دہلی میں گھر پر قابض افراد کا متاثرہ خاندان پر شرمناک تشدد
اشاعت کی تاریخ: 5th, January 2026 GMT
مشرقی دہلی کے علاقے لکشمی نگر میں جم کے تنازع پر ایک خاندان کو شدید تشدد کا سامنا کرنا پڑا۔
واقعے میں ایک شخص پر حملہ کیا گیا اور اس کی اہلیہ کے ساتھ بدسلوکی کی گئی جبکہ ان کے بیٹے کو سرعام کپڑے اتار کر تشدد کا نشانہ بنایا گیا۔
یہ واقعہ جمعہ کو شام تقریباً 4 بجے پیش آیا۔ سوشل میڈیا پر سامنے آنے والی سی سی ٹی وی فوٹیج میں چند افراد کو ایک شخص کو سڑک پر تشدد کا نشانہ بناتے ہوئے دیکھا جا سکتا ہے۔
متاثرہ خاتون نے پولیس کو دی گئی شکایت میں بتایا کہ انہوں نے اپنے گھر کے بیسمنٹ میں ایک جم قائم کیا تھا جس کا نگہبان پنتو یادو عرف ستیش یادو تھا۔
ان کے مطابق جم کی ملکیت ان کے پاس ہے اور نگہبان کو کسی قسم کے حقوق حاصل نہیں تھے تاہم اس نے مبینہ طور پر زبردستی قبضہ کر رکھا تھا۔
شکایت میں کہا گیا ہے کہ جم خالی کرانے کے مطالبے پر ملزم اور اس کے ساتھیوں کی جانب سے بارہا گالی گلوچ، دھمکیاں اور تشدد کیا جاتا رہا۔
خاتون کے مطابق انہیں اور ان کے اہلخانہ کو جان سے مارنے کی دھمکیاں بھی دی گئیں۔
متاثرہ خاتون کے مطابق 2 جنوری کو گھر میں پانی بھر جانے کے مسئلے پر وہ اپنے شوہر کے ہمراہ بیسمنٹ گئیں جہاں ستیش اپنے ساتھیوں کے ساتھ پہنچا اور دونوں پر حملہ کر دیا۔
پہلے انہیں جم کے دروازے سے گھسیٹ کر مارا گیا بعد ازاں سڑک پر بھی تشدد جاری رکھا گیا۔
شکایت کے مطابق ملزمان نے خاتون کے بال کھینچے، چہرے پر ضربیں لگائیں اور لاتوں سے مارا۔ بعد ازاں شوہر کو دوبارہ جم کے اندر لے جا کر تشدد کیا گیا اور جان سے مارنے کی دھمکیاں دی گئیں۔
خاتون کے مطابق اس دوران چند افراد ان کے گھر میں داخل ہوئے، ان کے بیٹے کو باہر گھسیٹ کر لائے، اس پر تشدد کیا گیا جس کے نتیجے میں اس کا ایک دانت ٹوٹ گیا اور سر پر چوٹیں آئیں۔ واقعہ عوامی مقام پر پیش آیا۔
پولیس نے معاملے میں مقدمہ درج کر لیا ہے اور اب تک پنتو یادو کو گرفتار کیا جا چکا ہے جبکہ دیگر ملزمان کی تلاش جاری ہے۔ پولیس کا کہنا ہے کہ واقعے کی تمام پہلوؤں سے تفتیش کی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت خاندان پر تشدد دہلی.
ذریعہ
ذریعہ: WE News
کلیدی لفظ: بھارت دہلی کے مطابق خاتون کے
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا