اخبارتازہ ترین - اے پی پی۔ 02 جون2026ء) لاہور ہائیکورٹ نے سی سی ڈی اہلکاروں کی جانب سے میاں بیوی اور تین سالہ بچی کو گھر سے اٹھانے کے معاملے میں سی سی ٹی وی کیمروں کی وڈیو فوٹیج محفوظ کرنے کی درخواست مسترد کرتے ہوئے درخواست گزار کو متعلقہ ٹرائل کورٹ سے رجوع کرنے کی ہدایت کر دی۔لاہور ہائیکورٹ کے جسٹس شہرام سرور چوہدری نے درخواست پر سماعت کی۔ درخواست گزار رحمان کی جانب سے ایڈووکیٹ ایاز صفدر سندھو نے دلائل دیئے۔درخواست گزار کے وکیل نے موقف اختیار کیا کہ سی سی ڈی گوجرانوالہ نے درخواست گزار کی بہن، بہنوئی اور ان کی تین سالہ بچی کو گھر سے اٹھایا اور بعد ازاں میاں بیوی کے خلاف منشیات کا جھوٹا مقدمہ درج کر دیا۔ مذکورہ میاں بیوی ایک مبینہ جعلی پولیس مقابلے کے مدعی ہیں اور پیروی سے باز نہ آنے پر انہیں جھوٹے مقدمے میں نامزد کیا گیا۔(جاری ہے)
تین سالہ بچی بھی سی سی ڈی کی تحویل میں رہی تاہم درج مقدمے میں اس کا کوئی ذکر موجود نہیں۔ عدالت سے استدعا کی گئی کہ متعلقہ مقامات کی سی سی ٹی وی فوٹیج محفوظ بنانے کے احکامات جاری کیے جائیں۔سماعت کے دوران جسٹس شہرام سرور چوہدری نے ریمارکس دیے کہ فوٹیج حاصل کرنا یا اسے محفوظ بنانا ہائیکورٹ کا کام نہیں۔ عدالت نے قرار دیا کہ ٹرائل کورٹ کے پاس سی سی ٹی وی فوٹیج محفوظ رکھنے سمیت متعدد قانونی اختیارات موجود ہیں۔عدالت نے درخواست گزار کو ہدایت کی کہ وہ اپنی درخواست متعلقہ ٹرائل کورٹ میں دائر کرے کیونکہ اس حوالے سے حکم جاری کرنے کا اختیار اسی عدالت کے پاس ہے۔بعد ازاں عدالت نے سی سی ٹی وی فوٹیج محفوظ کرنے کی درخواست مسترد کرتے ہوئے درخواست گزار کو ٹرائل کورٹ سے رجوع کرنے کی ہدایت کر دی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ