سپریم لیڈر کے متعلق دشمن جعلی، من گھڑت و بے بنیاد دعوے کر رہا ہے، ایرانی سفیر
اشاعت کی تاریخ: 6th, January 2026 GMT
اپنے ایک بیان میں ایرانی سفیر رضا امیری مقدم نے کہا کہ پاکستانی میڈیا سے اپیل ہے کہ مستند اور مصدقہ ذرائع پر انحصار کریں اور احتیاط برتیں۔ اسلام ٹائمز۔ پاکستان میں جمہوری اسلامی ایران کے سفیر رضا امیری مقدم نے کہا ہے کہ سپریم لیڈر کیخلاف الزامات من گھڑت اور بے بنیاد ہیں، دشمن جعلی خبریں پھیلا رہا ہے۔ رہبر معظم انقلاب حضرت آیت اللہ العظمیٰ سید علی خامنہ ای کے حوالے سے دشمن کی جانب سے حالیہ دنوں میں خبریں زیر گردش تھیں کہ وہ ملک چھوڑ کر جانے کے حوالے سے منصوبہ بندی کر رہے ہیں، تاہم اب ایرانی سفیر نے ان خبروں کو نہ صرف گمراہ کن قرار دیا ہے، بلکہ اسے دشمن کی سازش سے تعبیر کیا ہے۔ ایرانی سفیر نے کہا کہ دشمن ایک بار پھر جھوٹی اور جعلی خبروں کے ذریعے پروپیگنڈا کر رہا ہے، الزامات دشمن کی میدان جنگ میں ناکامیوں پر پردہ ڈالنے کی کوشش ہے۔
ایرانی سفیر رضا امیری مقدم نے کہا کہ 12 روزہ جنگ میں ایرانی افواج نے بہادری اور عزم کے ساتھ وطن کا دفاع کیا، ایرانی فوجی اور کمانڈر وطن کے دفاع میں شہید ہوئے اور تاریخ کا حصہ بن گئے۔ ایرانی سفیر نے کہا کہ سپریم لیڈر مسلح افواج کے سپریم کمانڈر اور قوم کے شانہ بشانہ کھڑے ہیں، غلط معلومات اور ڈیجیٹل دہشتگردی سے اجتناب پیشہ ورانہ ذمہ داری ہے۔ ایرانی سفیر رضا امیری مقدم نے کہا کہ پاکستانی میڈیا سے اپیل ہے کہ مستند اور مصدقہ ذرائع پر انحصار کریں اور احتیاط برتیں۔
ذریعہ
ذریعہ: Islam Times
کلیدی لفظ: سفیر رضا امیری مقدم ایرانی سفیر نے کہا کہ
پڑھیں:
کراچی ایئرپورٹ پر جعلی یو اے ای ورک ویزا فراڈ بے نقاب، مسافر آف لوڈ
مسافر کے مطابق اس نے ویزا اور سفری دستاویزات کے حصول کیلئے ایجنٹ کو 3 لاکھ 80 ہزار روپے ادا کیے تھے۔ اسلام ٹائمز۔ ایف آئی اے امیگریشن نے دبئی جانے والے مسافر سید ظل اللہ احسان الزمان کو جعلی یو اے ای ریزیڈنس، ورک ویزا پر سفر کی کوشش کے دوران آف لوڈ کر دیا۔ ترجمان ایف آئی اے کے مطابق دورانِ بورڈنگ عملے کو ٹکٹ کی تفصیلات ایئرلائن سسٹم میں نہ ملنے پر مسافر کو مزید جانچ کیلئے روکا گیا، تفصیلی جانچ کے دوران پیش کردہ یو اے ای ورک ویزا جعلی اور بوگس پایا گیا۔ ابتدائی تحقیقات میں مسافر نے انکشاف کیا کہ اس نے سوشل میڈیا کے ذریعے رابطہ کرنے والے ایجنٹ ملک شہباز اعوان سے بیرون ملک ملازمت کے انتظامات کروائے تھے، مذکورہ ایجنٹ مبینہ طور پر ’’مَلک اوورسیز‘‘ کے نام سے جوہرآباد، خوشاب میں کام کر رہا ہے۔
مسافر کے مطابق اس نے ویزا اور سفری دستاویزات کے حصول کیلئے ایجنٹ کو 3 لاکھ 80 ہزار روپے ادا کیے تھے۔ ادائیگیاں مختلف جاز کیش اور بینک اکاؤنٹس میں منتقل کی گئیں۔ مسافر نے مؤقف اختیار کیا کہ اسے ویزا کے جعلی ہونے کا علم نہیں تھا اور وہ خود بھی ویزا فراڈ کا شکار ہوا ہے۔ ترجمان ایف آئی اے کے مطابق مسافر کو تمام متعلقہ دستاویزات سمیت مزید قانونی کارروائی اور تحقیقات کیلئے ایف آئی اے اینٹی ہیومن ٹریفکنگ سرکل کراچی منتقل کر دیا گیا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے