5جنوری یوم حق خودارادیت کا دن ہے اسکی اہمیت اور تاریخی پس منظر مسلمہ ہے، مقررین
اشاعت کی تاریخ: 6th, January 2026 GMT
سیمینار سے خطاب کرتے ہوئے وزیر میاں عبدالوحید نے کہا کہ یوم حق خودارادیت کی قرارداد وہ واحد دستاویز ہے جس کے ذریعے اقوام عالم کے سامنے مسئلہ کشمیر اجاگر کیا جا سکتا ہے۔ اسلام ٹائمز۔ جموں و کشمیر لبریشن سیل کے زیراہتمام یوم حق خودارادیت کے موقع پر کشمیر ہائوس اسلام آباد میں ایک سیمینار منعقد کیا گیا۔ ذرائع کے مطابق سیمینار کے مہمان خصوصی سینئر وزیر میاں عبدالوحید تھے۔ سیمینار میں سابق صدر و وزیراعظم سردار محمد یعقوب خان، سردار مسعود خان، راجہ محمد فاروق حیدر خان، سردار محمد عتیق خان، وزیر نبیلہ ایوب، امیر جماعت اسلامی آزاد کشمیر راجہ ڈاکٹر محمد مشتاق، حریت رہنما الطاف بٹ، محترمہ شمیم شال، ڈاکٹر راجہ سجاد خان، راجہ خان افسر خان، سردار ساجد محمود، سردار علی شان، سردار نجیب الغفور، راجہ راشد رضا، خواجہ عمران الحق، سردار صدیق، ظفر مغل، راجہ بشیر، بشیر عثمانی، راجہ عبدالجبار، روبینہ بٹ اور دیگر سیاسی و سماجی رہنمائوں اور مختلف شعبہ زندگی سے تعلق رکھنے والے افراد نے شرکت کی۔
سیمینار سے خطاب کرتے ہوئے وزیر میاں عبدالوحید نے کہا کہ 5جنوری یوم حق خودارادیت کا دن ہے اسکی اہمیت اور تاریخی پس منظر مسلمہ ہے، یوم حق خودارادیت کی قرارداد وہ واحد دستاویز ہے جس کے ذریعے اقوام عالم کے سامنے مسئلہ کشمیر اجاگر کیا جا سکتا ہے۔ انہوں نے کہا کہ کشمیری تنازعہ کشمیر کے اصل فریق ہیں جنہوں نے اپنی تحریک آزادی کیلئے لاکھوں جانوں کا نذرانہ پیش کیا ہے۔ انہوں نے کہا کہ آزادی کی تحریکیں ماہ و سال کی پابند نہیں، انشااللہ تحریک آزادی کامیابی سے ہم کنار ہو گی، ہمارے وکیل پاکستان نے کشمیر کیلئے تین جنگیں لڑیں، معرکہ حق کی بدولت مسئلہ کشمیر ایک مرتبہ پھر دنیا بھر میں اجاگر ہوا ہے۔ سردار محمد یعقوب خان نے کہا کہ آج کا دن مسئلہ کشمیر کے حوالے سے انتہائی اہمیت کا حامل ہے، اقوام متحدہ کو چاہیے کہ وہ اپنی اس قرارداد پر عمل درآمد کروائے۔انہوں نے کہا کہ ریاست جموں و کشمیر کے لوگ مشکلات کے باوجود بھارت سے آزادی لیکر رہیں گے۔
راجہ محمد فاروق حیدر خان نے کہا کہ 5 اگست کے یکطرفہ بھارتی اقدامات کشمیریوں کو قبول نہیں ہیں، آج کا دن کشمیریوں کیلئے انتہائی اہمیت کا حامل ہے، اقوام متحدہ کو چاہیے کہ وہ اپنی اس قرارداد پر عملدرآمد کروائے۔ سردار مسعود خان نے کہا کہ حق خودارادیت کشمیریوں کا بنیادی حق ہے، اقوام متحدہ کو چاہیے کہ وہ اپنی اس قرارداد پر عملدرآمد کروائے، امریکہ میں سفارتکاری نے مسئلہ کشمیر کو بھرپور انداز میں اجاگر کیا اور انشاءاللہ وہ دن دور نہیں جب کشمیریوں کو ان کا حق خودارادیت ملے گا۔ سردار عتیق احمد خان نے کہا کہ پانچ جنوری مسئلہ کشمیر کے حوالے سے انتہائی اہمیت کا حامل ہے اس دن اقوام متحدہ نے کشمیریوں کو ان کا حق خودارادیت دینے کا وعدہ کیاتھا۔ بھارت کے 5 اگست کے اقدامات غیر قانونی ہیں اور وہ ریاست میں مسلمانوں کی اکثریت کو اقلیت میں بدلنا چاہتا ہے مگر اسے ناکامی کا سامنا کرنا پڑے گا۔
محترمہ نبیلہ ایوب اوردیگر مقررین نے اقوام متحدہ پر زور دیا کہ وہ جموں و کشمیر سے متعلق اپنی قرارداد پر عملدرآمد کروائے اور کشمیریوں کو ان کا پیدائشی حق دے۔ انہوں نے کہا کہ سات دہائیوں سے زائد عرصے سے کشمیری عوام اپنے پیدائشی حق خودارادیت سے مسلسل محروم ہیں۔ انہوں نے سابق وزیراعظم اور قائد عوام شہید ذوالفقار علی بھٹو کو بھی ان کے یوم پیدائش پر خراج عقیدت پیش کیا۔ انہوں نے کہا کہ شہید بھٹو نے کشمیر پر ایک ہزار سال تک جنگ کا آفاقی نظریہ دیا اور ایٹمی پاکستان کی بنیاد رکھ کر پاکستان کے دفاع کو ناقابل تسخیر بنایا۔
ذریعہ
ذریعہ: Islam Times
کلیدی لفظ: یوم حق خودارادیت انہوں نے کہا کہ خان نے کہا کہ مسئلہ کشمیر اقوام متحدہ کشمیریوں کو کشمیر کے
پڑھیں:
نیشنل کانفرنس کی حکومت ہر محاذ پر ناکام ہو چکی ہے، غلام علی کھٹانہ
بی جے پی کے لیڈر نے کہا کہ ان کی جماعت جموں و کشمیر بھر سے عوامی آراء اور شکایات جمع کر رہی ہے اور عوامی مسائل کو پارلیمنٹ میں اٹھایا جائیگا۔ اسلام ٹائمز۔ بھارت میں برسراقتدار مخلوط حکومت کی اتحادی جماعت بی جے پی کے لیڈر اور راجیہ سبھا کے رکنِ پارلیمان انجینیئر غلام علی کھٹانہ نے الزام عائد کیا کہ جموں و کشمیر میں نیشنل کانفرنس کی قیادت والی حکومت عوامی مسائل کے حل میں ہر محاذ پر ناکام ثابت ہوئی ہے، جس کے باعث عوام میں بے چینی اور ناراضگی بڑھ رہی ہے۔ ضلع رامبن کے سب ڈویژن بنیہال میں منعقدہ ایک عوامی دربار سے خطاب کرتے ہوئے جس میں مقامی باشندوں اور سرکاری افسران نے شرکت کی، غلام علی کھٹانہ نے دعویٰ کیا کہ گزشتہ دو برسوں کے دوران تعلیم، صحت، پینے کے صاف پانی اور بجلی کے شعبوں کی حالت مزید خراب ہوئی ہے۔ انہوں نے وزیرِ اعلیٰ عمر عبداللہ کی قیادت والی حکومت پر عوام سے دور ہونے کا الزام عائد کرتے ہوئے زیادہ جوابدہی کا مطالبہ کیا۔
بی جے پی کے لیڈر نے کہا کہ ان کی جماعت جموں و کشمیر بھر سے عوامی آراء اور شکایات جمع کر رہی ہے اور عوامی مسائل کو پارلیمنٹ میں اٹھایا جائے گا۔ انہوں نے مرکز کے زیرِ انتظام جموں و کشمیر کی انتظامیہ کی کارکردگی پر وائٹ پیپر جاری کرنے کا مطالبہ بھی کیا اور گوجر-بکروال برادریوں اور بے گھر کشمیری پنڈتوں کے لئے مزید حفاظتی اقدامات کی ضرورت پر زور دیا۔ عوامی ملاقات کے دوران مختلف عوامی مسائل اور ترقیاتی امور پر بھی تبادلۂ خیال کیا گیا، جس میں مقامی حکام، بی جے پی رہنماؤں اور علاقے کے باشندوں نے شرکت کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ