تنویر پاستا کی نئے آئی جی اور ایڈیشنل آئی جی کراچی کو مبارکباد
اشاعت کی تاریخ: 6th, January 2026 GMT
data-id="863a0a8" data-element_type="widget" data-widget_type="theme-post-content.default">
260106-05-5
کراچی (کامرس رپورٹر)سندھ پولیس کے نئے انسپکٹر جنرل (آئی جی) جاوید عالم اوڈھو اور ایڈیشنل آئی جی کراچی آزاد خان کی تقرری پر کاروباری رہنماؤں سمیت مختلف حلقوں کی جانب سے مبارکبادوں کا سلسلہ جاری ہے۔اس حوالے سے گل پلازہ مینجمنٹ کمیٹی کے صدر، پاستا گروپ کے چیف ایگزیکٹو اور آر جے گروپ کے ڈائریکٹر محمد تنویر پاستا نے جاوید عالم اوڈھو کو آئی جی سندھ کا منصب سنبھالنے پر دلی مبارکباد پیش کی ہے۔ انہوں نے اپنے پیغام میں کہا کہ انہیں مکمل یقین ہے کہ جاوید عالم اوڈھو کی بصیرت افروز قیادت میں سندھ پولیس عوامی خدمت، پیشہ ورانہ کارکردگی اور فرض شناسی کے نئے معیار قائم کرے گی۔ تنویر پاستا نے نئے آئی جی سندھ کے لیے نیک تمناؤں کا اظہار کرتے ہوئے کہا کہ ان کی قیادت میں صوبے میں امن و امان کی صورتحال مزید بہتر ہوگی۔تنویر پاستا نے مزید کہا کہ اس وقت کراچی کی کاروباری برادری کو مختلف مسائل اور مشکلات کا سامنا ہے اور امید ہے کہ نئے آئی جی اور ایڈیشنل آئی جی کراچی کی کاروباری برادری کو اولین ترجیح دیتے ہوئے ان مسائل کے حل کے لیے مؤثر اور عملی اقدامات کریں گے تاکہ تاجروں کو درپیش مشکلات کا جلد ازالہ ہو سکے۔ تنویر پاستا نے آزاد خان کو ایڈیشنل آئی جی کراچی کے عہدے پر تعینات ہونے پر بھی دلی مبارکباد پیش کی۔ انہوں نے کہا کہ آزاد خان ایک تجربہ کار، دیانتدار اور پیشہ ور پولیس افسر ہیں اور توقع ہے کہ ان کی قیادت میں کراچی میں امن و امان کے قیام، جرائم کے خاتمے اور شہریوں بالخصوص تاجر برادری کے جان و مال کے تحفظ کے لیے مؤثر اقدامات کیے جائیں گے۔تنویر پاستا نے دعا کی کہ اللہ تعالیٰ جاوید عالم اوڈھو اور آزاد خان کو ان اہم ذمے داریوں میں کامیابی عطا فرمائے اور ان کی قیادت میں سندھ خصوصاً کراچی کو ایک محفوظ، پر امن اور کاروبار دوست شہر بنانے میں نمایاں بہتری آئے۔
ذریعہ
ذریعہ: Jasarat News
کلیدی لفظ: ایڈیشنل ا ئی جی کراچی جاوید عالم اوڈھو تنویر پاستا نے قیادت میں کہا کہ ا
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی