26 نومبر احتجاج کیس: عدالت نے علیمہ خان کی بریت کی درخواست خارج کردی
اشاعت کی تاریخ: 5th, January 2026 GMT
انسدادِ دہشتگردی عدالت راولپنڈی نے 26 نومبر کے احتجاج کے حوالے سے درج مقدمے میں علیمہ خان کی جانب سے دائر کی گئی بریت کی درخواست مسترد کردی۔
عدالت نے اس کیس سے متعلق محفوظ کیا گیا فیصلہ سنا دیا، جس میں ملزمہ کی درخواست کو خارج کردیا گیا۔
مزید پڑھیں: عمران خان سے ملاقاتوں پر پابندی، علیمہ خان کا اڈیالہ جیل کے باہر دعاؤں کے اہتمام کا اعلان
درخواستِ بریت پر سماعت انسدادِ دہشتگردی عدالت کے جج امجد علی شاہ نے کی۔
سماعت کے دوران علیمہ خان کی جانب سے وکیل فیصل ملک نے مؤقف اختیار کیاکہ مقدمہ قانونی بنیادوں سے محروم ہے اور یہ محض سیاسی انتقامی کارروائی کا نتیجہ ہے۔
دوسری جانب پراسیکیوٹر ظہیر شاہ نے عدالت کو بتایا کہ ملزمہ کے خلاف انسدادِ دہشتگردی ایکٹ کی 5 شقوں کے تحت فردِ جرم عائد کی جا چکی ہے، جو تفتیشی رپورٹ کی بنیاد پر قائم کی گئی ہے۔
ان کا کہنا تھا کہ مقدمے میں شامل شواہد اور مواد کے مطابق فردِ جرم عائد کرنا قانون کے مطابق ہے۔
پراسیکیوٹر نے مزید مؤقف اختیار کیاکہ سیاسی نوعیت کے احتجاج میں تمام تر کنٹرول اور ذمہ داری منتظمین کے پاس ہوتی ہے۔
انہوں نے کہاکہ تھیوری آف کنٹرول کے تحت کسی بھی ایسے احتجاج میں منتظمین کو تمام معاملات کا ذمہ دار سمجھا جاتا ہے۔
مزید پڑھیں: مذاکرات کی بات کرنے والا عمران خان کی پارٹی کا نہیں ہو سکتا، علیمہ خان
ان کے مطابق احتجاج کے منتظمین یہ دعویٰ کرتے ہیں کہ لوگ ان کی ہدایت پر باہر نکلے، تاہم عدالت کے روبرو اس مؤقف کو تسلیم نہیں کیا جاتا۔
عدالت نے فریقین کے دلائل سننے کے بعد علیمہ خان کی درخواستِ بریت خارج کرنے کا حکم جاری کر دیا، جس کے بعد مقدمہ مزید قانونی کارروائی کے لیے آگے بڑھے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews احتجاج کیس پی ٹی آئی درخواست بریت خارج علیمہ خان عمران خان وی نیوز.
ذریعہ
ذریعہ: WE News
کلیدی لفظ: احتجاج کیس پی ٹی ا ئی درخواست بریت خارج علیمہ خان وی نیوز علیمہ خان کی کی درخواست
پڑھیں:
وفاقی آئینی عدالت: پولٹری فیڈ ملز سے 4 فیصد اضافی ٹیکس کی وصولی غیرقانونی قرار
اسلام آباد (ڈیلی پاکستان آن لائن) بجٹ سے چند روز قبل ہی آئینی عدالت سے حکومت کو ریونیو کی مد میں بڑا جھٹکا، وفاقی آئینی عدالت نے پولٹری فیڈ ملز سے 4 فیصد اضافی ٹیکس کی وصولی غیرقانونی قرار دے دی۔
نجی وی چینل دنیا نیوز کے مطابق وفاقی آئینی عدالت نے غیر رجسٹرڈ پولٹری فارمز کو فیڈ سپلائی کرنے سے متعلق اہم فیصلہ جاری کر دیا۔ جسٹس عامر فاروق کی سربراہی میں دو رکنی بنچ نے فیصلہ جاری کیا۔
وفاقی آئینی عدالت نے اپنے فیصلے میں کہا کہ ٹیکس قانون کے سیکشن 31 اے میں ابہام ہے، حکومت نے غیررجسٹرڈ پولٹری فارمز کو فیڈسپلائی کرنے پر مل مالکان پر اضافی ٹیکس عائد کیا، اضافی ٹیکس سال 2024 کے فنانس ایکٹ کی مد میں وصول کیا جا رہا تھا۔
لاہور ائیرپورٹ اغواء کیس کا ڈراپ سین، غیرملکی خاتون دوست کے ساتھ رضامندی سے گئی
فیصلے میں کہا گیا کہ قانون کے مطابق پولٹری فارمز کو ٹیکس سے مستثنیٰ قرار دیا گیا ہے، قانون کے مطابق استثنی ملنے پر پولٹری فارمز رجسٹریشن کے پابند نہیں ہیں، قانون غیررجسٹرڈ پولٹری فارمز کو مکمل تحفظ فراہم کرتا ہے۔
وفاقی آئینی عدالت نے فیصلے میں مزید لکھا کہ رجسٹریشن کی قانونی پابندی نہ ہونے پر پولٹری فارمز اور فیڈ ملز کو سزا نہیں دی جا سکتی۔
وفاقی آئینی عدالت نے لاہور ہائیکورٹ کا فیصلہ کالعدم قرار دے دیا۔ لاہور ہائیکورٹ نے پولٹری فیڈ ملز سے 4 فیصد اضافی ٹیکس کی وصولی کو درست قرار دیا تھا۔ پولٹری فیڈ ملز مالکان نے اضافی ٹیکس کی وصولی کیخلاف عدالت سے رجوع کیا تھا۔
ڈیل مکمل جھوٹ ہے ، پی ٹی آئی کوئی ڈیل نہیں کررہی، عمران خان کو خاموش کروانے کے لیے قید تنہائی میں رکھاگیا ہے،علیمہ خان
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ