شہری پانی جیسی بنیادی سہولت سے محروم، صوبائی حکومت ناکام ہے، منعم ظفر
اشاعت کی تاریخ: 5th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: جماعت اسلامی کراچی کے امیر منعم ظفر خان نے کہا ہے کہ گلشن حدید، فیز ون، فیز ٹو، ایکسٹینشن اور اسٹیل ٹاؤن شپ کے رہائشی گزشتہ سات ماہ سے پانی جیسی بنیادی ضرورت سے محروم ہیں جو صوبائی حکومت کی بدترین ناکامی اور شرمناک کارکردگی ہے۔
منعم ظفر نے الزام عائد کیا کہ کراچی میں پانی مافیا کو کھلی چھوٹ دی گئی ہے اور شہریوں کو کروڑوں روپے میں پانی بیچا جا رہا ہے، گلشن حدید کبھی کراچی کا اسلام آباد کہا جاتا تھا، لیکن آج یہ علاقہ بدحالی کی تصویر بن چکا ہے۔
انہوں نے پیپلز پارٹی پر تنقید کرتے ہوئے کہا کہ وفاق، صوبے اور بلدیات میں مکمل اقتدار کے باوجود پانی کا مسئلہ حل نہیں کر سکی جبکہ دھاندلی کے ذریعے مسلط کیے گئے قابض میئر اور چیئرمین عوامی مسائل حل کرنے میں ناکام ہیں، کروڑوں روپے خرچ کر کے صرف تین انچ کی لائنیں ڈالی گئیں اور دس دن میں صرف ایک فٹ پانی ذخیرہ ہوا اور افتتاح کے نام پر ڈرامہ کیا گیا لیکن پانی نہ ہونے پر میئر بغیر افتتاح کیے واپس چلے گئے۔
انہوں نے کے-فور منصوبے کی ناکامی پر بھی روشنی ڈالتے ہوئے کہا کہ یہ منصوبہ 21 سال سے مکمل نہیں ہو سکا اور تمام ترقیاتی منصوبے ناکام ہو چکے ہیں، کراچی ملک کی معیشت میں سب سے زیادہ حصہ ڈالتا ہے مگر شہریوں کو بنیادی سہولیات نہیں ملتیں۔
انہوں نے خبردار کیا کہ اگر پانی کا مسئلہ فوری حل نہ ہوا تو احتجاج اور نیشنل ہائی وے کی بندش کی ذمہ داری صوبائی حکومت پر ہوگی، منعم ظفر نے مطالبہ کیا کہ پانی کی فراہمی کراچی واٹر اینڈ سیوریج کارپوریشن یا بلک واٹر سپلائی کے ذریعے فوری بحال کی جائے اور جماعت اسلامی کراچی عوام کے حق کے لیے ہر فورم پر آواز بلند کرتی رہے گی۔
ذریعہ
ذریعہ: Jasarat News
پڑھیں:
عطا اللہ تارڑ نے اب تک معافی نہیں مانگی، وزیراعظم وزرا کے تضحیک آمیز رویے کا نوٹس لیں، سحر کامران
پاکستان پیپلز پارٹی کی رکن قومی اسمبلی سحر کامران کا کہنا ہے کہ وفاقی وزیر اطلاعات عطا اللہ تارڑ نے قائمہ کمیٹی کے اجلاس میں پیش آنے والے واقعے پر اب تک معافی نہیں مانگی جبکہ وزیراعظم کو اپنے وزرا کے تضحیک آمیز رویے کا نوٹس لینا چاہیے۔
یہ بھی پڑھیں: پاکستان کے اگلے وزیراعظم بلاول بھٹو زرداری، سینیٹر سحر کامران نے دعویٰ کیوں کیا؟
وی ایکسکلوسیو میں گفتگو کرتے ہوئے سحر کامران نے بتایا کہ قائمہ کمیٹی کے اجلاس کے دوران انہوں نے وزارت اور متعلقہ سیکریٹری سے سوال کیا تھا کہ کمیٹی کے اجلاس میں تقریباً 12 ارب روپے مالیت کے 14 منصوبوں کی منظوری لی گئی تاہم بعد میں معلوم ہوا کہ بجٹ میں 14 ارب روپے سے زائد مالیت کے 17 منصوبے منظور کیے گئے ہیں۔
انہوں نے کہا کہ ان کا صرف یہ سوال تھا کہ وہ 3 اضافی منصوبے کون سے تھے جو قائمہ کمیٹی کے سامنے پیش نہیں کیے گئے۔ ان کے بقول انہوں نے پاکستان ٹیلی ویژن (پی ٹی وی) سے متعلق بھی ایجنڈے کے مطابق چند سوالات کیے لیکن اسی دوران وفاقی وزیر اطلاعات عطا اللہ تارڑ اونچی آواز میں گفتگو کرنے لگے جس سے انہیں شدید تضحیک کا احساس ہوا۔
سحر کامران کا کہنا تھا کہ انہوں نے اس صورتحال پر واک آؤٹ کرنے کا فیصلہ کیا تاہم ان کے مطابق عطا اللہ تارڑ نے دوبارہ بلند آواز میں کہا کہ ’یہ ممبر کمیٹی کو ہائی جیک کرنا چاہتی ہیں‘، حالانکہ ان کے بقول انہوں نے ایسا کوئی اقدام نہیں کیا تھا۔
مزید پڑھیے: امریکا ایران مذاکرات، پیپلز پارٹی کا کردار پسِ منظر میں کیوں؟
رکن قومی اسمبلی نے مزید کہا کہ یہ پہلا موقع نہیں تھا کہ عطا اللہ تارڑ کے رویے پر انہیں اعتراض ہوا ہو۔ ان کے مطابق اس سے قبل بھی ایک پارلیمانی سوال کے جواب میں وزیر اطلاعات نے ان کے سوال کا متعلقہ جواب نہیں دیا تھا۔
انہوں نے دعویٰ کیا کہ جب انہوں نے قومی اسمبلی میں اس معاملے کی نشاندہی کی تو عطا اللہ تارڑ نے جواب دیا کہ میرا یہی کام ہے کہ سوال جیسا بھی ہو جواب میں اپنی مرضی کا دیتا ہوں۔
سحر کامران نے سپیکر قومی اسمبلی کے رویے پر بھی اعتراض کرتے ہوئے کہا کہ انہیں ایوان میں جانبداری محسوس ہوئی۔
انہوں نے کہا کہ اس سے قبل بھی ایک وفاقی وزیر کی جانب سے پاکستان پیپلز پارٹی کی سینیٹر شیری رحمان کے ساتھ بھی نامناسب رویہ اختیار کیا گیا تھا۔
سحر کامران نے وزیراعظم سے مطالبہ کیا کہ وہ وزرا کے رویے کا نوٹس لیں اور پارلیمانی روایات کے مطابق ارکان کے ساتھ احترام پر مبنی طرز عمل یقینی بنائیں۔
انہوں نے کہا کہ پاکستان پیپلز پارٹی نے جمہوریت اور آئین کی بالادستی کے لیے بے شمار قربانیاں دی ہیں۔ ان کے بقول پارٹی آج بھی جمہوریت کے استحکام کی خاطر وفاقی حکومت کی اتحادی ہے تاہم اسی وجہ سے کابینہ کا حصہ نہیں بنی۔
مزید پڑھیں: عطا تارڑ کا بڑا ایکشن: واجبات کی ادائیگی تک نجی ٹی وی کے اشتہارات بند کا اعلان
انہوں نے مزید کہا کہ پاکستان پیپلز پارٹی کی ملک کے تمام صوبوں کے علاوہ گلگت بلتستان اور آزاد کشمیر میں بھی نمایاں نمائندگی موجود ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رکن قومی اسمبلی سحر کامران سحر کامران کو عطا تارڑ سے شکایت وفاقی وزیر اطلاعات عطا اللہ تارڑ
بھارت سے جنگ اور افغانستان میں کارروائی خارج ازامکان نہیں، وزیردفاع